اشىق دەرەككوز
دۋبايداعى Fairmont The Palm رەزيدەنسياسىنا يران زىمىرانى ءتيدى مە؟ قازاقستاندىقتاردىڭ 96 پاتەرى بار ەكەنى انىقتالدى
دۋبايداعى اتاقتى Fairmont The Palm رەزيدەنسياسىنا يران زىمىرانى تۇسكەن دەگەن حابارلامالار ەلدى شۋلاتتى. الايدا، بۇل جاڭالىقتىڭ استارىندا تاعى ءبىر ەلەڭ ەتەرلىك جايت بار بولىپ شىقتى: اتالعان عيماراتتا قازاقستاندىقتارعا تيەسىلى 96 پاتەر بار ەكەنى انىقتالدى.
بۇل تۋرالى Infohub.kz اقپارات اگەنتتىگى حابارلايدى.
قازاقستاندىقتاردىڭ دۋبايداعى يگىلىگى
جۋرناليست ماناس قايىرتايدىڭ زەرتتەۋى بويىنشا، Fairmont The Palm رەزيدەنسياسىنىڭ ءبىر بولىگى ءقوناقۇي رەتىندە جۇمىس ىستەسە، قالعان ەكى بلوگى تۇرعىن ءۇي كەشەنى رەتىندە ساتىلعان. ونىڭ ايتۋىنشا، 2022 جىلعى C4ADS ۇيىمىنىڭ دەرەكتەرىنە سۇيەنسەك، قازاقستاندىقتار بۇل رەزيدەنسيادان 97 پاتەر ساتىپ العان.
قىزىعى سول، بۇل پاتەرلەردى ساتىپ العانداردىڭ اراسىندا بۇرىن بيلىكتە لاۋازىمدى قىزمەت اتقارعان تۇلعالاردىڭ تۋىستارى دا بار كورىنەدى. جۋرناليست ءتىپتى Fairmont The Palm رەزيدەنسياسىنان پاتەر العان قازاقستاندىقتاردىڭ ءتىزىمىن جاريالاعانىن ايتتى.
رەسمي جاۋاپ كۇتىلۋدە
ايتا كەتەيىك، دۋبايداعى اتالعان كەشەن اۋماعىنا زىمىران تۇسكەنى تۋرالى اقپارات ازىرگە رەسمي تۇردە راستالماعان. ءتيىستى ورگاندار بۇل جايتقا قاتىستى ءالى ناقتى تۇسىنىكتەمە بەرگەن جوق.
-
رەسەيلىك ساراپشىلار قازاقستاننىڭ رەسەيگە قاتىستى ساياساتىنا نارازىلىق ءبىلدىرىپ، ەلدى «وداقتاس ەمەس» دەپ اتادى.
-
ءانشى توقتار سەرىكوۆ الەۋمەتتىك جەلىدە تۇرسىنبەك قاباتوۆپەن بىرگە تۇسكەن ەسكى سۋرەتىن جاريالاپ، وتكەن كۇندەرگە دەگەن ساعىنىشىن ءبىلدىردى.
