-دۇشپانىڭ بار ما؟ -دەيسىڭ،
قايدان بىلەم...
ايتەۋىر، جۇرگەن جەرىم - سايران كىلەڭ.
قازاقتىڭ قايسى ۇيىنە بارسام-داعى،
الدىمدا - اق داستارقان، جايعان كىلەم.
دۇشپانىم جوق-اۋ دەيمىن، ءتۇرى جامان...
(ءسىرا، مەن بۇل مايداندا ءتىرى قالام.)
قازاقتىڭ قايسىسىمەن كەزدەسسەم دە
قايرىلماي كەتكەنى جوق ءبىرى ماعان.
دوستاستىم كىشىسىمەن، ۇلكەنىمەن،
ءوزىمشىل وجەتىمەن، ۇركەگىمەن.
اتا-قازاق الىستا توي جاساسا،
الدىمەن تىزىمىنە تىركەرى - مەن.
قايعىرمايمىن سوڭىمنان ءسوز بوسكەنگە
بىلەمىن بۇعاتىنىن كەزدەسكەندە،
ايتەۋىر، جۇزدەرىندە جىلىلىق بار،
قازاقتىڭ قايسىسىمەن كەزدەسسەم دە.
-دۇشپانىڭ بار ما؟ - دەيسىڭ،
قايدان بىلەم...
اسىر caپ ورتاسىندا ويناپ جۇرەم.
ءسىرا، مەن باقىتتىمىن دۇشپانى جوق،
ۇيدەن شىقسام - ساۋىق پەن سايران كىلەڭ.

---