InfoHub Logo

افريكادا ەبولا ىندەتىنىڭ ورشۋىنە بايلانىستى الەم ەلدەرى ساياحاتقا قاتىستى قاتاڭ شەكتەۋلەر مەن كارانتين ەرەجەلەرىن ەنگىزۋدە. كەيبىر مەملەكەتتەر 30 كۇنگە دەيىن كىرۋگە تىيىم سالسا، ەندى بىرەۋلەرى كەلگەندەردى مىندەتتى تۇردە ءۇش اپتالىق كارانتينگە جىبەرۋدە. Tengri Travel بۇل ەلدەردىڭ ءتىزىمىن جاريالادى.

بۇل تۋرالى Infohub.kz اقپارات اگەنتتىگى حابارلايدى.

كىرۋگە تىيىم سالىنعان ەلدەر

اقش

اقش بيلىگى سوڭعى 21 كۇن ىشىندە كونگو دەموكراتيالىق رەسپۋبليكاسى (كدر)، ۋگاندا نەمەسە وڭتۇستىك سۋداندا بولعان شەتەلدىك ازاماتتاردىڭ ەلگە كىرۋىنە تىيىم سالدى. بۇل شەكتەۋ گرين-كارتا يەلەرىنە دە قاتىستى.

كانادا

كانادا ۇكىمەتى كدر، وڭتۇستىك سۋدان جانە ۋگاندا تۇرعىندارىنا 27 مامىردان باستاپ 90 كۇن بويى ەلگە كىرۋگە تىيىم سالدى. كانادا ازاماتتارى مەن تۇراقتى تۇرعىندار ءۇشىن، ەگەر ولاردا اۋرۋ بەلگىلەرى بولماسا دا، 30 مامىردان باستاپ 21 كۇندىك مىندەتتى كارانتين ەنگىزىلدى.

باگام ارالدارى

باگام ارالدارىنىڭ ۇكىمەتى جاقىندا كدر، ۋگاندا جانە وڭتۇستىك سۋدانعا بارعان ساياحاتشىلارعا 30 كۇنگە ۋاقىتشا تىيىم سالدى.

يوردانيا

يوردانيا 20 مامىردا كدر جانە ۋگاندادان كەلەتىن ساياحاتشىلاردىڭ كىرۋىن 30 كۇنگە توقتاتتى. تەك يوردانيا ازاماتتارىنا عانا ەلگە ورالۋعا رۇقسات ەتىلدى.

باحرەين

باحرەين 19 مامىردا وڭتۇستىك سۋدان، كدر جانە ۋگاندادان كەلگەن شەتەلدىكتەردىڭ كىرۋىن 30 كۇنگە شەكتەدى. بۇل ەلدەردەن ورالعان ازاماتتار ءۇشىن جەكە سانيتارلىق ەرەجەلەر قولدانىلادى.

قوسىمشا باقىلاۋ ورناتىلعان ەلدەر

ينديا

24 مامىردا ينديا دەنساۋلىق ساقتاۋ مينيسترلىگى ءىرى حالىقارالىق اۋەجايلاردا تەكسەرۋدى كۇشەيتىپ، ازاماتتارعا كدر، ۋگاندا جانە وڭتۇستىك سۋدانعا بارۋدان باس تارتۋعا كەڭەس بەردى. سونداي-اق، ينديا-افريكا ءسامميتى كەيىنگە شەگەرىلىپ، ءىرى مىسىقتاردى قورعاۋ اليانسىنىڭ كەزدەسۋى بولدىرماي تاستالدى.

تايلاند

26 مامىردا تايلاند ۋگاندا مەن كدر-دان كەلەتىن نەمەسە ترانزيتپەن وتەتىن بارلىق ساياحاتشىلار ءۇشىن 21 كۇندىك مىندەتتى كارانتين ەنگىزدى.

مەكسيكا

مەكسيكا ورتالىق افريكاداعى ەبولا ىندەتىنە بايلانىستى اۋەجايلاردا باقىلاۋدى كۇشەيتتى. اسىرەسە، 2026 جىلعى فۋتبولدان الەم چەمپيوناتى الدىندا تەكسەرۋلەر قاتايتىلدى. دەنساۋلىق ساقتاۋ ءمينيسترى ساياحاتقا شىقپاۋعا كەڭەس بەردى.

بۇل قازاقستانعا قاتىستى ما؟

قازاقستاننىڭ ىندەت وشاقتارىمەن تىكەلەي اۋە بايلانىسى جوق بولعاندىقتان، ساراپشىلار ەلگە ءقازىر ەشقانداي ءقاۋىپ ءتونىپ تۇرعان جوق دەپ سانايدى. دەگەنمەن، اۆيارەيستەردىڭ تانىمالدىلىعىنا بايلانىستى تاۋەكەلدى جوققا شىعارۋعا بولمايدى.

20 مامىردا ق ر دەنساۋلىق ساقتاۋ مينيسترلىگى تۋريستەرگە ارنالعان ۇسىنىستار جاريالادى. ساپار الدىندا ازاماتتارعا كەلەسى كەڭەستەر بەرىلدى:

اۋرۋدىڭ العاشقى بەلگىلەرى پايدا بولعان جاعدايدا، دەرەۋ دارىگەرگە قارالۋ قاجەتتىگى ەسكەرتىلدى.

بۇعان دەيىن دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى ورتالىق افريكاداعى ەبولا ىندەتىنە بايلانىستى حالىقارالىق دەڭگەيدە توتەنشە جاعداي جاريالاعان بولاتىن.