InfoHub Logo

ءانشى ءارى پروديۋسەر ءمولدىر مۇقانوۆانى ومىرىندە كۇتپەگەن سىيلىق تاڭ قالدىردى. وعان بەيتانىس ازامات جاڭا اۆتوكولىك تارتۋ ەتتى. بۇل جاڭالىقتى ونەر يەسى Instagram پاراقشاسىندا ءبولىسىپ، جۇرتشىلىقتى ەلەڭ ەتكىزدى.

بۇل تۋرالى Infohub.kz اقپارات اگەنتتىگى حابارلايدى.

كۇتپەگەن توسىن سىي

ءمولدىر مۇقانوۆانىڭ ايتۋىنشا، بۇرىنعى كولىگىن بالالارىنا بەرگەن سوڭ، ءبىراز ۋاقىت بويى جاياۋ جۇرگەن. سول كەزدە ايگۇل ەسىمدى ازاماتشا وعان ءتورت دوڭگەلەكتى سۇيىكتىسىن سىيلاپ، تاڭدايىن قاقتىردى. ءانشىنىڭ قۋانىشتان كوزىنە جاس العانى بەينەجازبادان كورىنەدى.

«تۇسكى اس كەزىندە تانىستىق»

ءمولدىر مەن كولىك سىيلاعان ايگۇل حانىم سول كۇنى، ءتىپتى تۇسكى اس ۋاقىتىندا تانىسقان. «كەڭ بولساڭ كەم بولمايسىڭ» دەگەن قازاق ماقالىنا سىلتەمە جاساعان ءانشى، بەيتانىس جاننىڭ جومارتتىعىنا ريزاشىلىعىن ءبىلدىردى.

نيەتى ءتۇزۋ جانعا جولىعاسىڭ

ءانشى ءوزىنىڭ جازباسىندا ادامنىڭ نيەتى تازا بولسا، جولىندا دا سونداي اقجۇرەك جاندار كەزدەسەتىنىن اتاپ ءوتتى. «اللا ادامعا ايتپاي سىناق قانا بەرمەيدى، ايتپاي سىيلىق تا بەرەدى. نيەتىڭ قانداي ءتۇزۋ بولسا جولىڭا دا تىلەكتەس، نيەتتەس ادامدار جولىعادى»، – دەپ جازدى ءمولدىر مۇقانوۆا.

ونەر يەسى ايگۇل حانىمعا العىسىن ايتىپ، «كوركىڭ دە، كولىگىڭ دە، ءومىرىڭ دە توزباسىن» دەپ تىلەك ءبىلدىردى. سونداي-اق، قازاق حالقىنىڭ باي بولۋىن، بىر-بىرىنە ساي بولۋىن تىلەپ، «دوڭگەلەنگەن دۇنيەدە كولىكتەرىڭنىڭ دوڭگەلەگى اينالا بەرسىن قۇربىم!» دەپ ءسوزىن قورىتىندىلادى.