InfoHub Logo

ساباقتىڭ تاقىرىبى: ەكىنشى دۇنيەجۇزىلىك سوعىس قارساڭىنداعى حالىقارالىق قاتىناستار.

ساباقتىڭ ءتۇرى: ارالاس ساباق ۋاقىتى: 90 مين

ساباقتىڭ ماقساتى:
بىلىمدىلىك: ستۋدەنتتەرگە 1920 جىلدارداعى دۇنيە ءجۇزىنىڭ حالىقارالىق جاعدايىنا جانە حالىقارالىق قاتىناستارداعى رەسەي ماسەلەسىنە، ەكىنشى دۇنيە جۇزىلىك سوعىس قارساڭىندا حالىقارالىق قاتىناستارعا سيپاتتاما بەرۋ.
دامىتۋشىلىق: ەستە ساقتاۋ مەن ويلاۋ ءورىسىن دامىتۋ، وقيعانى بايانداۋ قابىلەتىن، تىڭداۋ قابىلەتىن قولدانىپ، وقۋ ۇردىسىنە قىزىعۋشىلىعىن دامىتۋ.
تاربيەلىك: تاريح تاعىلىمىنان ساباق الىپ، ءوز بولاشاعىنا باتىل قادام جاسايتىن، دۇنيەجۇزى حالقىنا قۇرمەتپەن قارايتىن، ەلىن، تۋعان جەرىن سۇيەتىن سانالى ۇرپاق تاربيەلەۋ.

ساباق بارىسىندا قولدانىلاتىن پەداگوگيكالىق تەحنولوگيالار:
▪ باقىلاۋ جانە باعالاۋ
▪ ىنتالاندىرۋ
▪ باعىت - باعدار بەرۋ.

بەلگىلەنگەن تەحنولوگيانى ىسكە اسىرۋ ادىستەرى:
▪ ارالاس جانە اۋىزشا سۇراۋ
▪ كارتامەن جۇمىس
▪ ءوزىن - ءوزى باعالاۋ
▪ ىزدەنۋ
▪ باقىلاۋ ارقىلى ماداقتاۋ ادىستەرى

پانىشىلىك بايلانىس: ءحىح عاسىردىڭ 30 جىلدارىنداعى ەۋروپا جانە اقش ەلدەرى، ەكى
سوعىس ارالىعىنداعى شىعىس ەلدەرى، لاتىن امەريكا ەلدەرى.
ءپان ارالىق بايلانىس (قامتيتىن جانە قامتىلاتىن پاندەر):
گەوگرافيا، ساياساتتانۋ، مادەنيەتتانۋ، الەۋمەتتانۋ
ساباقتىڭ جابدىقتالۋى:
كورنەكى قۇرالدار: «دۇنيە ءجۇزىنىڭ ساياسي كارتاسى»، سلايدتار.
ۇلەستىرمە ماتەريالدار: قيما قاعاز، تەست.
تەحنيكالىق وقۋ قۇرالدارى: ينتەراكتيۆتى تاقتا، كومپيۋتەر، پروەكتور، سد، دvد.

ساباقتىڭ بارىسى:
1 ۇيىمداستىرۋ كەزەڭى (5 مينۋت): ساباقتىڭ جابدىقتالۋىن، توپ تۇگەلدىگىن
تەكسەرىپ، جۋرنال تولتىرۋ.

2 ساباقتىڭ ماقساتى مەن جوسپارىن حابارلاۋ (5 مين):
ساباق تاقىرىبىنىڭ موتيۆاسياسىنا توقتالىپ، ستۋدەنتتەردەن لاتىن امەريكا ەلدەرىندەگى ونەركاسىپ ورىندارىنىڭ دامۋىن، ۇساق بۋرجۋازيالىق دەموكراتتاردىڭ كۇرەسىنىڭ بەلەڭ الۋىن، مەملەكەتتەردىڭ دامۋى قيىن كەزەڭدەردەن تۇرعانىن سۇراۋ.

4 ءۇي تاپسىرماسىن پىسىقتاۋ: (20 مينۋت)
تومەندە كورسەتىلگەن كەستەنى تولتىرىڭىز:

5. جاڭا تاقىرىپقا موتيۆاسيالىق سيپاتتاما بەرىپ، تاقىرىپتى ءتۇسىندىرۋ:
ستۋدەنتتەرگە ەۋروپادا حح عاسىردىڭ - 20 جىلدارىنداعى «پاسيفيزم ءداۋىرى» دەپ اتالۋىن، داعدارىس جىلدارىندا ۆەرسال - ۆاشينگتون جۇيەسىنىڭ كۇيرەۋ سەبەبىن، ۇجىمدىق قاۋىپسىزدىكتى ۇيىمداستىرۋ ماسەلەسى جانە باسشىلاردى تاتۋلاستىرۋ ساياساتىنا سيپاتتاما بەرۋ.

ەكىنشى دۇنيە جۇزىلىك سوعىس قارساڭىنداعى حالىقارالىق قاتىناستار
20 — 30 - جىلدارداعى حالىقارالىق قاتىناستار. سوعىستار ارالىعىنداعى حالىقارالىق قاتىناستاردى 20 - جىلدارداعى جانە 30 - جىلدارداعى دەپ eكi كەزەڭگە بولۋگە بولادى.
العاشقى كەزدە سوعىستا جەڭىسكە جەتكەن ەلدەر مەن جەڭىلگەن ەلدەردىڭ اراسىندا ءوزارا كەلىسىمشارتتار جاسالدى.
ءبىرىنشى دۇنيەجۇزىلىك سوعىستان زارداپ كورگەن حالىقتار بەيبىتشىلىكتى جاقتاپ، سوعىسقا قارسى تۇرۋ كوزقاراسى قالىپتاستى. سوندىقتان 20 - جىلدار پاسيفيزم ءداۋىرى اتالىپ، مەملەكەت باسشىلارى ەلدەر اراسىنداعى قايشىلىقتاردى بەيبىت تۇردە شەشۋگە كوشتى.
ۆەرسال - ۆاشينگتون جۇيەسىنىڭ كۇيرەyi. حالىقارالىق قاتىناستاردا شيەلەنىستەر بىرىنەن سوڭ بipi تۋىنداپ وتىردى. سولاردىڭ بىرىنە سوعىستان كەيىن تولەمدەرگە قاتىستى "رۋر داعدارىسى" جاتادى.
جەڭىلگەن گەرمانيا 132 ملرد ماركا دەپ ەسەپتەلگەن سوعىس شىعىنىن وتەۋگە ءماجبۇر بولدى. سوعىستان كەيىن اسكەري كۇشكە سۇيەنگەن فرانسيا ءوز ۇستەمدىگىنەن ەۋروپاعا ورناتپاق بولىپ، باسقالارمەن ساناسپاي قوقان - لوقىلىققا سالدى. 1923 جىلى گەرمانيا جاعى سوعىس شىعىندارىن وتەۋ ءتارتىبىن بۇزدى دەگەن سىلتاۋعا سۇيەنىپ، فرانسيا جانە بەلگيا نەمىستەردىڭ رۋر وبلىسىنا اسكەرلەرىن ەنگىزدى.

بۇل داعدارىستى رەتتەۋگە انگليا، اقش، ت. ب. ەلدەر اتسالىسىپ، 1924 جىلى حالىقارالىق كاپيتال ۇسىنعان "داۋەس جوسپارى" قابىلداندى. (داۋەس — نەمىس بانكتەرىمەن جانە كاسىپورىندارىمەن تىعىز بايلانىستا بولعان امەريكانىڭ مورگان توبىنىڭ وكىلى). ول جوسپار گەرمانيا تولەم اقىسىن جىل سايىن 1 ملرد ماركامەن ەسەپتەپ، ەلدىڭ جاعدايى جوندەلە باستاعاندا 3 ملرد ماركاعا دەيىن جەتكىزۋدى بەلگىلەدى. سوعىس شىعىندارىن وتەۋ ماسەلەسى نەمىس حالقىنىڭ نارازىلىعىن تۋدىرىپ، بارعان سايىن قارسىلاسۋدى ۇلعايتتى.

مۇنداي ارەكەتكە جول بەرمەۋ ءۇشىن، سونداي - اق فرانسيانى ساباسىنا ءتۇسىرۋ ءۇشىن ۇلىبريتانيا مەن يتاليا ۇسىنىسى بويىنشا 1925 جىلى لوكارنو قالاسىندا (شۆەيساريا) سىرتقى icتep مينيسترلەرى كەزدەستى. كەزدەسۋگە ولاردان باسقا فرانسيا، بەلگيا، گەرمانيا مەملەكەتتەرى شاقىرىلدى. سونىڭ ناتيجەسىندە رەين كەپىلدىك پاكتىسىنە قول قويىلىپ، ول ەۋروپادا قالىپتاسقان شەكارالاردىڭ بۇزىلمايتىندىعىن مالىمدەيدى. پولشاعا، چەحوسلوۆاكياعا شارتتىق كەپىلدىك بەرىلدى. ولار گەرمانيانىڭ باتىس شەكارالارىنا ەشكىم تيىسپەيدى دەپ شەشەدى. ءسويتىپ، شيەلەنىس باسەڭدەپ، گەرمانيانىڭ ەۋروپا ەلدەرىمەن ساياسي تەڭدىگى مويىنداتىلدى. ءبىراق لوكارنوداعى كەلىسىمدە گەرما¬نيانىڭ شىعىستاعى شەكارالارى كەلەشەكتە قاراستىرىلۋى مۇمكىن دەلىنگەن بولاتىن. ءسويتىپ، نەمىس: حالقىنىڭ بولىنگەندىگى جانە ولاردىڭ كەيىن بip - بىرىمەن قوسىلۋى تۋرالى پىكىر تۋا باستادى. بۇل ۆەرسال جۇيەسىنىڭ ادىلەتسىزدىگىن دەلەلدەگەندەي بولدى. سونى كەيىن نەمىس ديپلوماتياسى العا تارتىپ، سۋدەت پەن اۆستريانى گەرمانياعا قوسۋ
ماسەلەسىن كوتەردى.

"داۋەس جوسپارى" گەرمانيا شارۋاشىلىعىنىڭ تەز جەتىلۋىنە جاردەمدەستى. نەمىستەر سوعىس شىعىندارىن وتەۋدى جەڭىلدەتۋدە، كەرەك بولسا جويۋدى كوزدەدى. 1929 جىلى تامىزدا گااگادا وتكەن حالىقارالىق كونفەرەنسيا جاڭا "يۋنگ جوسپارىن" بەكىتىپ، گەرمانيانىڭ جىلدىق تولەمىن 2 ملرد. ماركاگا دەيىن ازايتتى.
ۇلتتار ليگاسىنىڭ دارمەنسىزدىگى. كەلەسى داۋ قارۋسىزداندىرۋ ماسەلەسىنە بايلانىستى بولدى. باتىس ەلدەرى وعان كسرو - نى دا قاتىستىرۋعا تىرىستى. ءبىراق ول كوپ ۋاقىت بويى ەشقانداي ناتيجە بەرمەدى. 1927 جىلى تەڭىزدەگى اسكەري كۇشتەردى شەكتەۋ تۋرالى كەلىسسوزدەر جەمىسسىز اياقتالدى. Ipi ەلدەردىڭ بip - بipءىنe سەنىمسىزدىكپەن قاراۋى ۇلعايا بەردى.