InfoHub Logo

2026 جىلدىڭ ەكىنشى جارتىسىنان باستاپ ەۋرازيالىق ەكونوميكالىق وداق (ەاەو) ەلدەرىندە Temu، AliExpress، iHerb سياقتى شەتەلدىك ونلاين ساۋدا الاڭدارىنان ساتىپ الىناتىن تاۋارلارعا قاتىستى جاڭا ەرەجەلەر قولدانىسقا ەنگىزىلەدى. بۇل وزگەرىستەر قازاقستاندىقتار ءۇشىن نەنى بىلدىرەتىنىن قارجى مينيسترلىگى ءتۇسىندىردى.

بۇل تۋرالى Infohub.kz اقپارات اگەنتتىگى حابارلايدى.

تاۋارلاردىڭ قۇنى 200 ەۋرودان اسپاسا

ەگەر ءسىزدىڭ ساتىپ العان تاۋارىڭىزدىڭ قۇنى 200 ەۋرودان (شامامەن 114 000 تەڭگە) اسپاسا، وندا ەشتەڭە وزگەرمەيدى:

جاڭا كەدەندىك دەكلاراسيا

شەتەلدىك ماركەتپلەيستەردەن الىناتىن تاۋارلار «ەلەكتروندىق ساۋدا تاۋارلارى» دەپ اتالاتىن جەكە ساناتقا جاتقىزىلادى. بۇل تاۋارلار ءۇشىن «ەلەكتروندىق ساۋدا تاۋارلارىنا ارنالعان دەكلاراسيا» اتتى جاڭا كەدەندىك دەكلاراسيا ءتۇرى ەنگىزىلەدى. بۇل دەكلاراسيادا 999 ءتۇرلى جەكە تۇلعانىڭ تاۋارلارى تۋرالى مالىمەتتەردى كورسەتۋگە بولادى. مۇنداي دەكلاراسيانى ساتىپ الۋشىلار اتىنان «ەلەكتروندىق ساۋدا وپەراتورلارى» – كەدەن ءىسى سالاسىنداعى جاڭا ينستيتۋت ۇسىناتىن بولادى.

سالماق شەگى الىنىپ تاستالادى

تاۋاردىڭ سالماعىنا قاتىستى 31 كيلوگراممدىق شەكتەۋ الىنىپ تاستالادى. دەگەنمەن، 200 ەۋرولىق باجسىز ساتىپ الۋ ءليميتى ساقتالادى.

200 ەۋرودان اسقان تاۋارلارعا سالىق

ەگەر تاۋاردىڭ قۇنى 200 ەۋرودان اسسا، وندا ونىڭ قۇنىنان 5% كەدەندىك باج جانە 16% ققس الىنادى. مىسالى، قۇنى 250 ەۋرو (شامامەن 142 500 تەڭگە) بولاتىن تاۋار ءۇشىن 12،5 ەۋرو (شامامەن 7000 تەڭگە) باج جانە ققس تولەۋ قاجەت بولادى. ال 500 ەۋرولىق (شامامەن 285 000 تەڭگە) تاۋارعا 25 ەۋرو (شامامەن 14 000 تەڭگە) باج جانە ققس قوسىلادى.

قازىرگى ۋاقىتتا مۇنداي تاۋارلارعا باجسىز شەكتەن اسقان سومانىڭ 15%-ى مولشەرىندە ءبىرىڭعاي تولەم قولدانىلادى.

ماقسات – ينتەرنەت-ساۋدانى رەتتەۋ

جاڭا ەرەجەلەر ينتەرنەت-ساۋدانى رەتتەۋگە جانە جەكە پايدالانۋعا ارنالعان ساتىپ الۋلار سىلتاۋىمەن كوممەرسيالىق پارتيالاردى اكەلۋگە جول بەرمەۋگە باعىتتالعان. بۇل وزگەرىستەر ەاەو اۋماعىندا بار جانە جەرگىلىكتى ينتەرنەت-الاڭداردا، سونىڭ ىشىندە Wildberries، Ozon جانە Kaspi.kz ارقىلى ساتىلاتىن تاۋارلارعا اسەر ەتپەيدى.

قارجى مينيسترلىگىنىڭ حابارلاۋىنشا، 200 ەۋروعا دەيىنگى جەكە پايدالانۋعا ارنالعان تاۋارلاردى تاپسىرىس بەرەتىن كوپتەگەن ساتىپ الۋشىلار ءۇشىن ساتىپ الۋ جانە جەتكىزۋ پروسەسى وزگەرىسسىز قالادى.