instagram.com/kff_jastar/
قازاقستاننىڭ U-19 قۇراماسى سەربيانى جەڭىپ، ەۋروپا چەمپيوناتىنا ىرىكتەۋدە توپ جاردى
قازاقستاننىڭ 19 جاسقا دەيىنگى جاسوسپىرىمدەر قۇراماسى سەربيانى 3:1 ەسەبىمەن تىزە بۇكتىرىپ، ەۋرو-2027 ىرىكتەۋ تۋرنيرىندە توپتىق كەزەڭدە ءبىرىنشى ورىنعا شىقتى. بۇل جەڭىس ارقاسىندا جاس «ايبىندىلار» توپتاعى تۋرنيرلىك كەستەدە سەربيانى ارتقا تاستاپ، كوش باستادى.
بۇل تۋرالى Infohub.kz اقپارات اگەنتتىگى حابارلايدى.
ماچ بارىسى
كەزدەسۋدە العاشقى گولدى 9-مينۋتتا سەربيالىق كوماندا سوقتى. الايدا، 25-مينۋتتا «قايراتتىڭ» جارتىلاي قورعاۋشىسى تورە ىسمۇحامبەتوۆ تارازى باسىن تەڭەستىردى. ەكىنشى تايمدا، 47 جانە 51-مينۋتتاردا «قايراتتىڭ» ۆينگەرى ىسلامبەك بولات دۋبل جاساپ، كومانداسىن العا شىعاردى.
قالعان ۋاقىتتا قازاقستاندىق فۋتبولشىلار ويىندى ءوز باقىلاۋىندا ۇستاپ، قارسىلاسقا مۇمكىندىك بەرمەدى. ماچتىڭ قورىتىندى ەسەبى – 3:1 قازاقستاننىڭ پايداسىنا شەشىلدى.
تۋرنير كەستەسى
وسى جەڭىس ارقاسىندا قازاقستان قۇراماسى 4 ۇپاي جيناپ، توپتا ءبىرىنشى ورىنعا كوتەرىلدى. سەربيا 3 ۇپايمەن ەكىنشى ورىندا، پورتۋگاليا 1 ۇپايمەن ءۇشىنشى، ال گرەسيا ءالى ۇپاي ەنشىلەي المادى.
ىرىكتەۋ كەزەڭىنىڭ كەلەسى ساتىسىنا توپتان ۇزدىك 3 كوماندا شىعادى.
بۇعان دەيىن قازاقستاننىڭ 19 جاسقا دەيىنگى قۇراماسى پورتۋگاليامەن تەڭ ويناعان بولاتىن.
-
يزۆەستنىي كازاحستانسكيي پيەۆەس ساكەن مايگازييەۆ پودەليلسيا نەوجيداننىمي مىسليامي و سەمەينوي جيزني، ۆىزۆاۆ بۋرنوە وبسۋجدەنيە.
-
Kazakhstan's U-19 team secured a crucial 3-1 victory over Serbia، propelling them to the top of their Euro 2027 qualifying group.
