Photo: Ayazhan (https://www.pexels.com/@ayazhan-3173683) / Pexels
"ەكىنشى ۇيىمدە جۇرگەندەيمىن" – ددسۇ باسشىسى ءجۇرسىن ەرماننىڭ قۇدالارىمەن بىرگە ءان سالدى
دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باس ديرەكتورى تەدروس ادحانوم گەبرەيەسۋس Instagram پاراقشاسىندا قازاق قۇدالارىمەن بىرگە قازاق تىلىندە ءان ايتقان ساتىنەن بەينەجازبا ءبولىستى. بۇل تۋرالى Stan.kz سايتىنا سىلتەمە جاساپ، Alash.kz حابارلادى.
بۇل تۋرالى Infohub.kz اقپارات اگەنتتىگى حابارلايدى.
بەينەجازبادا ددسۇ باسشىسى قازاق قۇدالارىمەن بىرگە ءان شىرقاپ وتىرعانى كورىنەدى. جازبا سيپاتتاماسىندا ول جىلى قابىلداۋ مەن اسەرلى كەش ءۇشىن العىس بىلدىرگەن.
«قۇداعي ارداق پەن قۇدا داۋلەتكە ەرەكشە كەش ءۇشىن ريزاشىلىعىمدى بىلدىرەمىن. ۋاقىتىمىز وتە كوڭىلدى ءارى مازمۇندى ءوتتى. ءبىر شاڭىراق استىندا كۇلكى، ماحاببات جانە جۇرەكتەن شىققان اندەر ۇندەستى. سونداي-اق ماعان ءۇش تاماشا نەمەرە سىيلاعاندارىڭىز ءۇشىن العىس ايتامىن – ولار مەنىڭ ەڭ ۇلكەن بايلىعىم. ءوزىمدى ەكىنشى ۇيىمدە جۇرگەندەي سەزىندىم. وتباسى – جۇرەك ءان سالاتىن مەكەن، بۇگىن مەنىڭ جۇرەگىم شاتتىققا تولى»، – دەپ جازدى ول.
قۇداندالى قارىم-قاتىناس
بەلگىلى بولعانداي، تەدروس ادحانوم گەبرەيەسۋس قازاق وتباسىمەن قۇداندالى. ايتىسكەر اقىن ءجۇرسىن ەرماننىڭ نەمەرەسى ونىڭ ۇلىنا تۇرمىسقا شىققان. بۇعان دەيىن دە ددسۇ باسشىسى ءجۇرسىن ەرماندى قازاق تىلىندە قۇتتىقتاپ، كوپشىلىكتىڭ نازارىن اۋدارعان ەدى.
استاناداعى جۇمىس ساپارى
قازىرگى تاڭدا ددسۇ باسشىسى استانا قالاسىندا جۇمىس ساپارىمەن ءجۇر. ول وڭىرلىك ەكولوگيالىق سامميتكە قاتىسۋدا. ساپار اياسىندا قاسىم-جومارت توقايەۆپەن كەزدەسىپ، بىرلەسكەن جوبالار تالقىلاندى.
-
يزۆەستنايا پيەۆيسا ناركەنجە سەريكبايەۆا پودەليلاس ليچنىمي پەرەجيۆانيامي و دوۆەريي، پرەداتەلستۆە ي سۆوەي جيزنەننوي فيلوسوفيي.
-
World Health Organization Director-General Tedros Adhanom Ghebreyesus shared a heartwarming video of himself singing in Kazakh with his Kazakh relatives، expressing deep gratitude for the warm reception.
