InfoHub Logo

ەكس-سەناتور قاناتبەك سافينوۆ پەن بۇقارالىق اقپارات قۇرالدارى اراسىنداعى سوت داۋى جاڭا كەزەڭگە ءوتتى. Ulysmedia.kz پەن وزگە دە اقپارات قۇرالدارىنىڭ سافينوۆتىڭ سۋرەتىن اشىق دەرەككوزدەن الىپ جاريالاۋىنا قاتىستى العاشقى سوت ينستانسياسى جۋرناليستەردىڭ ارەكەتىن زاڭدى دەپ تانىدى. الايدا سافينوۆ بۇل شەشىممەن كەلىسپەي، اپەللياسيالىق شاعىم ءتۇسىردى.

اشىق دەرەك – اشىق رۇقسات

سافينوۆتىڭ ادۆوكاتى مۇرات ادامنىڭ ايتۋىنشا، اپەللياسيالىق شاعىم استانا قالالىق سوتىنىڭ اپەللياسيالىق القاسىنا جولدانعان. ول ءبىرىنشى ينستانسيا سوتىنىڭ شەشىمىن ب ا ق تۋرالى زاڭمەن نەگىزدەگەنىن ەسكە سالدى:
– «ەگەر سۋرەت نەمەسە بەينەجازبا ادامنىڭ قوعامدىق نە قىزمەتتىك قىزمەتىمەن بايلانىستى بولسا ءارى بۇرىن اشىق دەرەككوزدەردە جاريالانعان بولسا، ونى كەلىسىمسىز تاراتۋعا بولادى»، – دەدى ادۆوكات.

سافينوۆ – زاڭ عىلىمدارىنىڭ دوكتورى، بۇرىنعى سەناتور. سۋرەتىنىڭ جاريالانۋىنا قارسى بولۋى ونىڭ جەكە قۇقىعى بولعانىمەن، جۋرناليستەر مەن زاڭگەرلەر بۇل تالاپتى شەكتەن تىس دەپ سانايدى.