gov.kz
ەلدىڭ زاڭگەرلەرى ەسكەرتەدى: الەۋمەتتىك جەلىدەگى پىكىر ءۇشىن سوتتالۋىڭىز مۇمكىن
قازاقستان رەسپۋبليكاسىنىڭ باس پروكۋراتۋراسى تەرروريزمدى ناسيحاتتاۋ جانە جالعان اقپارات تاراتۋ ءۇشىن قىلمىستىق جاۋاپكەرشىلىككە تارتۋ تۋرالى ەسكەرتۋ جاسادى. بۇل تۋرالى Tengrinews.kz حابارلادى.
قىلمىستىق كودەكستىڭ 256-بابى («تەرروريزمدى ناسيحاتتاۋ نەمەسە لاڭكەستىك اكتى جاساۋعا جاريا شاقىرۋ») بويىنشا جازا – 5 جىلدان 9 جىلعا دەيىن باس بوستاندىعىنان ايىرۋ جانە مۇلىكتى تاركىلەۋ. ەگەر بۇل ارەكەتتەر بۇقارالىق اقپارات قۇرالدارى، تەلەكوممۋنيكاسيا جەلىلەرى نەمەسە ونلاين-پلاتفورمالار ارقىلى جاسالسا، جاۋاپكەرشىلىك كۇشەيىپ، 12 جىلعا دەيىن باس بوستاندىعىنان ايىرۋعا دەيىن بارادى.
«لاڭكەستىككە قولداۋ كورسەتۋدىڭ تەك تىكەلەي شاقىرۋلار عانا ەمەس، وزگە دە فورمالارى قىلمىستىق جازالاناتىنىن اتاپ وتكەن ءجون. اتاپ ايتقاندا، جاسالعان لاڭكەستىك اكتىنى ماقۇلداۋ نەمەسە قولداۋ، سونىڭ ىشىندە الەۋمەتتىك جەلىلەردەگى پىكىرلەر نەمەسە وزگە دە جاريالانىمدار تۇرىندەگى قولداۋ دا تەرروريزمدى ناسيحاتتاۋ رەتىندە باعالانادى»، - دەپ ەسكەرتتى باس پروكۋراتۋرا.
كونستيتۋسيامەن كەپىلدەندىرىلگەن ءسوز بوستاندىعى كونستيتۋسيالىق قۇرىلىستى كۇشتەپ وزگەرتۋدى، مەملەكەتتىڭ اۋماقتىق تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، سوعىستى، سونداي-اق زورلىق-زومبىلىق پەن قاتىگەزدىك كۋلتىن ناسيحاتتاۋعا نەمەسە ۇگىتتەۋگە جول بەرمەيتىنىن اتاپ ءوتتى.
ينتەرنەتتە جانە الەۋمەتتىك جەلىلەردە مەكتەپتەر، ساۋدا ورتالىقتارى، اۋەجايلار، ۆوكزالدار جانە باسقا دا الەۋمەتتىك ماڭىزى بار نىساندارعا جارىلعىش زات قويىلعانى تۋرالى جالعان حابارلامالار ءجيى تارالادى. مۇنداي ارەكەتتەر ءۇشىن 5 جىلعا دەيىن باس بوستاندىعىنان ايىرۋ جازاسى قاراستىرىلعان.
«وتكەن جىلى جالعان تەرروريزم فاكتىلەرى بويىنشا سوتقا 25 قىلمىستىق ءىس جولداندى. ونىڭ بىرىندە 11-سىنىپ وقۋشىسى، وزگە ازاماتتىڭ ءاتى-جونىن پايدالانىپ، داۋسىن وزگەرتىپ، IP-مەكەنجايدى اۋىستىرۋ باعدارلامالارىن قولدانىپ، جەتىساي قالاسىنداعى مەكتەپتەردىڭ بىرىنە جارىلعىش قۇرىلعى قويىلعانى تۋرالى پوليسياعا حابارلاعان. ءوز تۇلعاسىن جاسىرۋعا تىرىسقانىنا قاراماستان، قوڭىراۋ شالعان ازامات انىقتالىپ، 1 جىل مەرزىمگە باس بوستاندىعىن شەكتەۋگە سوتتالدى. باسقا ءبىر جاعدايدا اقتاۋ قالاسىنىڭ تۇرعىنى ءبىلىم بەرۋ مەكەمەلەرىنىڭ بىرىندە بومبا بار دەگەن جالعان حابارلاما ءۇشىن 1 جىل 6 اي باس بوستاندىعىنان ايىرىلدى»، - دەپ حابارلادى باس پروكۋراتۋرا.
ۆەدومستۆو مۇنداي ءاربىر حابارلاما تجم، پوليسيا، ۇقك بولىمشەلەرى مەن جەدەل جاردەم بريگادالارىن تارتا وتىرىپ، اۋقىمدى تەكسەرۋلەر جۇرگىزۋگە سەبەپ بولاتىنىن ەسكە سالدى. بۇل تەكسەرۋلەرگە جۇمسالعان كۇش پەن قاراجات تا كىنالى تۇلعالاردان ءوندىرىپ الىنادى.
«باس پروكۋراتۋرا ازاماتتاردى سابىرلى بولۋعا، ال اتا-انالاردى بالالارىنىڭ ينتەرنەتتەگى جانە الەۋمەتتىك جەلىلەردەگى مىنەز-قۇلقى مەن بەلسەندىلىگىنە ەرەكشە نازار اۋدارۋعا شاقىرادى. ءتىپتى بەيكۇنا بولىپ كورىنگەن «ءازىل» دە اۋىر قۇقىقتىق سالدارلارعا اكەلىپ سوقتىرۋى جانە ادامنىڭ تاعدىرىن ماڭگىلىككە وزگەرتۋى مۇمكىن»، - دەپ تولىقتىردى ۆەدومستۆو.
-
مەملەكەت باسشىسى قاسىم-جومارت توقايەۆ ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتايەۆپەن كەزدەستى. كەزدەسۋدە مينيسترلىك جۇمىسىنىڭ باسىم باعىتتارى، حالىقتى جۇمىسپەن قامتۋدى ىنتالاندىرۋ، الەۋمەتتىك كومەك جۇيەسىن جەتىلدىرۋ جانە زەينەتاقىمەن قامسىزداندىرۋ ماسەلەلەرى تالقىلاندى.
-
اقتوبە قالاسىنداعى جەكە ۇيدەن ايەل مەن ءۇش بالانىڭ دەنەسى تابىلدى. الدىن الا بولجام بويىنشا، بۇل جاعداي گاز جابدىقتارىن دۇرىس پايدالانباۋدان تۋىنداعان بولۋى ىقتيمال.
