كتف / اندرەي ۋدارسيەۆ
ەلەنا رىباكينا گەرمانياداعى WTA-500 ءتۋرنيرىنىڭ جارتىلاي فينالىنا شىقتى
قازاقستاننىڭ ءبىرىنشى راكەتكاسى ەلەنا رىباكينا گەرمانياداعى شتۋتگارت قالاسىندا ءوتىپ جاتقان WTA-500 ءتۋرنيرىنىڭ شيرەك فينالىندا كانادالىق لەيلا فەرناندەستى (الەمدىك رەيتينگتە 25-ورىندا) جەڭىپ، جارتىلاي فينالعا شىقتى. بۇل تۋرالى Tengri Sport حابارلايدى.
پورشە-ارەنا كورتىندا وتكەن كەزدەسۋ 3 ساعات 2 مينۋتقا سوزىلدى. رىباكينا قارسىلاسىن 6:7 (5:7)، 6:4، 7:6 (8:6) ەسەبىمەن جەڭدى. ول كەزدەسۋدە جەتى ەيس جاساپ، سەگىز قوس قاتە جىبەرسە، فەرناندەس التى ەيس پەن التى قوس قاتە جاساعان.
ءتۋرنيردىڭ العاشقى كەزەڭىندە قازاقستاندىق تەننيسشى الەمنىڭ 19-راكەتكاسى، رەسەيلىك ديانا شنايدەرمەن كەزدەسىپ، 6:3، 6:4 ەسەبىمەن باسىم تۇسكەن بولاتىن. ال فەرناندەس بۇعان دەيىن تۇركيالىق زەينەپ سەنمەزدى (WTA رەيتينگىندە 79-ورىندا) جەڭگەن ەدى.
جارىستىڭ فينالىنا شىعۋ ءۇشىن قازاقستاندىق سپورتشى الەمنىڭ توعىزىنشى راكەتكاسى، رەسەيلىك ميررا اندرەيەۆامەن كەزدەسەدى.
شتۋتگارت ءتۋرنيرى 13-19 ءساۋىر ارالىعىندا وتۋدە. ءتۋرنيردىڭ جۇلدە قورى 1،2 ميلليون دوللار نەمەسە 570 ميلليون تەڭگەدەن اسادى. ەلەنا رىباكينا بۇل تۋرنيردە 2024 جىلى دا جەڭىمپاز اتانعان.
-
پەتروپاۆل قالاسىنىڭ ورتالىعىنداعى كونستيتۋسيا كوشەسىندە جۇرگىزىلىپ جاتقان رەكونسترۋكسيا جۇمىستارى كەزىندە كوپجىلدىق اعاشتاردىڭ كەسىلۋى جەرگىلىكتى تۇرعىنداردىڭ نارازىلىعىن تۋدىردى.
-
Kazakhstan's top tennis player، Elena Rybakina، has secured a spot in the semifinals of the WTA-500 tournament in Stuttgart after a hard-fought victory.
