ەلىمىزدە بالالاردى مەكتەپكە قابىلداۋ ءتارتىبى وزگەرەدى
بالالاردى مەكتەپكە قابىلداۋعا قاجەت قۇجاتتاردى تاپسىرۋ مەرزىمى وزگەرۋى مۇمكىن. بۇل تۋرالى اشىق نقا پورتالىندا جاريالانعان وقۋ-اعارتۋ مينيسترلىگىنىڭ بۇيرىق جوباسىندا جازىلعان.
«ءبىرىنشى سىنىپقا قابىلداناتىن بالالاردىڭ اتا-اناسىنان نەمەسە وزگە دە زاڭدى وكىلدەرىنەن قۇجات قابىلداۋ اعىمداعى جىلدىڭ 1 ساۋىرىنەن باستاپ جۇزەگە اسىرىلادى»، - دەلىنگەن قۇجاتتىڭ جاڭا رەداكسياسىندا.
ايتا كەتەيىك، قولدانىستاعى تالاپ بويىنشا ءبىرىنشى سىنىپقا باراتىن بالالاردان قۇجات قابىلداۋ 1 ءساۋىر مەن 1 تامىز ارالىعىندا جۇرەدى. ەندى ول تامىزدان كەيىن دە جالعاسا بەرۋى ىقتيمال.
ويتكەنى، بۇعان دەيىن بەكىتىلگەن اياقتالۋ ۋاقىتى الىنىپ تاستالماق،
سونىمەن قاتار 10، 11، 12ء-شى سىنىپتارعا وقۋشىلاردان قۇجات قابىلداۋ مەرزىمى وزگەرەدى.
«ونىنشى، ون ءبىرىنشى، ون ەكىنشى سىنىپتارعا ءبىلىم الۋشىلاردى قابىلداۋ ولاردىڭ جەكە ءوتىنىشى نە اتا-اناسىنىڭ نەمەسە وزگە دە زاڭدى وكىلدەرىنىڭ ءوتىنىشىنىڭ جانە نەگىزگى ورتا ءبىلىم تۋرالى مەملەكەتتىك ۇلگىدەگى قۇجات نەگىزىندە جۇزەگە اسىرىلادى. ءوتىنىش كۇنتىزبەلىك جىلدىڭ 31 تامىزىنا دەيىن قابىلدانادى»، - دەپ جازىلعان وقۋ-اعارتۋ مينيسترلىگىنىڭ بۇيرىق جوباسىندا.
قازىرگى ەرەجەگە ساي، اتالعان سىنىپتارعا بالالاردان قۇجات قابىلداۋ 15 تامىزدا اياقتالادى. ەندى ونىڭ ۋاقىتى 31 تامىزعا دەيىن ۇزارادى.
قۇجات 3 قازانعا دەيىن كوپشىلىك تالقىسىندا بولادى.
You Might Also Like
-
قورلىباي باتىر كوپ قولمەن ءبىر جاۋلاسقان جاۋىن شاۋىپ ەلىنە الىپ قايتىپ كەلە جاتقاندا، ءبىر توبەنىڭ اراسىندا قورلىباي جاياۋ وتىرادى. بىرەۋ كەلىپ: «باتىر، اتىڭ قايدا، ناعىپ جاياۋ وتىرسىز؟» دە...
-
جەڭىلدىكپەن تاسىمالداۋعا تەگىن جول ءجۇرۋ، جەڭىلدىكپەن جول ءجۇرۋ، سونداي-اق اقشالاي جاردەماقىلار جاتادى. قازاقستاندا تەمىرجول كولىگى ارقىلى جەڭىلدىكپەن جول ءجۇرۋ قۇقىعىنا حالىقتىڭ جەكەلەگەن توپتارى جات...
