InfoHub Logo

ەلىمىزدە قالاارالىق جانە وبلىسارالىق اۆتوبۋس قاتىناستارىنداعى ەرەجەلەر وزگەرەدى. بيلەتتەر، باعىتتار، ليسەنزيالار مەن تاسىمالداۋشىلارعا بەرىلەتىن سۋبسيديالار ەندى سيفرلىق جۇيەدە باسقارىلادى. بۇل تۋرالى Orda.kz حابارلايدى.

نەگىزگى جاڭالىق – كولىك قۇجاتتارىن باسقارۋدىڭ ءبىرىڭعاي جۇيەسى ەنگىزىلەدى. بۇل جۇيە جولاۋشىلار تاسىمالىنا قاتىستى قۇجاتتاردى تىركەۋ، ەسەپكە الۋ جانە ساقتاۋ قىزمەتىن اتقارادى. جۇيە مەملەكەتتىك ورگاندار مەن تاسىمالداۋ پروسەسىنە قاتىسۋشىلارعا دەرەكتەردى جىبەرىپ وتىرادى.

سونىمەن قاتار، جول ءجۇرۋ اقىسىن تولەۋ ەرەجەلەرى دە وزگەرەدى. حالىقارالىق، قالاارالىق، وبلىسارالىق جانە اۋدانارالىق اۆتوبۋس باعىتتارىندا جولاۋشىلار بيلەتتەردى اۆتوۆوكزال كاسسالارىنان عانا ەمەس، سيفرلىق تولەم جۇيەلەرى مەن ەلەكتروندى بيلەت ساتۋ اگەنتتەرى ارقىلى دا ساتىپ الا الادى.

جولاۋشىلاردى وتىرعىزۋ بيلەت پەن جەكە كۋالىكتىڭ نەگىزىندە جۇزەگە اسىرىلادى. ءتۇپنۇسقا قۇجاتتى دا، ونىڭ ەلەكتروندى نۇسقاسىن دا پايدالانۋعا بولادى.

تاسىمالداۋشىلارعا ارنالعان وزگەرىستەر

تاسىمالداۋشىلار ءۇشىن دە جاڭالىقتار بار. ولار الەۋمەتتىك ماڭىزى بار باعىتتار بويىنشا سۋبسيديا الۋعا وتىنىشتەردى «سيفرلىق ۇكىمەت» پورتالى ارقىلى بەرە الادى. بۇل قالالىق، اۋىلدىق، قالا ماڭىنداعى، اۋدان ىشىندەگى جانە اۋدانارالىق تاسىمالدارعا قاتىستى.

رەگۋليارلى قالالىق، اۋىلدىق، قالا ماڭىنداعى جانە اۋدان ىشىندەگى تاسىمالداردىڭ باعىتتارى مەن كەستەلەرى دە ەلەكتروندى جۇيە ارقىلى بەكىتىلەدى. ول ءۇشىن تاسىمالداۋشى باعىت سىزباسىن جانە كەستەسىن ۇسىنۋى ءتيىس.

اۆتوبۋستار مەن شاعىن اۆتوبۋستارمەن جۇزەگە اسىرىلاتىن رەتسىز حالىقارالىق، وبلىسارالىق، اۋدانارالىق تاسىمالدارعا ارنالعان ليسەنزيالار دا پورتال ارقىلى راسىمدەلەتىن بولادى. ليسەنزيانى الۋ بەس جۇمىس كۇنى، قايتا رەسىمدەۋ ءۇش جۇمىس كۇنى، ال دۋبليكات الۋ ەكى جۇمىس كۇنى ۋاقىت الادى.

بۇل نورمالار 2026 جىلدىڭ 12 شىلدەسىنەن باستاپ تولىق كۇشىنە ەنەدى.