InfoHub Logo

سوڭعى كەزدەرى الەۋمەتتىك جەلىلەردەگى تانىمالدىلىق پەن بەينەجازبالار ءۇشىن تابيعي جانە تاريحي نىسانداردى بۇزۋ فاكتىلەرى جيىلەپ كەتتى. بۇل ارەكەتتەر زاڭمەن قاتاڭ جازالاناتىنىن پوليسيا ەسكە سالدى.

بۇل تۋرالى Infohub.kz اقپارات اگەنتتىگى حابارلايدى.

ەل بايلىعىن قورعاۋ – مەملەكەتتىڭ باستى مىندەتى

تابيعات ەسكەرتكىشتەرى، قورىقتار، ۇلتتىق پاركتەر مەن تاريحي ورىندار – قازاقستاننىڭ ۇلتتىق بايلىعى. ولار مەملەكەت تاراپىنان قورعالادى. جارتاستارعا جازۋ جازۋ، ەسكەرتكىشتەردى نەمەسە باسقا دا تابيعي جانە مادەني نىسانداردى ءبۇلدىرۋ – بۇل جاي عانا ويىن ەمەس، زاڭ بۇزۋشىلىق.

قىلمىستىق كودەكستەگى جازا

قىلمىستىق كودەكستىڭ 294-بابى «ۆانداليزم» دەپ اتالادى. وعان سايكەس، مەملەكەت قورعاۋىنداعى نىسانداردى بۇزعانى ءۇشىن ايىپپۇل، قوعامدىق جۇمىستار، 50 تاۋلىككە دەيىن قاماۋعا الۋ، نەمەسە 3 جىلعا دەيىن باس بوستاندىعىنان ايىرۋ جازاسى قاراستىرىلعان. 2026 جىلعى ەسەپتەۋ بويىنشا، ايىپپۇل مولشەرى 432 500 تەڭگەدەن 8 650 000 تەڭگەگە دەيىن جەتۋى مۇمكىن.

ىشكى ىستەر مينيسترلىگى ءۆانداليزمنىڭ كەز كەلگەن تۇرىنە قاتىستى قاتاڭ شارا قولدانىلاتىنىن مالىمدەدى.

بۇعان دەيىن ماڭعىستاۋ وبلىسىندا پوليسيا ىبىقتى ساي شاتقالىندا جازۋ قالدىرعان ازاماتتى انىقتاپ، جاۋاپقا تارتقان بولاتىن.