InfoHub Logo

ساباقتىڭ تاقىرىبى: ەلىن سۇيگەن، ەلى سۇيگەن ەلباسى
ساباقتىڭ ماقساتى:
بىلىمدىلىك: قازاقستان رەسپۋبليكاسىنىڭ تۇڭعىش پرەزيدەنتى ن. ءا. نازاربايەۆتىڭ ءومىرى مەن قىزمەتى جايلى بىلىمدەرىن ودان ءارى تولىقتىرۋ. ستۋدەنتتەردىڭ بويىنا ۇلتتىق رۋحتى، پاتريوتتىق سەزىمدەردى ۇيالاتۋ. بولاشاقتا وتانىمىز قازاقستاندى وركەندەتۋگە ءبىلىمدى، بىلىكتى ادامدار كەرەك ەكەنىن اڭعارتۋ.
دامىتۋشىلىق: ستۋدەنتتەردىڭ سويلەۋ مادەنيەتىن، ءوز ويىن ورتاعا سالۋ داعدىلارىن جەتىلدىرۋ.
تاربيەلىك: رۋحاني - ادامگەرشىلىككە تاربيەلەۋ، جالپى ادامي قاسيەتتەرگە يە بولاتىن تۇلعا قالىپتاستىرۋ. ەلىمىزدىڭ بولاشاعى جاس وسپىرىمدەردىڭ وتان الدىنداعى بورىشىن وتەۋگە تاربيەلەۋ.
 جۇرگىزۋشى: قۇرمەتتى ستۋدەنتتەر، ۇستازدار، كەشىمىزگە كەلگەن قوناقتار! 1991 جىلى 1 جەلتوقساندا العاش رەت قازاق سسر پرەزيدەنتىنىڭ جالپىحالىقتىق سايلاۋى ءوتىپ، ول سايلاۋدا نۇرسۇلتان ءابىش ۇلى نازاربايەۆ ەل پرەزيدەنتى بولىپ سايلانعانى بارشامىزعا ءمالىم. ياعني، ءوز تاعدىرىن ءوزى ايقىنداۋعا العاشقى قادام جاساعان قازاقستان ءۇشىن 1 جەلتوقسان – مەملەكەتتىلىك تاريحىنىڭ مەرەيلى كۇنى سانالۋعا ورنى لايىقتى. جوعارى پارلامەنتتىڭ بەكىتۋىمەن 2012 جىلى 1 جەلتوقسان قازاقستاندا العاش رەت – تۇڭعىش پرەزيدەنت كۇنى مەملەكەتتىك مەرەكە رەتىندە اتالىپ ءوتىپ، بۇل بارشامىز ءۇشىن قۋانىشتى وقيعا بولدى. ەلباسىنا دەگەن ەل قۇرمەتىن ايرىقشا ايعاقتاۋعا ارنالعان بۇل مەرەكەنىڭ داستۇرلىك ءىس — شاراعا اينالۋعا ورنى بار ەكەنىن شىنايى سەزىممەن ايتىپ ءوتۋىمىز كەرەك.
وسىعان وراي، قابىلدانعان زاڭ مەملەكەتىمىزدىڭ ازاماتتارىنىڭ وتانشىلدىق رۋحىن ارتتىرا تۇسەتىن بولادى. تۇڭعىش پرەزيدەنت كۇنىنە وراي ۇيىمداستىرىلىپ وتىرعان، «ەلىن سۇيگەن، ەلى سۇيگەن ەلباسى» اتتى مەرەكەلىك شاراعا قوش كەلدىڭىزدەر!
  كۇنگە بەتتەپ بارا جاتىر كوش ءجۇرىپ،
ەلدىڭ داڭقى بار جاھانعا ەستىلىپ.
ەلباسىنى قۇرمەتتەيتىن ەرەكشە
ارمىسىزدار، اق پەيىلدى كوپشىلىك!
قازاقستان رەسپۋبليكاسىنىڭ گيمنى ورىندالادى.
جۇرگىزۋشى: ۇزاق جىلدار بويى جۇرەك قالاۋىمەن قوعامنىڭ ىلگەرى اياق باسۋىنا ءوز ۇلەسىن قوسىپ، قوعامنىڭ يگىلىگى ءۇشىن ەرىكتى قىزمەت ەتكەندە ۇپاي جينادىم دەپ ەمەس، بورىشىمدى وتەپ جاتىرمىن دەپ سانايتىن، اتىراۋدا قوعامدىق تۇلعانىڭ ەرەكشە ۇلگىسىن كورسەتىپ، جۇرگەن ازامات اعالارىمىز ورتامىزدا وتىر. ەرەكشە قۇرمەت كورسەتىپ قويايىق.
اتىراۋ قالاسىنىڭ قۇرمەتتى ازاماتى، كاسىپتىك ءبىلىم بەرۋ ۇزدىگى، باسقارۋ ورىندارىندا قىزمەت ەتكەن كۋشەنوۆ جاۋكەن قايىرلى ۇلى جانە قازاقستاننىڭ مادەنيەت قايراتكەرى، ۇزدىك ولكەتانۋشى، جۋرناليستەر وداعىنىڭ مۇشەسى ارداگەرلەر كەڭەسىنىڭ توپ جەتەكشىسى ءامىرجانوۆ امانعالي ءامىرجان ۇلى. قوشەمەت بىلدىرەيىك!
جۇرگىزۋشى: تاۋەلسىز ەل بولۋ، تۇڭعىش پرەزيدەنتتىڭ سايلانۋى، وسى تۇلعانىڭ ارقاسىندا قازاقستاننىڭ بۇكىل الەمگە تانىلۋى، شاشىلىپ كەتكەن قانداس باۋىرلارىمىزدىڭ تاريحي وتانىنا شوعىرلانا باستاۋى، استانا قالاسىنىڭ ساۋلەتتەنە ءتۇسۋى – ءبارى، تاۋەلسىزدىگىمىزدىڭ ءار كۇنى ەمەس، ءار ساعاتى جاڭالىققا، يگى ىستەرگە ۇلاسىپ جاتقانىنىڭ ايقىن دالەلى.
ءسوز كەزەگى كوللەدجىمىزدىڭ ديرەكتورى، تاريح عىلىمدارىنىڭ كانديداتى، دوسەنت نيتالييەۆ جانبەك قورعانبايۇلىنا بەرىلەدى

  جۇرگىزۋشى: نۇرسۇلتان نازاربايەۆ — مەملەكەتتىگىمىزدى ورناتىپ، ونى قالىپتاستىرىپ، ەكونوميكاسىن رەفورمالاۋ ارقىلى ءوزىن دە، ەلىن دە الەمگە مويىنداتقان زاماننىڭ اسا دارىندى تۇلعاسى. اۋمالى - توكپەلى زاماندا مىڭ ءولىپ، مىڭ تىرىلگەن قازاق ءۇش عاسىر بويى ىزدەگەن مۇراتىنا دا، ارمانىنا دا نۇرسۇلتان ءابىش ۇلى نازاربايەۆتىڭ تۇسىندا جەتتى.
بيلىك تىزگىنىن قولىنا ۇستاعان جىلدارداعى ەلباسىمىزدىڭ جارقىلداعان كەلبەتىن، بيىك بولمىسىن، كەمەل دارىنىن، ەل باسشىسى رەتىندە كوسەمدىك قاسيەتتەرىن بۇگىنگى ۇرپاق بىزدەر جاقسى ءبىلۋىمىز كەرەك.
ولاي بولسا تۇڭعىش ەلباسىمىز نۇرسۇلتان نازاربايەۆتىڭ ءومىر جولىنا ارنايى جاسالعان بەينەباياندى تاماشالاڭىزدار.
اتىراۋ كولىك جانە كوممۋنيكاسيا كوللەدجى «گازەلەكتردانەكەرلەۋشى» ماماندىعىنىڭ 2 كۋرس ستۋدەنتى، «جاس تولقىن - 2019» قالالىق بايقاۋىنىڭ 3 ورىن يەگەرى دۇيسەنباي ايدوستىڭ ورىنداۋىنداعى «تۋعان جەر» ءانىن تاماشالاڭىزدار
جۇرگىزۋشى:
وشپەيدى عوي، ولمەيدى عوي ۇلى ەڭبەك،
ەلىڭ باردا ماڭگى باقي ەلەنبەك.
ەل ءۇشىن اتىرام دەپ جارىق تاڭدى،
  ءسىڭىردىڭ جان اياماي كوپ ەڭبەك،
ەلى ءۇشىن كوتەرىپ نار جۇگىن دە،
سەنىمى نىق سەزىلەتىن ۇنىندە.
اتى وزعان دۇنيەدەگى دۇبىردە
نۇرسۇلتانمەن كىم ماقتانباس بۇگىندە؟!
كوركەم ءسوز. وقيتىن كوللەدجىمىزدىڭ «اۆتوكولىكتەرگە قىزمەت كورسەتۋ ماماندىعىنىڭ» 1 كۋرس ستۋدەنتى ءىلياس ەرنار
اۆتور: ەر احمەت - ساليم
«ەلىن سۇيگەن، ەلى سۇيگەن ەلباسى»
ارقا سۇيەپ اقىل - ويدىڭ شىڭىنا،
اڭساعانى – ۇلتقا شۋاق، شۇعىلا.
ءاربىر كۇنى – ادامزاتتىڭ قامى ءۇشىن،
ءاربىر تۇندە قامىعاتىن مۇڭىنا.

ارقالاۋمەن اۋىر جۇگىن الىپتىڭ،
ارمانى ەدى جارقىن الەم، جارىق كۇن.
ايبىندى ۇلى ارداقتى اكە ءابىشتىڭ –
اداستىرماس كوشباسشىسى حالىقتىڭ.

ۇلى دالا دارابوزى، ۇلانى
ۇشىرعاندا شارىقتاعان قىرانى.
ۇلى عۇن مەن ساقتان بەرى ساقتالىپ،
ۇرپاقتارعا مۇرا بولعان ۇرانى.

ەمىرەنتتى ەركىن سەزىم شاقتارى،
ەلجىرەتتى قازاعىمدى ب ا ق تاڭى.
ەلىن سۇيگەن، ەلى سۇيگەن ەلباسى –
ەگەمەندى قازاقستاننىڭ ماقتانى!

تالقىسىمەن تايتالاسقان تىڭ كۇشى،
تۋىن تىكتى بوستاندىقتىڭ – قۇندى ءىسى.
تۋمىسىنان پاراساتتى پرەزيدەنت –
 ءتاڭىر بەرگەن تاۋەلسىزدىك تۇڭعىشى!
جۇرگىزۋشى: بۇل دۇنيەدە ءبىزدىڭ ءبىر عانا وتانىمىز بار، ول تاۋەلسىز قازاقستان! تاۋەلسىزدىك بارلىق قازاقستاندىقتار ءۇشىن اسا قاسيەتتى قۇندىلىق. جۇمىلا وتىرىپ، ءبىز تاۋەلسىز، وركەندەگەن، ساياسي تۇراقتى قازاقستاندى قۇرۋدامىز. «مەن ءوز حالقىمدى سۇيەمىن، ونىڭ ءمانى بالا كەزىمنەن سابىر مەن پاراساتقا باۋلىعانىن ماقتانىش تۇتامىن» دەدى نۇرسۇلتان ءابىش ۇلى نازاربايەۆ.
اتىراۋ كولىك جانە كوممۋنيكاسيا كوللەدجىنىڭ «دانەكەرلەۋ ءىسىنىڭ تەحنيك - مەحانيگى» ماماندىعىنىڭ 1كۋرس ستۋدەنتى، «جاس تولقىن - 2019» قالالىق بايقاۋىنىڭ ارنايى ديپلوممەن ماراپاتتالعان تۇراعالوۆ ءادىلدىڭ ورىنداۋىندا «رۋحتاستار» ءانى
جۇرگىزۋشى: «مەن ءوز حالقىمنىڭ جولىندا باسىمدى بايگەگە تىككەن اداممىن. ماعان ارى، ءۇشىن جانىن ساداعا ەتەتىن وسىنداي تەكتى حالىققا، مەنى ۇلىم دەپ، پەرزەنتىم دەپ توبەسىنە كوتەرگەن حالىققا، ارعى - بەرگىدەگى قازاق بالاسىنىڭ بىردە - ءبىرىنىڭ پەشەنەسىنە بۇيىرماعان باقىتى تولىق قاندى، تاۋەلسىز مەملەكەت قۇرۋدىڭ قاسىندا بولۋ باقىتىن بۇيىرتقان حالىققا قىزمەت ەتۋدەن ارتىق ەشتەڭەنىڭ كەرەگى جوق، وسى جولدا مەن بويىمداعى بار قايرات - قابىلەتىمدى، ءبىلىم - بىلىگىمدى اياماي جۇمسايمىن، قانداي دا تاۋەكەلگە بارامىن» — دەدى نۇرسۇلتان ءابىش ۇلى نازاربايەۆ.
كورىنىس: نۇرسۇلتان ءابىش ۇلىنىڭ نيكولاي گريگوريەۆيچ داۆىتوۆپەن كەزدەسۋى
جۇرگىزۋشى:
بار الەمگە شىن تانىلدىق مىنە، ءبىز،
ەلىن سۇيگەن ەلباسى دەپ بىلەمىز.
تەڭ اتالىپ قازاقستان — نۇرسۇلتان
نۇرسۇلتان مەن قازاقستان تۇر ەگىز.
ازاتتىق پەن ەلگە قوندى توسقان ب ا ق،
قازاق ەلىن مويىنداۋدا دوس تاڭداپ.
ەلباسىنىڭ ەڭبەگىمەن نۇرلانا
قازاعىمنىڭ مەرەيى تۇر اسپانداپ.
ەلى ءۇشىن ولجا سالىپ قيىردان،
ىقپاعان ەش اۋىرتپالىق، قيىننان.
مەرەكەڭىز قۇتتى بولسىن كوپشىلىك
ەلباسىنىڭ قۇرمەتىنە جيىلعان! – دەپ كەلەسى ءسوز كەزەگىن كەلگەن قوناقتارىمىزعا بەرەمىز.
ءان: «ۇلى دالا»
جۇرگىزۋشى: سان ۇلتتىڭ باسىن قوسىپ قازاقستان
بەكەمدەپ ساياساتىن ءىش پەن تىستان
ەلباسى، الدىن الا بولجاي ءبىلىپ،
سۇرىنبەي امان وتتىك داعدارىستان
جىل سايىن تابىس قوسسىن تابىسىڭا
ءار قازاق بەرىك بولسىن نامىسىنا
نۇرسۇلتان نازاربايەۆ باستاي بەرسىن،
نۇرلى جول، نۇرلى زامان باعىتىنا
ءان: كوك تۋدىڭ جەلبىرەگەنى
«وسىنداي تاۋەلسىز ەلىمىزدىڭ نامىسىن قورعايتىن، بۇگىنىمىزدى ەرتەڭىنە جالعايتىن، قازاق ەلىنىڭ بولاشاعى ءۇشىن جاۋاپ بەرەتىن ۇرپاق ءسىز بەن ءبىز ەكەنىمىزدى ۇمىتپايىق»
تۋىمىزدىڭ تۇعىرى بەرىك، ەلىمىزدىڭ ەڭسەسى بيىك بولسىن، قازاق ەلى! تاۋەلسىز ەلىمىزدىڭ ىرگەسى مىقتى بولسىن، اعايىن!
قوش ساۋ بولىڭىزدار!