InfoHub Logo

اتىراۋدا ەمبامۋنايگازدىڭ توپ-مەنەدجەرى ءىلياس قۇرامىسوۆتىڭ ماس كۇيىندە ۇستالۋ وقيعاسى جاڭا دەرەكتەرمەن تولىقتى. بۇل تۋرالى Infohub.kz اقپارات اگەنتتىگى حابارلايدى.

وقيعانىڭ ءمان-جايى

15 جەلتوقسان كۇنى ءىلياس قۇرامىسوۆ "ترەزۆىي ۆوديتەل" قىزمەتىن پايدالانعانىمەن، تۇرعىن ءۇي كەشەنىنىڭ پاركينگىنە ءوزى كىرگەن. سول جەردە پاترۋلدىك پوليسيا ونى توقتاتقان. مەديسينالىق تەكسەرۋ ونىڭ جەڭىل دارەجەدە ماس ەكەنىن انىقتادى.

سول كۇنى اتىراۋ اكىمشىلىك سوتىنىڭ سۋدياسى الماگۇل ەرعازييەۆا قۇرامىسوۆقا 15 تاۋلىككە اكىمشىلىك قاماۋعا الۋ جانە جەتى جىلعا جۇرگىزۋشى كۋالىگىنەن ايىرۋ جازاسىن تاعايىندادى. قۇرامىسوۆ ءوز كىناسىن مويىندامادى، ال ادۆوكاتىنىڭ ءىستى توقتاتىپ، دالەلدەر جيناۋعا ۋاقىت بەرۋ تۋرالى ءوتىنىشى قاناعاتتاندىرىلمادى.

ادۆوكاتتىڭ مالىمدەمەسى

ادۆوكات تىلەك حاميتوۆتىڭ ايتۋىنشا، پوليسيانىڭ ارەكەتتەرى زاڭسىز بولعان. ول پوليسەيلەردىڭ قۇرامىسوۆتى ارانداتقانىن ايتادى. "ترەزۆىي ۆوديتەل" كولىكتى پاركينگكە كىرگىزۋدەن باس تارتقان سوڭ، قۇرامىسوۆ كولىكتە قالىپ، ۇيىقتاپ قالعان. پوليسەيلەر ونى باقىلاپ، كەيىننەن ارانداتۋ ارەكەتتەرىن جاساعان"، - دەيدى ادۆوكات.

سوتتىڭ شەشىمى

26 جەلتوقسان كۇنى اپەللياسيالىق سوت پوليسيانىڭ ارەكەتتەرىن زاڭسىز دەپ تانىپ، بۇل ءىستى ارانداتۋ دەپ باعالادى. الايدا، 15 جەلتوقسانداعى اكىمشىلىك سوتتىڭ شەشىمى كۇشىندە قالدى. ەندى قۇرامىسوۆتىڭ ادۆوكاتى ءىستى قايتا قاراۋدى تالاپ ەتپەكشى.

"ءبىز كاسساسيالىق سوتقا ءوتىنىش بەردىك. سونىمەن قاتار، پوليسيا قىزمەتكەرلەرىن قىزمەتتىك وكىلەتتىكتەرىن اسىرا پايدالانعانى ءۇشىن قىلمىستىق جاۋاپكەرشىلىككە تارتۋ ماسەلەسىن قاراستىرۋدامىز"، - دەدى ادۆوكات حاميتوۆ.