tengrinews.kz
ەڭبەك كىتاپشالارى قازاقستاندا تاريحقا اينالۋدا: ستاجدى قالاي دالەلدەيمىز؟
قازاقستاندا ەڭبەك كىتاپشالارىنىڭ ءداۋىرى اياقتالىپ، جۇمىس ستاجىن انىقتاۋدىڭ نەگىزگى ءادىسى سيفرلىق فورماتقا كوشۋدە. الايدا، جۇمىستىڭ باستالعان ۋاقىتى ءالى دە ماڭىزدى ءرول اتقارادى. ەڭبەك جانە حالىقتى الەۋمەتتىك قورعاۋ ۆيسە-مينيسترى باحتيار جازىقپايەۆ وسى ماسەلەگە قاتىستى تولىق اقپارات بەردى.
بۇل تۋرالى Infohub.kz اقپارات اگەنتتىگى حابارلايدى.
ستاج – "سيفر" ارقىلى
ۆيسە-مينيستردىڭ ايتۋىنشا، قازىرگى تاڭدا ەلىمىزدەگى جۇمىس ىستەيتىن ازاماتتاردىڭ ەڭبەك قىزمەتىنىڭ باسىم بولىگى سيفرلاندىرىلعان. اسىرەسە، 2000 جىلداردان كەيىن ەڭبەك نارىعىنا شىققان جاستار ءۇشىن ەلەكتروندى ەڭبەك كىتاپشالارى قالىپتاسىپ، ولار بولاشاقتا جۇمىس ستاجىن راستاۋعا جانە الەۋمەتتىك قولداۋ الۋعا نەگىز بولادى.
ەڭبەك كىتاپشالارى كىمدەرگە قاجەت؟
1998 جىلعا دەيىن جۇمىس ىستەي باستاعان ازاماتتار ءۇشىن ەڭبەك ستاجىن راستاۋ، سونىڭ ىشىندە ەسكى ۇلگىدەگى ەڭبەك كىتاپشالارى ارقىلى دالەلدەۋ ماسەلەسى ءالى دە وزەكتى. قازىرگى ۋاقىتتا بۇل پروسەسس ارحيۆتەرمەن ينتەگراسيالاۋ ارقىلى بىرتىندەپ ەلەكتروندى فورماتقا اۋىستىرىلۋدا. بۇل زەينەتاقى تاعايىنداۋ كەزىندە ازاماتتاردان ەڭبەك كىتاپشالارىن تالاپ ەتپەي، دەرەكتەردى تىكەلەي الۋعا مۇمكىندىك بەرەدى.
قاعاز قۇجاتتار تاريحقا ەنۋدە
ەڭبەك مينيسترلىگىنىڭ مالىمەتىنشە، 1998 جىلدان كەيىنگى بارلىق ەڭبەك ستاجى سيفرلاندىرىلىپ، زەينەتاقى مەن جاردەماقى تاعايىنداۋ كەزىندە قولدانىلادى. تەك 1998 جىلعا دەيىنگى ستاج بويىنشا ارحيۆتەرمەن بىرلەسكەن جۇمىس جۇرگىزىلۋدە. وسىلايشا، قاعاز ەڭبەك كىتاپشالارى بىرتىندەپ ەسكى ۇلگىگە اينالىپ، قازاقستاندا ستاجدى راستاۋ پروسەسى تولىعىمەن سيفرلىق فورماتقا كوشۋدە.
-
ماجىلىسمەن ايتۋار قوشمامبەتوۆ جۇمىس بەرۋشىلەرگە تۇسەتىن سالىق جۇكتەمەسىن ازايتۋ ءۇشىن جالاقى قورىنان الىناتىن بارلىق سالىق پەن تولەمدى ءبىرىڭعاي تولەمگە بىرىكتىرۋدى ۇسىندى.
-
الماتىداعى قۇستاردىڭ، اسىرەسە، ۇيرەك پەن قارلىعاشتاردىڭ ازايۋىنا نە سەبەپ بولعانىن ورنيتولوگ ماماندار ءتۇسىندىردى.
