InfoHub Logo

ءوزىن - ءوزى تانۋ ساباعى 4 سىنىپ
تاقىرىپ: ەڭبەكقورلىق پەن ەرىنشەكتىك
قۇندىلىق: دۇرىس ارەكەت
قاسيەتتەر: ەڭبەكقورلىق، تازالىق، ادالدىق، قايىرىمدىلىق
ماقساتى: وقۋشىلارعا ەڭبەكقورلىق، تازالىق، ادالدىق، قايىرىمدىلىق تۋرالى تۇسىنىگىن كەڭەيتە وتىرىپ، اقيقاتقا كوز جەتكىزىپ، دۇرىس ارەكەت جاساۋ.
مىندەتتەرى:
بىلىمدىلىك: ەڭبەكقورلىق پەن ەرىنشەكتىكتىڭ ءمانىن ءتۇسىندىرۋ ارقىلى اقيقات پەن دۇرىس ارەكەت قۇندىلىعىن دامىتۋ.
دامىتۋشىلىق: ەڭبەكتى قادىرلەۋ، باعالاۋ، ەڭبەكتىڭ قۋانىشىن سەزىنۋ ىسكەرلىكتەرىن دامىتۋ.
تاربيەلىك: ەڭبەككە قىزىعۋشىلىقتارىن ارتتىرۋ، ەڭبەكسۇيگىشتىككە تاربيەلەۋ.

ساباق بارىسى:
ۇيىمداستىرۋ كەزەڭ. تىنىشتىق ءساتى.
نۇرعا بولەنۋ.
ءۇي تاپسىرماسىن تەكسەرۋ
101 بەت، «ەڭبەكقورلىق پەن ەرىنشەكتىك»، ۆ. س. سۋحوملينسكيي
سۇراقتار:
- ەڭبەكسۇيگىش پەن ەرىنشەكتىڭ ارەكەتتەرى قانداي، ەرەكشەلىكتەرى شە؟
- «ناعىز ادامنىڭ وتكەن جىلدارى وشپەيدى» دەگەندى قالاي تۇسىنەسىڭدەر؟
- ءوزىڭدى ەڭبەكقورمىن دەپ سانايسىڭ با؟

دايەكسوز.
«ەڭبەك - قۋانىش، جالقاۋلىق - ايىرىلماس ازاپ» اباي
1. ەڭبەك ادامعا نە ءۇشىن قاجەت دەپ ويلايسىڭدار؟
2. وزدەرىڭ ەڭبەكتىڭ قانداي تۇرلەرىمەن اينالىسقاندى ۇناتاسىڭدار؟
- ادام، ەڭ باستىسى، ەڭبەكتەنۋگە، ياعني ادام ءبىر ىسكە كۇش - قۋاتىن، اقىل – ويىن جۇمساۋعا ەرىنبەۋى كەرەك. ويتكەنى جالقاۋلىق، ەرىنشەك ادامنىڭ ءوزىن جانە ءومىرىن توزدىرادى. ال ەرىنبەي ەڭبەك ەتسەڭ ماقساتىڭا، ارمانىڭا جەتەسىڭ. ارمانىڭ ورىندالسا، ءوزىڭدى باقىتتى سانايسىڭ.
جاتتاتۋ:
- 3 رەت قايتالاۋ؛
- قىزدارعا قايتالاتۋ، ۇلدارعا قايتالاتۋ؛
- 2 - 3 بالادان سۇراۋ.
وقيعالاردى اڭگىمەلەۋ
«ەڭبەك جەمىسى» ب. ءادىل.
(وقۋشىلارعا اڭگىمەنىڭ مازمۇنىن ەموسيالىق تۇرعىدا اسەرلى ەتىپ اڭگىمەلەپ بەرۋ).
اكەسى التى گەكتار ەگىستىك جەر العان. سول – اق ەكەن، قاۋىرت جۇمىس باستالدى دا كەتتى.
- تۇر، بالام، - دەيدى اكەسى. – كوكتەمنىڭ ءاربىر كۇنى جىلعا ازىق. سودان ءۇي ءىشى بولىپ جەردىڭ باسىنا كەلەدى. اكەسى، شەشەسى، ءوزى، ەكى ءىنىسى... جۇمىس قىزۋ باستالىپ كەتەدى. ەكپەگەندەرى جوق. ءسابىز، كارتوپ، پياز، جۇگەرى، كاپۋستا، قاۋىن، قاربىز.
اسان جازعى كانيكۋلىن اتىز باسىندا وتكىزدى. ەكى ىنىسىمەن سوندا قونادى. اكەسى شارتاق سوعىپ بەرگەن. ەكىنشىدە وقيتىن دوسان شاي دايىنداۋدىڭ شەبەرى.
- بيىل ءونىم جامان بولماس، - دەيدى اكەسى جايقالعان كوكونىستەرگە كوز سالىپ قويىپ. – ەڭبەك ەتسەڭ، جەر - انا دا ءيىس سالا بەرەدى.
اكەسىنىڭ ايتقانى كەلدى دە تۇردى. ەگىن مول ءونىم بەردى. اسىرەسە قاۋىن - قاربىزدار... تەڭكيىپ كوزدىڭ جاۋىن الادى. ساۋدا باقشالىقتا - اق قىزدى. بەيتانىس اعالار كولىكپەن كەلىپ، وزدەرى تيەپ اكەتىپ جاتتى.
اكەسى ءماز، مۇرتىنان كۇلەدى.
وقۋدان كەلىسىمەن اسان اتىزعا اسىعادى، اكە - شەشەسىنە كومەك بەرۋى كەرەك. ءالى دە اتىزدا قالعان - قۇتقان ءونىم كوپ. قىزاناقتار جەرگە ءتۇسىپ، اعىپ جاتىر.

مەكتەپ:№33
ءمۇعالىم: قوجاكەيەۆا گ. ءا.
ەڭبەكقورلىق پەن ەرىنشەكتىك جۇكتەۋ