ەندى ازاماتتار كولىك ءنومىرىن ەركىن تاڭداي الادى

قاڭتاردىڭ 5-نەن باستاپ زاماتتاردىڭ مەملەكەتتىك تىركەۋ نومىرلىك بەلگىسىن (متنب) ەركىن تاڭداۋعا مۇمكىندىك الادى.

حالىققا قولايلى جاعداي جاساۋ ماقساتىندا 2026 جىلعى 1 قاڭتاردان باستاپ كەز كەلگەن قاجەتتى سيفرلىق جانە ارىپتىك بەلگىلەرمەن متنب-نى ەركىن تاڭداۋدى كوزدەيتىن نورمالار قولدانىسقا ەنگىزىلدى.

ق ر ءىىم اپك-نىڭ ەرەكشە تاپسىرمالار جونىندەگى اعا ينسپەكتورى اراي تولەگەن قىزىنىڭ ايتۋىنشا، 5 قاڭتاردان باستاپ ازاماتتار متنب-نى ارنايى مامانداندىرىلعان حالىققا قىزمەت كورسەتۋ ورتالىقتارى ارقىلى تاڭداي الادى. ونىڭ سوزىنە ساي، كەز كەلگەن قاجەتتى ارىپتىك جانە سيفرلىق بەلگىلەرى بار متنب قۇنى 10 اەك جانە 15 اەك مولشەرىندە بولادى (جوعارى سۇرانىسقا يە متنب-نى قوسپاعاندا).

بۇعان دەيىن اكىمشىلىك پوليسيا كوميتەتى 2026 جىلعى 1 قاڭتاردان باستاپ سيفرلار مەن ارىپتەردىڭ كەز كەلگەن كومبيناسياسىن تولىقتاي ءوزىڭىز تاڭداۋعا بولاتىنىن حابارلاعان.

مىسالى، 123AZA01، 321ERA02، 069ARA03 سياقتى كومبيناسيالاردى تاڭداۋعا مۇمكىندىك بار.

“ەليتا” سەريالاردان بولەك، بىردەي سيفرلار جانە (نەمەسە) ارىپتىك بەلگىلەۋلەرى بىردەي نۇسقالاردى تاڭداۋعا بولادى.

ماتەريالدا بۇل قىزمەتتىڭ قۇنى 10 اەك، ياعني 43 250 تەڭگە بولاتىنى دا كورسەتىلگەن.

جاڭا ءتارتىپ Polisia.kz مالىمەتىنە سايكەس ەنگىزىلىپ وتىر.

قىزمەتتەر ارنايى مامانداندىرىلعان حقكو ارقىلى كورسەتىلەدى.