Photo: Ayazhan (https://www.pexels.com/@ayazhan-3173683) / Pexels
"ەندى كونسەرت بەرمەيمىن": روزا ءالقوجا ۇيىمداستىرۋشىلارعا كوڭىلى تولمايتىنىن جەتكىزدى
تانىمال ءانشى روزا ءالقوجا شىمكەنتتە وتكىزگەن جەكە كەشىنەن ەش پايدا تاپپاعانىن ايتىپ، ۇيىمداستىرۋشىلارعا رەنىشىن ءبىلدىردى. بۇل تۋرالى Ozgeris.info سايتى حابارلادى.
قازىرگى تاڭدا ءانشى قىتايدىڭ گۋانچجوۋ قالاسىندا ءجۇر. ونەر يەسى الەۋمەتتىك جەلىدەگى پاراقشاسىندا شىمكەنتتەگى كونسەرتىنىڭ قارجىلىق جاعىنان ءتيىمسىز بولعانىن، بۇعان ۇيىمداستىرۋشىلاردىڭ جاۋاپتى ەكەنىن ايتتى.
"شىمكەنتتەگى كونسەرتتەن ءبىر تيىن پايدا جوق. بۇعان دەيىن دە قىزىلوردا مەن اقتوبەدە داستان دەگەن جىگىت كونسەرت ۇيىمداستىرىپ، 3،5 ميلليون تەڭگە قارىزىن ءالى كۇنگە دەيىن وتەمەگەنى بار"، - دەپ اعىنان جارىلدى ءانشى.
كونسەرتتەن پايدا تاپپايتىنىن ايتتى
ءانشىنىڭ ايتۋىنشا، ساحنادا ونەر كورسەتىپ، حالىقپەن جۇمىس ىستەيتىن – ءوزى، ال پايداسىن كورەتىن – ۇيىمداستىرۋشىلار. وسىنداي جاعدايلارعا بايلانىستى روزا ءالقوجا الداعى ۋاقىتتا كونسەرت بەرۋدەن باس تارتۋى مۇمكىن ەكەنىن جەتكىزدى.
"مەن ءولىپ-وشىپ حالىقتىڭ الدىنا شىعامىن، ءان سالامىن، ەلگە جاۋاپ بەرەمىن. ءبىراق پايداسىن ۇيىمداستىرۋشىلار كورەدى. ولار "اناعان كەتتى، مىناعان كەتتى" دەپ سىلتاۋ ايتادى. ەڭبەگىمدى ەشكىم باعالامايدى. بۇدان كەيىن كونسەرت بەرمەيمىن-اۋ!"، - دەدى ءانشى.
-
ۆيزاجيست روبەرت ميناسيان پودەليلسيا دەتاليامي سۆوەگو ۆيزيتا ۆ كازاحستان ۆ ناچالە 2000-ح ي سۋمموي، پولۋچەننوي زا ۋسلۋگي.
-
الەۋمەتتىك جەلىدە الماتىداعى فونتان سۋىنىڭ كوك تۇسكە بويالعانى تۋرالى ۆيدەو پايدا بولدى. بۇل جاعدايعا قاتىستى قالا اكىمدىگى تۇسىنىكتەمە بەردى.
