InfoHub Logo

قىزىلوردا وبلىسى،
قازالى اۋدانى، قازالى اۋىلى، № 9 بالاۋسا بالاباقشاسىنىڭ تاربيەشىسى
الپىسبايەۆا كۇمىسكۇل ءابدىعاني قىزى
مەكتەپالدى دايارلىق توبى

ەر ەسىمى ەل ەسىندە ساقتالادى
تاربيەشى: قۇرمەتتى اتا-انالار جانە بۇگىنگى ەرتەڭگىلىگىمىزدىڭ قوناقتارى!
سىزدەردى 9-مامىر ۇلى جەڭىستىڭ 65-جىلدىق مەرەكەسىمەن قۇتتىقتايمىز! اتالارىمىزدىڭ، اجەلەرىمىزدىڭ ەرلىگىمەن كەلگەن بۇل جەڭىس مەرەكەسى ۇرپاعىمىزدىڭ ەسىندە ماڭگى ساقتالادى. بۇگىنگى 2-كىشكەنتايلار توبىندا وتكىزىلگەلى وتىرعان «ەر ەسىمى ەل ەسىندە ساقتالادى» اتتى ەرتەڭگىلىگىمىز دە ۇلى جەڭىستىڭ كەلبەتىن ناسيحاتتاۋعا ارنالعان. بۇگىنگى ەرتەڭگىلىگىمىزدى اشىپ، مەرەكەلىك لەبىزىن ءبىلدىرۋ ءۇشىن ءسوزدى بالاباقشا مەڭگەرۋشىسى ۇ. اشيربەكوۆا اپايعا بەرەمىز.

حور: «مايدانعا»
دامير:جەڭىس كۇنى قۇتتى بولسىن،
قۇتتى بولسىن اتالار
ۇمىتپايدى ەشقاشان دا،
جاۋىنگەردى بالالار
تاربيەشى: ب. مومىش ۇلى تۋرالى ولەڭ

نۇرسۇلتان:
قايتپاعان داۋىلدان
كەك العان جاۋىنان
حالقىمنىڭ قاستەرلى
جايساڭى باۋىرجان.
قازاقتىڭ قانى ءۇشىن
جۇرەگى اۋىرعان
ەلىنىڭ نامىسىن
قورعاعان باۋىرجان

تاربيەشى: ءا. مولداعۇلوۆا تۋرالى ولەڭ
ارۋجان:
جەر مەن كوكتىڭ اراسىن
شارپىعاندا قالىڭ ءورت
ءاليا ورىس قالاسىن
ازات ەتىپ بولدى مەرت
گۇلناز:ول جەڭىستى كورگەن جوق
كەلدى كەيىن ازات كۇن
ءبىراق ماڭگى ولگەن جوق
باتىر قىزى قازاقتىڭ

تاربيەشى: م، مامەتوۆا تۋرالى ولەڭ
ايەركە:
سوناۋ جىلى جەر كوكتى
سوعىس بۇلتى تورلاعان
سوندا مانشۇك اپكەمىز
جاۋدان ەلدى قورعاعان
ۇستىندە سۇر شينەلى
دۋلىعاسى بولاتتان
مانشۇك اپكە كۇن ءتۇنى
جاۋعا وقتى بوراتقان

تاربيەشى: ت. بەگەلدييەۆ تۋرالى ولەڭ
ەرنۇر:
باتىر تالعات اعامىز
قۇرتىپ تالاي جاۋ مىسىن
مەيىرىمدى كەسكىن ءجۇز
ەلگە بىتكەن مىنەزى
كەۋدەسىندە قوس جۇلدىز
ەكى رەت باتىر - ءبىر ءوزى

اقنۇر:
الاقاي اي، ايگىلى
9 ماي بۇگىن
العاش كۇنى شاتتىقتىڭ
سوڭعى كۇنى قايعىنىڭ.

اياجان: ۇلى كۇشكە سەنگەن كۇن
فاشيستەردى جەڭگەن كۇن
قىرمىزى گۇل، قىزىل گۇل
قۇشاقتارعا ەنگەن كۇن.

بەيبارىس: سوعىستىڭ ءورتى جانباسىن،
سابيلەر جەتىم قالماسىن!
ارداق: ەسىگىنە ءار ءۇيدىڭ
بەسىگىنە ءسابيدىڭ
ماڭگىلىك باقىت ورناسىن
بولماسىن سوعىس بولماسىن!

نۇرساۋلە: ماڭگىلىك باقىت ورنايدى
بولمايدى سوعىس بولمايدى.

تاربيەشى: مىنە بالالار، جاۋىنگەر باتىرلارىمىزدىڭ ەرلىكتەرى تۋرالى ولەڭدەر جازىپتى. ولاردىڭ ەسىمى ءبىزدىڭ دە ەسىمىزدە قالادى. ەندى بالالار قولدارىمىزداعى گۇلدەردى ۇلى جەڭىس جولىندا قازا بولعان جاۋىنگەرلەرىمىزدىڭ سۋرەتتەرىنىڭ الدىنا قويىپ، 1 ءسات ۇنسىزدىكپەن ەسكە الايىق.

حور: «ەندى سوعىس بولماسىن!»
«اق كوگەرشىن» ءانى ورىندايتىن مارات ارۋجان
«كاتيۋشا» ءبيى-توپ بيشىلەر
حور: «ءارقاشان كۇن سونبەسىن»
تاربيەشى: قۇرمەتتى اتا-انالار، قوناقتار بۇگىنگى ەرتەڭگىلىگىمىزدى اياقتاي وتىرىپ، بارشاڭىزعا باقىت، بىرلىك تىلەيمىز. ءارقاشان ەلىمىز تىنىش، بەيبىتشىلىك بولسىن دەگەن نيەتپەن قورتىندى ءسوزدى اتا-انالارىمىزدىڭ اراسىنان تەمىركۇل اپايعا بەرەمىز.