baiterek.gov.kz
ەربولات دوسايەۆ جاڭا قىزمەتكە تاعايىندالدى
ەربولات دوسايەۆ «بايتەرەك» ۇلتتىق ينۆەستيسيالىق حولدينگىنىڭ ديرەكتورلار كەڭەسىنە مۇشە بولىپ تاعايىندالدى. بۇل جاڭالىق قازاقستان قور بيرجاسىندا (KASE) جاريالانعان قۇجاتتا راستالدى.
بۇل تۋرالى Infohub.kz اقپارات اگەنتتىگى حابارلايدى.
ديرەكتورلار كەڭەسىنىڭ جاڭا قۇرامى
جاڭا قۇرام 26 جەلتوقساندا بەكىتىلگەن. كەڭەستى پرەمەر-مينيستر ولجاس بەكتەنوۆ باسقارادى. ونىڭ قۇرامىنا ءبىرىنشى ۆيسە-پرەمەر رومان سكليار، ەكونوميكا ءمينيسترى سەرىك جۇمانعارين، ەربولات دوسايەۆ، قارجى ءمينيسترى ءمادي تاكييەۆ جانە ونەركاسىپ جانە قۇرىلىس ءمينيسترى ەرسايىن ناعاسپايەۆ كىردى.
ەربولات دوسايەۆ بۇعان دەيىن 2016-2017 جىلدارى «بايتەرەك» حولدينگىنىڭ باسقارما ءتوراعاسى قىزمەتىن اتقارعان بولاتىن. جاقىندا ول «سامۇرىق-قازىنا» اق ديرەكتورلار كەڭەسىنە دە مۇشە بولىپ تاعايىندالعان ەدى.
ەسكە سالا كەتسەك، 2025 جىلدىڭ 24 مامىرىندا ەربولات دوسايەۆ الماتى قالاسىنىڭ اكىمى قىزمەتىنەن بوساتىلعان بولاتىن. قىركۇيەك ايىندا ول پرەزيدەنت اكىمشىلىگى باسشىسىنىڭ ورىنباسارى بولىپ تاعايىندالدى.
-
الماتىدا ءبىر پاتەرگە 109 ادامدى تىركەپ، زاڭسىز ميگراسيا ۇيىمداستىرعان ايەلگە سوت ۇكىمى شىقتى.
-
قازاقستانداعى ساۋدا-ساتتىقتىڭ نەگىزگى تىرەگى الماتى قالاسى بولىپ وتىر. بۇل قالا ەلدەگى ساۋدا اينالىمىنىڭ باسىم بولىگىن قامتاماسىز ەتەدى.
