ەرلان ساعادييەۆ: حالىقتىڭ 85% اعىلشىن تىلىندە ساباق بەرۋدى قولدادى
ق ر ءبىلىم جانە عىلىم ءمينيسترى ەرلان ساعادييەۆ 10-11 سىنىپتاردا ءتورت ءپاندى اعىلشىن تىلىندە وقىتۋعا دايىندىق جۇمىستارى جونىندە باياندادى.
بۇل مەملەكەت باسشىسى نۇرسۇلتان نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا بەرىلگەن تاپسىرما ەدى.
"10-11 سىنىپتاردا 4 ءپاندى اعىلشىن تىلىندە وقىتۋ ءۇشىن وقۋلىقتاردى، مەتوديكالىق كەشەندى دايىنداۋ، ەكسپەرتيزا جاساۋ جانە اپروباسيالاۋ، مۇعالىمدەردىڭ دايىندىعىن ارتتىرۋ سىندى جۇمىستارى ءجۇرىپ جاتىر. جانە بۇل ماسەلە بويىنشا اتا-انالارمەن، مۇعالىمدەرمەن، مەكتەپ ديرەكتورلارىمەن تالقىلاۋدى جالعاستىرامىز. سەبەبى، بىزگە دايىندىقتى ناقتى ءتۇسىنۋ قاجەت. بىرنەشە وزگەرىستەر بولادى، ونى وقۋ جىلىنىڭ اياعىندا بۇكىل قوعامعا جەتكىزەمىز، - دەدى ە. ساعادييەۆ ق ر بعم القاسىنىڭ كەڭەيتىلگەن وتىرىسىندا.
ءمينيستردىڭ ايتۋىنشا، جوعارى سىنىپتا كەي پاندەردى اعىلشىن تىلىندە وتۋگە حالىقتىڭ باسىم بولىگى وڭ قاباق تانىتىپ وتىر.
«قازىرگى ەرىكتىلىك ءپرينسيپى وڭ ىقپالىن تيگىزىپ وتىر. ەلىمىزدە 12 مىڭنان استام مۇعالىمدەر اعىلشىن ءتىلىنىڭ ا2 دەڭگەيىنەن ۆ2 دەڭگەيىنە ءوتۋ ءۇشىن ەرىكتى كۋرستارعا جازىلدى. بۇل - بىزگە قاجەتتى مۇعالىمدەردىڭ جارتىسى. ولار وتكەن جىلدان بەرى وقىپ كەلەدى. كوپتەگەن ديرەكتورلار وسى ءتاسىلدى دۇرىس دەپ سانايدى، ياعني ەشكىمدى ءتىل وقۋعا ماجبۇرلەمەۋ كەرەك. ال وقىعىسى كەلگەندەرگە - بار جاعدايدى جاساۋ كەرەك. حالىقتىڭ 85 پروسەنتى - مۇعالىمدەر، اتا-انالار مەن بالالار ءبىرقاتار پاندەردىڭ اعىلشىن تىلىندە جۇرگىزىلگەنىن قالايدى. سوندىقتان، مۇنى ءتيىمدى پايدالانۋ كەرەك"، - دەپ ءوز ءسوزىن تۇيىندەدى مينيستر.
قازاقپارات
You Might Also Like
-
ق ر ءبىلىم جانە عىلىم ءمينيسترى ەرلان ساعادييەۆ ۇكىمەت وتىرىسىندا بارلىق مەكتەپتەردى جىلدىڭ سوڭىنا دەيىن كەڭ جولاقتى ينتەرنەتپەن جانە Wi-Fi قىزمەتىمەن قامتاماسىز ەتۋدى سۇرادى.
-
اxمەت بايتۇرسىن ۇلىنىڭ تاعدىرى- قيىن،ءبىراق كىسى قىزىعارلىق تاعدىر. عۇمىرى اششى ارمانعا تولى،الايدا ادامزاتقا ونەگە بولارلىق عۇمىر.
