InfoHub Logo

ەسىرتكى
ەسىرتكىنى الماڭدار،
اعزالارىڭ ۋلانار.
ەسىرتكى دەگەن جامان عوي،
جويۋ كەرەك ادامدار.

ەسىرتكىنى العاندار،
ادەت قىلار ءار كۇنى.
ءبىر شالدىقسا ايىقپاي،
اۋرۋ بولار بار ادام.

ەسىرتكىنى ساتقاندار،
بالە تابار باسىنا.
پوليسياعا ۇستالىپ،
قاماپ قويار مىڭ جىلعا.

مىڭ جىل بويى تۇرمەدە،
تاماق ىشپەي، نان جەمەي.
ۇرىپ سوعىپ تاربيەلەپ،
كۇندەرى سومەن كەتەدى.

ءومىردى ءماندى وتكىز، بوس قىلما،
اراق پەنەن تەمەكىنى دوس قىلما.
ەسىرتكىنى ۇلگى ەتسەڭ ىستەرىن
ادام ەمەس بولعانىڭ ول بوس تۇلعا

ەسىرتكى ازدىرادى سانانى،
جەك كورسەتىپ جاقىنىڭ مەن اعانى.
وسى تەكتەس جاماندىققا جولاما
سىيلاڭدار، سەنى تاپقان انانى.

ەسىرتكى بۇزادى ساۋ ادامدى،
بۇل جامان، ساناڭدى ۋلاپ ازدىرادى،
بۇل ىسىڭنەن دەنساۋلىعىڭ السىرەر
ەي، ادامدار، اۋلاق ۇستا بويىڭنان.
مەن ەسىرتكىگە قارسىمىن!
نىسانوۆا اليسا
5 «ا» سىنىپ وقۋشىسى

ەسىرتكىگە جول جوق
دەنساۋلىق كەرەك الەمگە،
تازالىق بولسىن ءار ەلدە.
دەنساۋلىقتىڭ كەپىلى،
تازالىق دەيمىز ارينە.

ەسىرتكىگە بەرىلمەي،
سالاق بولماي ەرىنبەي.
جەڭىمىزدى تۇرەيىك،
سالاۋاتتى جۇرەيىك.

اراق، شاراپ ءبارى دە،
ۇلكەن، كىشى، كارىڭە،
زيان بولار ءارقاشان.
سوندىقتان دا ادامدار،
وسىدان ساباق الىڭدار.

تازا ءجۇرسىن ادامدار،
ءار ەلدە دە جاراڭدار!
ەسىرتكىدەن ساق بولىپ،
بولاشاققا قاراڭدار!
نۇرالييەۆا گاۋھار
7 «ا» سىنىبى

تازا الەم
تازالىق بولسا ءار ەلدە،
ءار ەلدە ەمەس، ءار جەردە.
تازالىق بولسا ەگەر دە
دەنساۋلىق بولار الەمدە.

ەسىرتكىگە جول جوق،
ەسىرتكى العان ادامعا.
بولماس مۇمكىن ءومىر جوق
مىناۋ قيلى زاماندا.

تازا جۇرسەك ادامدار،
جانعا شۋاق تابىلار.
ەسىرتكىگە جولاماي،
ساق جۇرىڭدەر ادامدار.
بەركىن قىزى جۇلدىز
7 «ا» سىنىبى

ەسىرتكىگە قارسىمىز
ەسىرتكى دەگەن جامان زات،
تۇتىنباسىن ادامزات!
تۇتىنسا ەگەر ادامدار،
ومىرىنە كەساپات.

ەسىرتكىنى تاستاڭدار،
ومىرگە بالتا شاپپاڭدار.
ەسىرتكى تارتىپ ادامدار،
جامانعا اياق باسپاڭدار.

دەنساۋلىق كەرەك الەمگە،
سپورت كەرەك ورەنگە،
ەسىرتكىنى ءبىز تاستاپ،
بەيبىتشىلىك، تازا ءومىر،
ورناتايىق بار ەلگە!
سۇلتانايەۆ داۋلەت
7 «ا» سىنىبى

ەسىرتكى
بۇل زاماننىڭ ءبىر دەرتى،
قاۋلاپ تۇرعان ۋلى ءورتى.
ادامداردى جاۋلاعان
قالدىرماي ەش ءوز ەركىن.

ادامدار ەركىندىكتى اڭسايدى،
ەسىرتكى كوپ ادامدى جاۋلايدى.
ومىرلەرىن قۇرتىپ ءاربىر ادامنىڭ،
كەتىرەدى، بۇل ومىردەن قويمايدى.
ىسمايلوۆ رايىمبەك
7 «ا» سىنىبى

ەسىرتكى دەگەن ءبىر زار بار
ەسىرتكى دەگەن ۇلكەن زار،
ادامداردى ازدىرعان.
سول زارمەنەن تالايلار،
ومىرلەرىن توزدىرعان.

ەسىرتكىنى تاستاڭدار،
اشىق بولسىن كوڭىلىڭ.
تەز سپورتتى باستاڭدار،
ءتۇزۋ بولسىن ءومىرىڭ!
ۋالييەۆا ديلناز
7 «ا» سىنىبى

ەسىرتكىسىز بولاشاق
ەسىرتكىسىز بولاشاق،
اكەلەر ساعان جاقسى شاق.
ەسىرتكىسىز الەمدە،
باقىتتى بولار ءار وشاق.

ەسىرتكىسىز ءومىرىڭ،
جاقسى كۇندەر اكەلەر.
ەسىرتكىلى ءومىرىڭ،
قورلى كۇندەر اكەلەر.

ەسىرتكىسىز ءومىر ءسۇر،
اشىق بولسىن اسپانىڭ.
ءارقاشان دا كۇلىپ ءجۇر،
قۇشاعىندا دوستاردىڭ.
وتەگەنوۆا اقبوتا
7 «ا» سىنىبى

ەسىرتكىگە جول جوق!
دەنساۋلىق كەرەك الەمگە،
تازالىق بولسىن ءار ەلدە.
دەنساۋلىقتىڭ كەپىلى،
تازالىق بولسىن بارىڭدە!

ەسىرتكى زيان ءاردايىم،
ادامنىڭ قيار ءومىرىن.
تازالىقتى قولدايمىن،
ادال ماڭگى كوڭىلىم.
دەمەۋبايەۆ ءالىم
7 «ا» سىنىبى

زيان زات
تازالىقسىز ادامدار،
تازالىقتى ساقتايىق.
ءتۇزۋ ءجۇرىپ ومىردە،
ارىمىزدان اسپايىق.

ەسىرتكىنى بىلسەڭدەر،
زيان ادەت عالامعا.
جاماندىعىن كورسەڭدەر،
ابىروي بەرمەس ادامعا.
الپامىس قىزى اينۇر
7 «ا» سىنىبى

ەسىرتكىگە جول جوق!
ناشامەنەن ومىرىڭدە قايعى كوپ،
ناشاسىز ومىرىڭدە ۋايىم جوق.
تەمەكىمەن، ناسىبايدى اتپاڭدار،
دەنساۋلىقتى ءارقاشان دا ساقتاڭدار.

اشىق بولىپ اسپانىم،
ادال بولسىن دوستارىم.
ەسىرتكىگە قارسىمىز،
بارشا قازاق جاستارى!
بەرىك ۇلى نۇربەك،
قونىسوۆ الپامىس
7 «ا» سىنىبى

ەسىرتكى قۇرتتى زاماندى
زامان بۇگىن بۇزىلدى،
ارتقان ءۇمىت ءۇزىلدى.
ادامدار دا ءۇيىر بوپ،
قايعى باستى ءجۇزىڭدى.

كۇندەردەن كۇندەر ءوتتى،
ايلاردان ايلار ءوتتى.
ەسىرتكى جايلاپ ەلدى،
كوپ ادام ءولىپ كەتتى.

ءبىر وتباسى قۇلدىرادى،
وسى سۇم، زيان شوپتەن.
سىيلاستىق سىندى ءبارى،
ءحال كەتتى مىنا كوپتەن.

انادار دا جىلادى،
جىلاتتى ءبارىن قۋ زامان.
ازاماتتار سۇلادى،
ەسىرتكىمەن دوس بولعان.

ايتار اقىل جاستارعا،
جولاما ەش كەسىرگە.
امان بولسىن دوستار دا،
ەسىرتكى دەگەن جويىلىپ،
نۇرلى بولسىن اسپان دا!
قۋاندىقوۆا ايىم 8 «ا» سىنىبى

ەسىرتكىگە جول جوق!
سپورتپەنەن اينالىسساڭ، كۇنىڭ جاقسى وتەدى،
ناشامەنەن اينالىسساڭ، ءومىرىڭ بوسقا كەتەدى.
ەسىرتكىنى قولدانساڭ تۇرمەگە دەيىن جەتەسىڭ،
ءومىر باقي تۇرمەدە قورلىق كورىپ وتەسىڭ.

سالاۋاتتى ءومىر سالتىن ساقتايىق،
اتا - اناڭنىڭ ءۇمىتىن ءبىز اقتايىق.
«جاقسىدان ۇيرەن، جاماننان جيرەن» - دەگەن ءسوزدى،
جانىمىزعا جاقىن تۇتىپ جاقتايىق.

ەسىرتكى دەگەن جاپىراق،
شەككەن ادام اقىماق.
سپورتپەن اينالىسىپ،
جۇرمەيسىڭ بە جارقىراپ.
ەرمەك ماقسات
8 «ب» سىنىبى

ەسىرتكى
ومىرگە ادام ءبىر - اق رەت كەلەدى،
جاستىق شاعىڭ ءومىرىڭنىڭ كەمەلى.
كۇتە بىلسەڭ ساۋلىعىڭدى ورەلى،
تابيعاتتىڭ بەرگەننەن كوپ بەرەرى.

عاسىر دەرتى الەمگە قانات جايعاندا،
ۋشىعىپ تۇر تەمەكى، اراق، ناشاڭ دا.
سالاۋاتتى ماقساتىڭ ءومىر ءسۇرۋ،
بۇل جولدان اۋلاق بولىپ ءجۇرۋ.
تويبازاروۆا اقجامال
8 «ب» سىنىبى

ول ءومىردى قالايدى.... (ەسسە)
ول ءومىر سۇرگىسى كەلەدى... كىمنىڭ ءومىر سۇرگىسى كەلمەيدى دەيسىڭ؟! ءيا، ءبارىنىڭ دە...
ءبىراق كەي ادام، «ءومىر - وزىنە اللانىڭ ۇلكەن تارتۋى» ەكەنىن تۇسىنبەيدى.
مەنىڭ تۇتقىنىم كوپ، ماعان تاۋەلدىلەر ودان دا كوپ. جەر - جاھاندى جاراتقاندا مەن دە تابيعاتتىڭ ءبىر بولشەگى بولىپ جارالدىم.
مەن – قاراسورامىن. اتىشۋلى، اتاقتى ناركوتيكالىق زاتتار مەنەن جاسالدى. مەن جامان، زياندى زاتتار توبىنا جاتامىن. سول ۇشىندە ىزالىمىن، ءوشىمدى ادامداردان الامىن. تۇتقىنىما تۇسكەن جاستاردى بوساتپاي ءومىرىن وكسىتەمىن. ال، ءالى وڭ – سولىن اجىراتا الماعان جاستار ماعان تەز ەلىگەدى. مەنىڭ ءدامىمدى ءبىر تاتقاننان تاۋەلدى بوپ، مەنىڭ تۇتقىنىم ەكەنىن اجىراتا المايدى. بۇل - ۋاقىتشا، كەيىن باسقاشا دەپ ءوزىن - ءوزى الدايدى. ءبىراق ولاي ەمەس.
جاپ - جاس بوزبالا مەن نازىك، سۇلۋ بويجەتكەندى از جىلدا مىج - مىج شال مەن كەمپىرگە اينالدىرامىن. بولاشاق بۇلدىر ساعىمعا اينالىپ، ولار مەنىمەن عانا اۋرە بوپ وزدەرىن جوعالتادى. مىنە، وسىلاي جاقسىلاردان، نازىك سۇلۋلىق، جاستىق پەن تازالىقتى، اتا - انا ارتقان ۇلكەن سەنىمدى، دوس جارانمەن قارىم – قاتىناستى جوق قىلادى.
ايتپەسە، مەن جاماندىق بولامىن با؟ مەن جاماندىق پەن زياننان، ۋدان جارالعان قاراسورامىن، ۋلى ناركوتيكپىن. ءبىراق كەيدە ادامداردى ايايمىن. ولار ءومىر سۇرگىسى كەلەدى. ءومىردىڭ ادامدارعا ءبىر - اق رەت بەرىلەر مۇمكىندىك ەكەنىن كەش ۇعادى. جارقىراعان جارىق كۇندى، سارقىراي اققان وزەن – كولدى، جايقالىپ شىققان گۇلدى، كوكتى ءالى دە كورگىسى كەلەدى.
قۇرمەتتى جاستار! مەنى قابىلداپ بۇكىل ومىرلەرىڭىزدى قور قىلماڭىزدار. زياندى ادەتتەردەن اۋلاق بولىڭىزدار! سىزدەردىڭ بولاشاقتارىڭىز الدا! وسى جاي عانا ۇنتاقپەن بۇكىل ومىرلەرىڭىزگە بالتا شاپپاڭىزدار! مەنىڭ كەسىرىمنەن تالاي وتباسى بۇزىلىپ، جان - جاققا تاراپ كەتتى. وتباسىڭىزدى، ءارى - قاراي بولاشاعىڭىزدى ويلاڭىز!
ءوز ءومىرىڭىزدى، ءوزىڭىز قۇرتپاڭىز! ەگەر مەنى قابىلداپ قويعان بولساڭىز ءسىز كەرى قايتارا الىنبايتىن قاتەلىك جاسادىڭىز. ەگەر مەنى قابىلدايىن دەپ جۇرگەن جان بولساڭىز، مەنى ۇستاپتا كورمەڭىز، مەن وتە زياندىمىن، مەنى قابىلداپ بۇكىل ءومىرىڭىزدى قۇرتپاڭىز! ولار ءومىردى قالايدى....
نۇرىشوۆا ايبالا
9 «ا» سىنىپ