InfoHub Logo

ەلىمىزدە ەسكى ۇيلەردى بۇزىپ، ونىڭ ورنىنا جاڭا تۇرعىن ءۇي كەشەندەرىن سالۋ – رەنوۆاسيا باعدارلاماسى بويىنشا جۇزەگە اسىرىلادى. بۇل جۇمىستاردى جەدەلدەتۋ جانە ازاماتتار مەن قۇرىلىس سالۋشىلاردىڭ تاۋەكەلدەرىن ازايتۋ ماقساتىندا جاڭا قۇرىلىس كودەكسىندە ءبىرىڭعاي تەتىكتى ەنگىزۋ جوسپارلانۋدا. الايدا، بۇل پروسەستەر ۋاقىتتى قاجەت ەتەدى. ەسكى باسپاناسى ءۇشىن اقشالاي وتەماقى الماعان نەمەسە باسقا ۇيدەن پاتەر ساتىپ الۋعا كەلىسپەگەن ازاماتتارعا نە بەرىلەدى؟

بۇل تۋرالى Infohub.kz اقپارات اگەنتتىگى حابارلايدى.

رەنوۆاسيا دەگەنىمىز نە؟

رەنوۆاسيا – بۇل ەسكى جانە اپاتتى ۇيلەردى بۇزىپ، ونىڭ ورنىنا جاڭا تۇرعىن ۇيلەر سالۋدى كوزدەيتىن مەملەكەتتىك باعدارلاما. بۇل باعدارلاما اكىمدىكتەردىڭ قۇزىرەتىندە بولىپ، بيۋدجەت قاراجاتى مەن جەكە ينۆەستورلار ەسەبىنەن جۇزەگە اسىرىلادى. جاڭا قۇرىلىس كودەكسىندە ەنگىزىلگەن ءبىرىڭعاي رەنوۆاسيا تەتىگى بويىنشا، جوبالار قازاقستاننىڭ تۇرعىن ءۇي قۇرىلىس كومپانياسىنان (قتك) ءبىرىڭعاي كەپىلدىك الادى. بۇل ينۆەستورلارعا مەنشىك يەلەرىمەن كەلىسسوز جۇرگىزۋگە مۇمكىندىك بەرەدى.

ۋاقىتشا باسپانا نەمەسە وتەماقى

ەگەر ازاماتتار جاڭا ۇيدەن پاتەر الماي، اقشالاي وتەماقىنى تاڭداماسا، ولار بولاشاق ءۇيدىڭ قۇرىلىسى اياقتالعانشا ۋاقىتشا باسپانامەن قامتاماسىز ەتىلۋى نەمەسە ونىڭ ارەندا اقىسى تولەنۋى ءتيىس. بۇل تۋرالى قازاقستان قۇرىلىس سالۋشىلار قاۋىمداستىعىنىڭ پرەزيدەنتى ۆيكتور ميكريۋكوۆ بىلاي دەيدى:

«رەنوۆاسيا اياسىندا ۋاكىلەتتى كومپانيا مەن مەنشىك يەسى اراسىندا ۋاقىتشا تۇرعىن ءۇي نەمەسە اقشالاي وتەماقى بەرۋ تۋرالى كەلىسىم جاسالادى. كومپانيا كەلىسىم جوباسىن دايىنداپ، مەنشىك يەسىنە جىبەرەدى. ول ءوز ۇسىنىستارىن ەنگىزە الادى. سونداي-اق، كوشىرۋ تۋرالى جازباشا حابارلاما كەمىندە 20 كۇن بۇرىن جىبەرىلەدى»، – دەيدى ول.

ۋاقىتشا باسپانا بۇرىنعى جاعدايدان ناشار بولماۋى جانە سانيتارلىق تالاپتارعا ساي بولۋى كەرەك. ارەندا اقىسىن ەسەپتەۋ ءۇشىن ارنايى فورمۋلا قولدانىلادى. ول پاتەردىڭ اۋدانى، كوممۋنالدىق قىزمەتتەر جانە كوشىپ-قونۋ شىعىندارىن ەسكەرەدى. ەگەر قۇرىلىس مەرزىمى ۇزارتىلسا، كومپانيانىڭ مىندەتتەمەلەرى دە ۇزارتىلادى.

بيزنەس نىساندارى مەن جەكە ۇيلەر

وفيس، دۇكەن سياقتى كوممەرسيالىق نىساندار مەن جەكە ءۇي يەلەرىنە نەگىزىنەن اقشالاي وتەماقى بەرىلەدى. ءبىراق تاراپتاردىڭ كەلىسىمى بويىنشا باسقا دا نۇسقالار قاراستىرىلۋى مۇمكىن.

رەنوۆاسيا جوسپارلارى

الماتى قالاسىندا 2030 جىلعا دەيىن رەنوۆاسيا باعدارلاماسى جۇمىس ىستەيدى. 2026 جىلى 95 ۇيدەن 1165 پاتەردى كوشىرۋ جوسپارلانعان. كوشىرۋ تەك 100% تۇرعىنداردىڭ كەلىسىمىمەن عانا جۇزەگە اسادى. قازاقستاندا 59 مىڭنان استام كوپپاتەرلى ءۇي بار، ونىڭ 1037ء-سى اپاتتى، 2663ء-ى ەسكى دەپ تانىلعان.