InfoHub Logo

ساباقتىڭ تاقىرىبى: ەتىستىك. ەتىستىكتىڭ كاتەگوريالارى.
جالپى ماقساتتارى: ەتىستىك. ەتىستىك كاتەگوريالارىن قايتالاۋ، مورفەمالىق قۇرامىنا تالداۋ جاساۋ
مىندەتتەرى:
- ەتىستىكتەردىڭ مورفەمالىق قۇرامىن انىقتاۋ
- ەتىستىكتەردىڭ باستى بەلگىلەرى مەن ەرەكشەلىكتەرىنە تالداۋ جاساۋ
وقىتۋ ناتيجەسى:
ەتىستىك. ەتىستىكتىڭ كاتەگوريالارىن قايتالايدى، ەتىستىكتەرگە مورفولوگيالىق تالداۋ جاسايدى.
شاعىن توپتاردا جۇمىس جاساۋ ارقىلى ءوز بەتىمەن ءبىلىم الادى، ءبىرىن - ءبىرى وقىتادى.
تاپسىرمالار:
1. جىپكە ىلىنگەن سۇراقتار (سۇراقتارعا جاۋاپ بەرۋ)
2. قوراپتاعى مىسالدار (مورفەمالىق قۇرامىنا تالداۋ)
3. «روتاسيا» ءادىسى (توپتىق جۇمىس)
4. ورتاداعى تىرەك ءسوزدى تاپ...
5. بىرگە تالدايمىز... (وقۋلىقپەن جۇمىس)
6. «ءبىر سويلەممەن تۇيىندەۋ» ءادىسى.

ساباق بارىسى:

ۇيىمداستىرۋ كەزەڭى.
امانداسۋ، تۇگەلدەۋ.
وقۋشىلاردى توپقا وتكەن تاقىرىپ بويىنشا ۇلەستىرمەلى قاعازدار ارقىلى بولەدى. (مىسالدار ارقىلى)
وقۋشىلاردى قول شاپالاقتاۋ ارقىلى ماراپاتتاۋ.
باعالاۋ كريتەرييىن وقۋشىلارعا ۇسىنىپ، باعالاۋ شكالاسى بار كارتوچكالار تاراتادى.

1 - تاپسىرما.
«جىپكە ىلىنگەن سۇراقتار»
سۇراقتار:
1. مورفولوگيا نەنى زەرتتەيدى؟ قازاق تىلىندە ءسوز تابىنىڭ نەشە ءتۇرى بار؟
2. زات ەسىم دەگەنىمىز نە؟ قۇرامىنا قاراي نەشە تۇرگە بولىنەدى؟
3. زات ەسىمنىڭ سەپتەلۋى.
4. زات ەسىم ماعىناسىنا قاراي نەشە تۇرگە بولىنەدى؟
5. زات ەسىمنىڭ تاۋەلدەنۋى.
6. سىن ەسىم دەگەنىمىز نە؟ سىن ەسىم ماعىناسى جانە قۇرامىنا قاراي نەشە تۇرلەرگە بولىنەدى؟
7. سىن ەسىم شىرايلارىنىڭ تۇرلەرى مەن جۇرناقتارىن اتا.
8. سان ەسىم ماعىناسىنا قاراي نەشە تۇرگە بولىنەدى؟
9. ەسىمدىك دەگەنىمىز نە؟ ماعىنالىق توپتارى.
«قوراپتاعى سوزدەر»
كەيبىرەۋ، بۇل، ءاربىر، سول، ءبارى، بەسەۋ، توعىز ءجۇز جەتپىس توعىز، ون ءۇش - ون ءتورت، ءۇش ءجۇز، ەكىنشى، كەڭ، تازا، اقشىل، ونەرلى، قارا تورى، ات، اسان، ارمان، قالام، اتا - انا.
(تاپسىرمانى ورىنداۋ بارىسىندا وقۋشىلار سۇراقتارعا جاۋاپ بەرەدى.
بەرىلگەن سوزدەرگە تولىقتاي مورفەمالىق تالداۋ جاسايدى.)

2 - تاپسىرما (توپتارعا)
«روتاسيا» ءادىسى
ەتىستىك. ەتىستىكتىڭ كاتەگوريالارى بويىنشا ءۇش توپقا تاپسىرمالار بەرىلەدى.
1. ەتىستىك جانە ونىڭ تۇرلەرى. ەتىستىكتىڭ سويلەمدەگى قىزمەتى. 2. ەتىس جانە ونىڭ تۇرلەرى. 3. ەتىستىكتىڭ شاقتارى. ەتىستىكتىڭ راي تۇرلەرى.
(شاعىن توپتىق جۇمىستا تاپسىرمالاردى ورىنداي وتىرىپ ءوز بىلگەندەرىن پوستەرگە جازادى، باعالايدى، تالدايدى، پوستەر قورعايدى.)
3 - تاپسىرما
ورتاداعى تىرەك ءسوزدى تاپ...
تاۋەلسىزدىك
1. تاۋبەنىڭ باسى تاۋەلسىزدىك بولسىن.
2. ۇلتتىڭ، ءداستۇردىڭ تىرەگى - تاۋەلسىزدىك.
3. تاۋەلسىزدىك – ازاتتىقتىڭ التىن دىڭگەگى
4. تاۋەلسىزدىكتى اتا - اناڭداي ارداقتا.
5. تاۋەلسىزدىكتى قورعاۋ - ۇلتتىڭ ۇيىتقىسىن ساقتاۋ.
6. حالىقتىڭ رۋحاني وزەگى - ەگەمەندىك.
7. ەڭ قاسيەتتى كۇرەس - تاۋەلسىزدىك ءۇشىن كۇرەس.
8. تاۋەلدى ەلدىڭ سۇلتانى بولعانشا، تاۋەلسىز ەلدىڭ ۇلتانى بول.
9. تاۋەلسىزدىك - تاريح تۇلپارىنىڭ تىزگىنى
10. تاۋەلسىزدىك تويىن تويلا، تويلاي ءجۇرىپ، وركەندەتۋدى ويلا.
(وقۋشىلار ورتاداعى تىرەك ءسوزدى تابادى، ءوز ويىن ايتادى، ەتىستىكتەردى تاۋىپ، مورفەمالىق تالداۋ جاسايدى.)
4 - تاپسىرما
«بىرگە تالدايمىز» ءادىسى بويىنشا وقۋلىقپەن جۇمىس.
1 - توپ: 171، 172 - جاتتىعۋلار.
2 - توپ: 176 - جاتتىعۋ.
3 - توپ: 178 - جاتتىعۋ.
(وقۋلىقتاعى جاتتىعۋ جۇمىستارىن ورىندايدى، ەتىستىكتەرگە تالداۋ جاسايدى.)
5 - تاپسىرما
«ءبىر سويلەممەن تۇيىندەۋ»
ەتىستىك...
(بۇگىنگى وتكەن ساباق بارىسىندا العان بىلىمدەرىن ءبىر سويلەمنەن ايتىپ ءوز پىكىرلەرىن بىلدىرەدى.)
كەرى بايلانىس كارتاسى
(كەرى بايلانىس پاراعىن تولتىرادى.)
باعالاۋ كريتەرييلەرى بويىنشا وقۋشىلاردىڭ جيىنتىق باعاسىن قويادى.
ۇيگە تاپسىرما.
باعالاۋ.