ەۋرووداق رەسەي گازىنان تولىق باس تارتپاق
ەۋروپالىق وداق ماسكەۋدەن كەلەتىن گازعا تاۋەلدىلىكتى ءبىرجولا جويۋدى زاڭ جۇزىندە بەكىتپەك. بريۋسسەل مەن ستراسبۋرگتە تانىستىرىلعان جاڭا زاڭ جوباسىنا سايكەس، ەۋرووداق 2028 جىلدىڭ 1 قاڭتارىنا دەيىن رەسەيلىك گازدى مۇلدە تۇتىنباۋى ءتيىس.
اتالعان باستاماعا تۇرتكى بولعان باستى فاكتور – گەوساياسي تۇراقسىزدىق. ەۋروكوميسسيا رەسەيدىڭ ەنەرگەتيكالىق رەسۋرستاردى «قارۋ» رەتىندە پايدالانىپ، ەۋروپا ەلدەرىنە قىسىم كورسەتىپ وتىرعانىن العا تارتتى. ۋكرايناداعى سوعىس زاڭ جوباسىندا ناقتى سەبەپ رەتىندە كورسەتىلمەسە دە، ونىڭ ءرولىن ەلەمەۋ مۇمكىن ەمەس.
رەسمي مالىمەتكە ساي، ەۋرووداق رەسەيلىك مۇنايدان دا باس تارتۋعا بەل بۋىپ وتىر. ماسەلەن، 2020 جىلى ەۋروپا نارىعىنا قاجەت مۇنايدىڭ 27 پايىزى رەسەيدەن جەتكىزىلسە، بۇگىندە بۇل كورسەتكىش 3 پايىزعا دەيىن تومەندەگەن. قۇرلىق ەندى بۇل تاۋەلدىلىكتى تولىق جويىپ، ەنەرگەتيكالىق دەربەستىككە ۇمتىلۋدا.
بۇل – ەۋروپا ءۇشىن تاريحي بەتبۇرىس. سەبەبى ونداعان جىلدار بويى رەسەي ەنەرگيا كوزدەرى ەۋرووداقتىڭ ەكونوميكالىق جانە الەۋمەتتىك تۇراقتىلىعىنىڭ نەگىزگى تىرەگى سانالىپ كەلدى. الايدا قازىرگى گەوساياسي احۋال ەۋروپانى بالاما كوزدەرگە جۇگىنۋگە ماجبۇرلەپ وتىر.
You Might Also Like
-
موڭعوليا پرەمەر-مينيسترى ۇلىنا قاتىستى جانجالدان كەيىن وتستاۆكاعا كەتتى،دەپ جازادى ينفوحاب.كز.
-
قازاقستاندا تەمەكى شەگۋ قولجەتىمسىز بولا ءتۇسۋى مۇمكىن. قارجى مينيسترلىگى تەمەكى ونىمدەرىنىڭ ەڭ تومەن بولشەك باعاسىن ءوسىرۋ تۋرالى بۇيرىق جوباسىن ازىرلەدى. قۇجاتقا سايكەس، جاڭا باعالار ءفيلترلى جانە ...
