InfoHub Logo

ەۋروپا وداعى ەلدەرى اقش پرەزيدەنتى دونالد ترامپتىڭ ورمۋز بۇعازىنا اسكەري كەمەلەر جىبەرۋ تۋرالى تالابىن ورىنداۋدان باس تارتتى. بۇل تۋرالى ەو-نىڭ سىرتقى ىستەر جانە قاۋىپسىزدىك ساياساتى جونىندەگى جوعارى وكىلى كايا كاللاس مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

«بۇل ەۋروپانىڭ سوعىسى ەمەس. ءبىزدىڭ قىزىل تەڭىزدە «Aspides» وپەراسيامىز بار. ونى كۇشەيتۋ تۋرالى تالقىلاۋلار بولدى. الايدا، بۇل مانداتتى ورمۋز بۇعازىن قامتۋ ءۇشىن كەڭەيتۋگە مۇشە ەلدەر دايىن ەمەس»، - دەدى كاللاس.

ول ەو ەلدەرىنىڭ تاياۋ شىعىستاعى قاقتىعىسقا تىكەلەي ارالاسۋدان اۋلاق بولعىسى كەلەتىنىن اتاپ ءوتتى. «ەشكىم بۇل سوعىسقا بەلسەندى ارالاسقىسى كەلمەيدى جانە ونىڭ سالدارىنان ءبارى قورقادى»، - دەدى كاللاس.

ترامپ وتكەن اپتادا ءبىرقاتار ەلدەردى ورمۋز بۇعازىنداعى قاۋىپسىزدىكتى قامتاماسىز ەتۋ ءۇشىن اسكەري كەمەلەردى جىبەرۋگە شاقىرعان بولاتىن. ول بۇل ءوتىنىشتى فرانسيا، گەرمانيا، ۇلىبريتانيا، جۇڭگو، جاپونيا، وڭتۇستىك كورەيا جانە باسقا دا ەلدەرگە جولداعان ەدى. بۇعان دەيىن بەرلين تاياۋ شىعىستاعى اسكەري ميسسياعا بۋندەسۆەردىڭ قاتىسۋ مۇمكىندىگىن جوققا شىعارعان بولاتىن.