InfoHub Logo

تاقىرىبى: ع دىبىسى جانە ءارپى
ساباقتىڭ ماقساتى
بىلىمدىلىگى: ع دىبىسى جانە ونىڭ ءارىپ تاڭباسىمەن تانىستىرا وتىرىپ، «ع» دىبىسىنىڭ ايتىلۋ ارتيكۋلياسياسىن مەڭگەرتۋ.
دامىتۋشىلىعى: بەرىلگەن سوزدەرگە دىبىستىق تالداۋ جاساتۋ، بۋىنداپ وقۋعا جاتتىقتىرۋ، جاتتىعۋلاردى ورىنداتۋ ارقىلى قول موتوريكاسىن دامىتۋ.
تاربيەلىلىگى: ويلاۋ، ەسكە ساقتاۋ قابىلەتتەرىن دامىتا وتىرىپ شىعارماشىلىققا تاربيەلەۋ.
ءادىس - تاسىلدەر: ءتۇسىندىرۋ، اڭگىمەلەۋ، سۇراق - جاۋاپ. ستو تەحنولوگياسىنىڭ ستراتەگيالارى.
كورنەكىلىكتەر: ۇلەستىرمەلى سۋرەتتەر، پلاكات ت. ب

پسيحولوگيالىق احۋالدى قالىپتاستىرۋ
«بۇگىنگى كۇنگە ىزگى تىلەك» (كۇن بەينەسى)
تابيعاتقا جان ءبىتىرىپ، جەرگە ساۋلە توگىپ، اينالاعا شۋاقتى نۇرىن شاشاتىن نە؟ (كۇن.) ولاي بولسا «تىرشىلىك ءنارى، ءومىر ءمانى، كوڭىل ءسانى، تابيعات جانى، بار بالا ءانى» كۇنمەن سالەمدەسىپ الايىق.
جارقىراپ كۇندە اشىلدى،
اينالاعا نۇر شاشىلدى.
قايىرلى كۇن! ءبىز كوڭىلدى بالامىز!
قايىرلى كۇن! ءبىز سۇيكىمدى بالامىز.

ۇيىمداستىرۋ ىزدەستىرۋ
جاڭا ساباق
«كۇن تاپسىرماسى»
كۇن بەينەسى قالتاشالارىنا وتىلگەن دىبىستاردىڭ جانە ع دىبىسىنىڭ ءارىپ تاڭبالارى سالىنعان. بالالار وتىلگەن ارىپتەردى تانىپ اتايدى.
تاربيەشى: ارىپتەردىڭ ىشىندە بىزگە تانىس ەمەس ءبىر ءارىپ بار ەكەن. بۇل ءبىزدىڭ بۇگىنگى وتەتىن جاڭا دىبىسىمىز ع دىبىسىنىڭ ءارىپ تاڭباسى.
ع دىبىسى تۋرالى بىلگىلەرىڭ كەلە مە؟.. ولاي بولسا، ورنىمىزعا وتىرايىق.

ءىى. ماعىنانى تانۋ.
1. ع دىبىسىنىڭ ايتىلۋ ارتيكۋلياسياسىن مەڭگەرتۋ.
مىناۋ نە بالالار. (كومپيۋتەر)
ال، وسى كومپيۋتەر دەگەن كەزدە سەندەردىڭ ەستەرىڭە قانداي ءسوز تۇسەدى. (ينتەرنەت)
ينتەرنەت ارقىلى ءبىز بۇكىل جەر شارىنداعى جاڭالىقتارمەن حاباردار بولامىز، سوندىقتاندا ينتەرنەتتىڭ قازاقشا اتاۋى «عالامتور» دەپ اتالادى.
كانە، عالامتور دەپ ايتايىق.
ءبىرىنشى قانداي دىبىس ەستىلىپ تۇر.
ع دىبىسىن دىبىستاتۋ.
ع دىبىسى كەدەرگىمەن ايتىلىپ تۇر. بۇل ع دىبىسى قانداي دىبىس دەپ ويلايسىڭدار. (داۋىسسىز دىبىس)
قانداي ءتۇستى تەكشەمەن بەلگىلەيمىز. (كوك)
بەرىلگەن ۇعىم: ع دىبىسى داۋىسسىز دىبىس، كوك تەكشەمەن بەلگىلەيمىز.

2.«عاجايىپ ءتۇس» ەرتەگىسى ارقىلى «ع» دىبىسى بار سوزدەرمەن تانىستىرۋ. (ەرتەگى جەلىسى بويىنشا تاقتاعا عاني، بالعا، تاعا، شالعى، تورعاي، قارعا، عارىشكەر، عارىش، اعاش، ساعات سۋرەتتەرى ىلىنەدى)
ەرتەگى مازمۇنى: ەرتە، ەرتە، ەرتەدە ءبىر اتاي مەن اجەي ءومىر ءسۇرىپتى. ولاردىڭ عاني دەگەن بالاسى بولىپتى. اتاي شەبەر ۇستا ەكەن. ول تەمىردەن بالعا، تاعا، شالعى جاساۋمەن اينالىسىپتى. عاني ۇنەمى اتاسىنا كومەكتەسەدى ەكەن. كۇزدە وراقپەن ءشوپ شابىسادى. بىردە ءشوپ شاۋىپ ءجۇرىپ عاني شارشاپ اسپانعا قاراپ جاتىپتى. سول كەزدە كوكتە ۇشىپ جۇرگەن تورعاي، قارعالاردى كورىپ، مەنىڭدە قاناتىم بولىپ كوككە سامعاسام عوي دەپ ارمانداپ، ويلانىپ جاتىپ ۇيىقتاپ كەتىپتى. تۇسىندە عارىشكەر بولىپ، عارىشتا سامعاپ ءجۇر ەكەن. وتە قۋانىشتى سەزىمدە جاتقاندا اعاشتاردىڭ جەلمەن ىرعالعان دىبىسىنان ويانىپ كەتەدى. ساعاتىنا قاراسا كەش بولا باستاعان. عاني ءوزىنىڭ عارىشقا ۇشقانىن جاقسىلىققا جورىپ، اتاسىنا ءتۇسىن ايتۋعا ۇيىنە قاراي قۋانا جۇگىرە جونەلدى.


3. «ۇقساس زاتتى تاپ» ويىنى. ع دىبىسى بار سوزدەر سۋرەتتەرىمەن جۇمىس «ع» دىبىسىنىڭ سوزدەگى ورنىن انىقتاۋ.
ەرتەگى ۇنادى ما؟ بالانىڭ اتى كىم ەدى؟ (عاني)
عاني دەگەندە ءبىرىنشى قانداي دىبىس ەستىلىپ تۇر؟ ع دىبىسى.
ولاي بولسا، كۇن تاپسىرماسىنداعى جاڭا ءارىپ ع دىبىسىنىڭ ءارىپ تاڭباسى ەكەن. (تاقتاعا ع. ع ارىپتەرى قويىلادى)
تاقتاداعى سۋرەتتەرگە قاراڭدارشى ع ءارپى نەگە ۇقسايدى. (تاقتاداعى سۋرەتتەردى ع ارپىمەن سالىستىرىپ، شالعىعا ۇقسايتىنىن تابادى)
بەرىلەتىن ۇعىم: ع ءارپىنىڭ تاڭباسىمەن تانىسادى،

4. «بۋىنعا بۋىن قوس» ويىنى: تاقتاداعى ەرتەگى جەلىسى بويىنشا بەرىلگەن سۋرەت اتتارىن بۋىنعا ءبولىپ ايتقىزۋ ارقىلى ع دىبىسىنىڭ سوزدەگى ورنىنا تالداۋ جاسالادى. عا - ني، عا - رىش - كەر، عا - رىش سوزدەرىندە ع دىبىسى ءسوزدىڭ ءبىرىنشى بۋىنىندا، بال - عا، تا - عا، شال - عى، تور - عاي، قار - عا، ا - عاش، سا - عات سوزدەرىندە ءسوزدىڭ ەكىنشى بۋىنىندا ەستىلىپ تۇرعانىن، ياعني ع دىبىسى ءسوزدىڭ باسىندا، ورتاسىندا كەلەتىنى تۋرالى تۇسىنىك بەرىلىپ، وزدەرىنە ۇناعان سۋرەت اتىن تەكشەمەن جازعىزۋ.
بەرىلەتىن ۇعىم: ع دىبىسى كەلەتىن سوزدەرمەن تانىسادى، بۋىنعا بۋىن قوسۋ ارقىلى ع دىبىسى ءسوزدىڭ باسىندا، ورتاسىندا كەلەتىنىن ۇيرەنەدى، دىبىستاردىڭ داۋىستى، داۋىسسىز ەكەنىن اجىراتادى.
ع دىبىسى جانە ءارپى جۇكتەۋ