InfoHub Logo

ساباقتىڭ تاقىرىبى: عابيت مۇسىرەپوۆتىڭ «جاپون باللاداسى»
ساباقتىڭ ماقساتى:
ا) بىلىمدىلىك: اڭگىمەلەردىڭ تاقىرىبىن ايقىنداپ، يدەيالىق ءمانىن اشۋ، ماڭىزىن ءتۇسىندىرۋ، نەگىزگى ءتۇيىنىن اشۋ؛
ءا) دامىتۋشىلىق: وقۋشىلاردىڭ قوعامدىق – ساياسي كوزقاراسىنىڭ قالىپتاسۋىنا ىقپال ەتۋ، ءوز ويلارىن ەركىن جەتكىزە بىلۋگە، ءتىل بايلىقتارىن دامىتىپ، ءوز بەتىمەن ىزدەنىپ، وي قورىتىندىسىن جاساۋعا داعدىلاندىرۋ، مانەرلەپ وقۋعا جاتتىقتىرۋ؛
ب) تاربيەلىك: وقۋشىلاردىڭ ادامگەرشىلىك قاسيەتتەرىن قالىپتاستىرىپ، ادالدىققا، باۋىرمالدىققا، بۇكىل ادامزاتتى سۇيە بىلۋگە تاربيەلەۋ، ەكولوگيالىق تاربيە بەرۋ.
قولدانىلاتىن كورنەكىلىك: ع. مۇسىرەپوۆ پورترەتى، شىعارمالار جيناعى، ب. سۇلەيمەنوۆ «حان شاتىرىنداعى كەزدەسۋ» كىتابى، و. سۇلەيمەنوۆ كىتابى،
سلايد، تىرەك – سىزبالار، توپتاستىرۋ، ءۇنقابىلداعىش
ساباق ءتيپى: جاڭا ادەبي شىعارمانى مەڭگەرۋ ساباعى
ساباق ءتۇرى: «اشىق جۋرنال ساباعى»
ءادىس – ءتاسىل: پىكىرلەسۋ، سۇراق – جاۋاپ، تالقىلاۋ

ساباقتىڭ تاقىرىبى:
1. ۇيىمداستىرۋ كەزەڭى. وقۋشىلاردىڭ ساباققا قاتىسۋى، دايارلىعى تەكسەرىلىپ، نازارلارى ساباققا اۋدارتىلادى.
2. اۋىزشا جۋرنالدىڭ ءبىرىنشى بەتى. «قانداي ىسكە كىرىسسەڭ دە، تازا قولمەن كىرىس»
ءۇي تاپسىرماسى بويىنشا عابيت مۇسىرەپوۆتىڭ «اۆتوبيوگرافيالىق اڭگىمەسىنە» تالداۋ جۇمىستارى جۇرگىزىلەدى.

ا) وقۋشىلار كەزەكپەن تاقتاعا عابيت مۇسىرەپوۆ تۋرالى تىرەك سىزبا سىزادى
عابيت مۇسىرەپوۆ (1902 - 1985)
↓
قوعام قايراتكەرى
دراماتۋرگ
جازۋشى
ب. وتەتىلەۋوۆتىڭ شاكىرتى
ونەرگە ونەر توگۋمەن، ونەرگە ءومىر بەرۋىمەن كەلگەن شەبەر

ءا) «اۆتوبيوگرافيالىق اڭگىمەسىندە» جازۋشىنىڭ سۋرەتتەۋىندەگى سۇيىكتى ۇستازى بەكەت وتەتىلەۋوۆ تۋرالى تىرەك – سىزبانى سىزادى.
بەكەت وتەتىلەۋوۆ (1883 - 1949)
↓
پەداگوگ - جازۋشى
اعارتۋشى
تاماشا ۇستاز
اۋدارماشى

ب) حح عاسىردىڭ باس كەزىندەگى اۋىل ءومىرى، بالا وقىتۋ مەن قازىرگى تاۋەلسىز قازاقستان، ءبىلىم بەرۋ ءىسى جونىندە سالىستىرمالى اڭگىمە.
ۆ) عابيت مۇسىرەپوۆتىڭ ب. وتەتىلەۋوۆتەي سۇيىكتى ۇستازىنان العان ىقپال، اسەرى، ونەگەسى بويىنشا كوزقاراستارىڭ قانداي؟ (وقۋشىلاردىڭ كوزقاراسى)
جاڭا ساباق. «ءتىلىن، ءدىنىن، ادەت - عۇرپىن سۇيگەن ەلىن - جەرىن، جاماعات، جۇرتىن سۇيگەن ۇعىمى مەن ويى ورتاق – ۇلى ادامدى. ودان قالعان ومىرلىك مۇرالاردى وشىرە الماس ەشكىم دە، ءسىرا، ماڭگى!!!».

اۋىزشا جۋرنالدىڭ ەكىنشى بەتى. «1945 جىل. قاس قاعىم ساتتەگى الاپات».
1945 جىلعى 6 جانە 9 – تامىزداعى امەريكا قۇراما شتاتتارىنىڭ ءىى دۇنيەجۇزىلىك سوعىس اياقتالعاننان كەيىن جاپونيانى تىزە بۇكتىرۋ ماقساتىنداعى حيروسيما، ناگاساكي قالالارىنا اتوم بومباسىن تاستاعانى جونىندە ءمۇعالىمنىڭ كىرىسپە اڭگىمەسى تىڭدالادى.
(ءۇنقابىلداعىشتان مۇڭلى ساز ەستىلەدى).
1945 جىل 6 – تامىز. تاڭەرتەڭ 8 ساعات 15 مينۋت. حيروسيما.
1945 جىل 9 – تامىز. ناگاساكي.
بومبا كۇشى 20 مىڭ توننا ترينيتروتولۋولا.
اپات وتىنىڭ ىستىقتىعى – 300 000 گرادۋس.
ەكى قالادا 300 مىڭنان استام ادام 2 سەكۋندتا قىرىلىپ قالدى. ءالى كۇنگە دەيىن راديواكتيۆتىك ساۋلە وتكەن ادامداردىڭ بالالارى، نەمەرەلەرى اۋرۋعا شالدىعىپ ومىرىمەن قوشتاسۋدا.
جۋرنالدىڭ ءۇشىنشى بەتى. ءى توپ «ارقانىڭ اڭگىمەسى». وقۋشىلار اڭگىمە مازمۇنىن قىسقاشا اڭگىمەلەيدى. (سلايدتان ادامنىڭ ارقاسىنىڭ سۋرەتى كورسەتىلەدى)
جۋرنالدىڭ ءتورتىنشى بەتى. ءىى توپ. «كوزدىڭ اڭگىمەسى». وقۋشىلار اڭگىمە مازمۇنىن قىسقاشا اڭگىمەلەيدى. (سلايدتان كوزدىڭ ۇلكەيتىلگەن سۋرەتى كورسەتىلەدى).