InfoHub Logo

ورتاڭعى توبىندا ۇيىمداستىرىلعان وقۋ ءىس - ارەكەتىنىڭ تەحنولوگيالىق كارتاسى.

ءبىلىم بەرۋ سالاسى: تانىم.
بولىمدەر: قورشاعان ورتامەن تانىسۋ، قاراپايىم ماتەماتيكالىق ۇعىمدارمەن تانىسۋ.
تاقىرىپ: «عاجايىپ الەمگە ساياحات»
ماقساتى: بالالارعا كولىك تۇرلەرىن، ماماندىقتاردى، تۇستەردى، پىشىندەردى، 1 - دەن 5 - كە دەيىن تۋرا جانە كەرى ساناۋدى قايتالاتىپ ۇيرەتۋ. بالالاردىڭ ويلاۋ قابىلەتىن، زەيىنىن دامىتۋ، سىيلاستىق پەن دوستىققا تاربيەلەۋ.
كورنەكى - قۇرالدار: كولىك تۇرلەرىنىڭ، ماماندىق سۋرەتى، پىشىندەر، كارتوچكالار.
بيلينگۆالدى كومپونەنت: ماماندىق - پروفەسسيا - profession؛
كولىك - ترانسپورت - transport.

ءىس - ارەكەت كەزەڭدەرى تاربيەشىنىڭ ارەكەتى بالالاردىڭ ارەكەتى
موتيۆاسيالىق قوزعاۋشىلىق - بالالار قاراڭدارشى بۇگىن بىزگە ەرەكشە كۇن، ۇيتكەنى بىزگە قوناقتار كەلدى.
ارايلاپ تاڭ اتتى
التىن ساۋلە تاراتتى
جارقىرايدى دالامىز
جارقىرايدى كۇنىمىز
قايىرلى تاڭ بالالار! بالالار قوزعالىس جاساي تۇرىپ، بارلىعى ايتادى، ءبىر - بىرىنە سالەم بەرەدى.
ۇيىمداستىرۋشى - ىزدەنۋشى
- بالالار جىلدىڭ نەشە مەزگىلى بار؟
- قانداي مەزگىلدەرى بار ەكەن؟
- دۇرىس ايتاسىڭدار.
- ءقازىر جىلدىڭ قاي مەزگىلى؟
قىس مەزگىلىنىڭ نەشە ايى بار؟
- اتاپ ايتىپ بەرىڭدەرشى؟
قىستا قانداي وزگەرىستەر بولادى؟

- وتە جاقسى، ءقازىر ەندى ورتالىقتارعا بولىنەيىك.
شىعارماشىلىق ورتالىعى.
سيۋجەتتى ويىن ورتالىعى
- بالالار، عاجايىپ الەمگە ساياحاتقا شىققىلارىڭ كەلەمە؟
مەنىڭ قولىمدا مىنانداي عاجايىپ تاياقشا بار، وسى تاياقشامەن عاجايىپ الەمگە سيقىرمەن بارامىز.
(ويىنشىق كولىكتەرگە كەلەدى)
- بالالار نە كورىپ تۇرسىڭدار، ءبىر سوزبەن قالاي ايتامىز؟
- كولىكتەردىڭ تۇرلەرى نەشە توپقا بولىنەدى؟
- مىنا كولىكتەردى ءوز توبىنا ورنالاستىرۋلارىڭ كەرەك.
- بالالار سەندەر كولىك تۇرلەرىن جاقسى بىلەدى ەكەنسىڭدەر.

ساياحاتىمىزدى بالالار، ءارى قاراي جالعاستىرايىق
سيقىرمەن پىشىندەر الەمىنە كەلەمىز.
- مىنا پىشىندەردى كىم اتاپ بەرەدى؟
- پىشىندەردىڭ ءتۇسى قانداي، كىم ايتادى؟
- نەشە ءپىشىندى كورىپ تۇرمىز، پىشىندەردى تۋرا جانە كەرى ساناپ بەرىڭدەرشى.

ويىن: «پىشىندەر قاي جاعىندا؟»
ويىن: «ءوز ءپىشىنىڭدى تاپ»
ءار بالانىڭ قولىنا پىشىندەر تاراتىلادى.
تاربيەشى ءوز جۇبىڭدى تاپ دەگەن كەزدە قولدارىنداعى پىشىندەرگە ۇقساس پىشىندەردىڭ ارتىنا تۇرا قالادى.
- بالالار سەندەر پىشىندەردى جاقسى بىلەدى ەكەنسىڭدەر تۇستەرىن، تۋرا جانە كەرى ساناۋدى.
سەرگىتۋ ءساتى:

- بالالار سەندەر وسكەندە قانداي ماماندىق يەسى بولعىلارىڭ كەلەدى؟
- ولاي بولسا ماماندىقتار الەمىنە بارايىق.
- بالالار مەن سەندەرگە جۇمباق جاسىرامىن:
- ءىشتى دە، ءتىستى دە
ەمدەيتىن اق حالاتتى ابزال جاندار كىمدەر؟
- دۇرىس ايتاسىڭدار.

- قىزىق، قىزىق ەرتەگى
بالالارعا ايتىپ بەرەدى.
جىلاۋىق تا، تەنتەك تە
سول اپايعا كونەدى ول كىم؟

- بالالار ءبىز قايدا تۇرامىز؟
- بىزگە ۇيلەردى كىمدەر سالىپ بەرەدى؟
- مىنا سۋرەتتىڭ ىشىنەن قۇرىلىسشى ماماندىعىنىڭ سۋرەتىن تاۋىپ بەرىڭدەرشى.
- سەندەر اۋىرعاندا كىمدەر ەمدەيدى؟
- دارىگەرلەر قاي جەردە جۇمىس ىستەيدى؟
- سەندەر بالاباقشاعا كەلگەندە كىم قارسى الادى؟
- بالاباقشادا سەندەرگە تاماقتى كىمدەر دايىندايدى؟
- شاشىمىزدى قاي جەردە الدىرامىز؟
- ءورت بولعان كەزدە كىمدەردى كومەككە شاقىرامىز؟
- اياق كيىمىمىز جىرتىلعان كەزدە كىمگە بارامىز؟
- بىزگە ءبىلىمدى كىمدەر بەرەدى؟
- بالالار مىنا جەردە ماماندىقتاردىڭ جانە ولاردىڭ قۇرالدارىنىڭ سۋرەتتەرى بار.
(ۇستەل ۇستىندە ورىندالادى)

- تاپسىرمانى جاقسى ورىندادىڭدار، باسقا بالالاردىڭ جۇمىستارىن كورەيىك، بالالار سۋرەتتى جاقسى سالىپتى.
- ال مىنا بالالار ءدامدى توقاش ءپىسىرىپتى.
- قانە ءدامدى توقاشتان قوناقتارىمىزعا ءدام تاتقىزايىق.
ءتورت.
قىس، كوكتەم، جاز، كۇز.
قىس.
ءۇش ايى.
جەلتوقسان، قاڭتار، اقپان.
بالالار جاۋابى.
- كولىكتەر.
ءۇش توپقا.
اۋە كولىكتەرى، تاسجول كولىكتەرى، سۋ كولىكتەرى.
بالالار كولىكتەردى ءوز توبىنا ورنالاستىرادى.
شارشى، دوڭگەلەك، ءۇشبۇرىش، تىكتورتبۇرىش، سوپاقشا.
بالالار كەزەەك - كەزەك ايتادى.
قىزىل، سارى، كوك، جاسىل، توقسارى
بالالار پىشىندەردى تۋرا جانە كەرى ساناپ بەرەدى.
ءبىر بالانى ورتاسىنا قويىپ، وڭ جاعىنا تىكتورتبۇرىشتىنى، سول جاعىنا سوپاقتى، ارتىنا دومالاقتى، الدىنا شارشىنى قويادى.

(بالالار ويىندى قىزىعا وينايدى).
ءبىز كىشكەنتاي بالامىز
ءوسىپ - ءوسىپ تولامىز
كۇنگە قاراي تالپىنىپ
كوككە قولدى سوزامىز
قانات قاعىپ ۇشامىز
قارلىعاشتاي سامعايمىز.

بالالار ءوز ويلارىن ايتادى.
دارىگەرلەر.
تاربيەشى اپايلار.
ۇيدە.
قۇرلىسشىلار.
دارىگەرلەر.
اۋرۋحانادا.
تاربيەشى اپايلار.
اسپازشىلار.
شاشتارازدا.
ءورت سوندىرۋشىلەردى.
ەتىكشىگە.
ۇستازدار.
بالالار ءار ماماندىقتاردىڭ ءوز قۇرالدارىن ورنالاستىرادى.

كۇتىلەتىن ناتيجە:
نەنى ءبىلۋ كەرەك: بالالار تۇستەر، پىشىندەر، ماماندىقتار، كولىك تۇرلەرى تۋرالى ءبىلۋ كەرەك.
نەنى يگەردى: بالالار پىشىندەردى ولاردىڭ تۇستەرىن، ماماندىقتاردى، كولىك تۇرلەرىن جانە ولاردىڭ ءۇش توپقا ءبولىنۋىن جاقسى يگەرىپ الدى.
نەنى بىلەدى: بەرىلگەن تاپسىرمالاردى ورىنداي بىلەدى.