InfoHub Logo

ادامداردىڭ سويلەۋ بەلسەندىلىگى سوڭعى جىلدارى ازايىپ، كۇنىنە ايتىلاتىن ءسوز سانى ايتارلىقتاي تومەندەگەنى تۋرالى زەرتتەۋ ناتيجەلەرى جاريالاندى. بۇل تۋرالى Infohub.kz اقپارات اگەنتتىگى حابارلايدى.

اقش-تاعى ميسسۋري ۋنيۆەرسيتەتى مەن اريزونا ۋنيۆەرسيتەتىنىڭ عالىمدارى 10-نان 94 جاسقا دەيىنگى 2197 ادامنىڭ اۋديوجازبالارىن تالداپ، قىزىقتى دەرەكتەرگە قول جەتكىزدى. 2005-2019 جىلدار ارالىعىندا جۇرگىزىلگەن 22 زەرتتەۋ بارىسىندا ادامداردىڭ كۇنىنە ورتا ەسەپپەن 338 ءسوزدى از ايتاتىنى انىقتالدى.

ءسوز سانىنىڭ ازايۋى

جالپى العاندا، 2005 جىلدان 2019 جىلعا دەيىن ادامدار كۇنىنە ورتا ەسەپپەن 28 پايىزعا از سويلەيتىن بولعان. ەگەر بۇرىن كۇنىنە شامامەن 16 600 ءسوز ايتىلسا، ءقازىر بۇل كورسەتكىش 11 900 سوزگە دەيىن ازايعان.

بۇل دەگەنىمىز، ءبىر جىلدا ادامدار شامامەن 123 370 ءسوزدى از ايتادى ەكەن. عالىمدار بۇل تەندەنسيانىڭ ناقتى سەبەبىن ءالى تولىق تۇسىندىرە الماي وتىر. ءبىر بولجام بويىنشا، مۇنىڭ سەبەبى تەحنولوگيانىڭ دامۋى مەن جازباشا حابارلامالاردىڭ كەڭىنەن تارالۋى بولۋى مۇمكىن.

بۇعان دەيىن قازىرگى بالالاردىڭ كوبىنىڭ 1-2 جاستا ەمەس، 3-4 جاستا سويلەي باستايتىنى جانە بۇل اتا-انالار ءۇشىن ۇلكەن ماسەلەگە اينالىپ وتىرعانى تۋرالى دا حابارلانعان بولاتىن.