InfoHub Logo

كۇندەلىكتى ساباق جوسپارى، گەوگرافيا 6 سىنىپ
تاقىرىپتار:
27 - ساباق. مۇحيت اعىستارى
28 - ساباق. مۇحيت تار مەن تەڭىزدەردىڭ ادامعا قىزمەت ەتۋى. مۇحيت پەن تەڭىزدى زەرتتەۋ جانە قورعاۋ.
29 - ساباق. وزەندەر. كولدەر.
30 - ساباق. جەر استى سۋلارى.
31 - ساباق. مۇزدىقتار، ولاردىڭ ماڭىزى.

ساباق №
كۇنى:
سىنىپ: 6
تاقىرىبى: مۇحيت اعىستارى
ماقساتى:
بىلىمدىلىك: وقۋشىلارعا مۇحيت اعىستارى جانە ولاردىڭ پايدا بولۋ سەبەپتەرى جايلى ءبىلىم بەرۋ.
دامىتۋشىلىق: كەسكىن كارتاعا تۇراقتى اعىستاردى ءتۇسىرۋ ارقىلى وقۋشىلاردىڭ كارتا، گلوبۋس، كەسكىن كارتالارمەن جۇمىس ىستەۋ ىستەۋ بىلىكتەرىن ودان ارى دامىتۋ.
تاربيەلىك: سۋ اعىستارىنىڭ شارۋاشىلىقتا پايدالانىلۋى تۋرالى ءبىلىم بەرۋ ارقىلى تابيعات سۋىن قورعاۋ ماسەلەلەرىن قاراستىرۋ.
ساباقتىڭ ءتۇرى: ارالاس ساباق
ساباقتى ۇيىمداستىرۋ فورماسى: ءفرونتالدى
ساباقتى جۇرگىزۋ ءادىس - تاسىلدەرى: رەپرودۋكتيۆتى، پروبلەمالىق
قۇرال - جابدىقتار: جارتى شارلار كارتاسى، اتلاس
نومەنكلاتۋرا: لابرادور اعىسى، گولفستريم اعىسى، باتىس جەلدەر اعىسى، كۋروسيو اعىسى، شىعىس اۋستراليا اعىسى، سولتۇستىك اتلانت اعىسى
ساباقتىڭ كەزەڭدەرى:
1. ۇيىمداستىرۋ كەزەڭى 5. ساباقتى قورىتىندىلاۋ كەزەڭى
2. ءۇي تاپسىرماسىن تەكسەرۋ كەزەڭى 6. باعالاۋ كەزەڭى
3. جاڭا تاقىرىپتى مەڭگەرۋ كەزەڭى 7. ۇيگە تاپسىرما بەرۋ كەزەڭى
4. جاڭا تاقىرىپتى بەكىتۋ كەزەڭى

1. وقۋشىلارمەن امانداسۋ. تۇگەندەۋ. ساباققا دايىندىعىن تەكسەرۋ. پسيحولوگيالىق دايىندىعىن تەكسەرۋ.

2. ەڭ الدىمەن وقۋشىلاردىڭ داپتەرلەرىن تەكسەرەدى. كەيىن وتكەن تاقىرىپتىڭ سوڭىنداعى سۇراقتار مەن تاپسىرمالاردى سۇرايدى. قاتەلەرىن انىقتاپ، بىرنەشە انىقتامالاردى سۇرايدى.

3. ءۇي تاپسىرماسىن تەكسەرىپ بولعاننان كەيىن جاڭا تاقىرىپقا كوشەدى.
مۇحيتتتاردىڭ كەيبىر جەرلەرىندە اينالاداعى سۋدان ايىرماشىلىعى بار زور اعىندار وتەدى. ولاردىڭ ەنى جۇزدەگەن، ۇزىندىعى مىڭداعان كيلومەترگە سوزىلادى. وسىنداي مۇحيتتارداعى سۋ ماسساسىنىڭ تۇراقتى تۇردە بەلگىلى ءبىر باعىتتا قوزعالىسىن مۇحيت اعىستارى دەيدى. كەيىن وسى اعىستاردى تۋعىزاتىن – تۇراقتى جەلدەر ەكەنىن ايتادى. ەكۆاتور ماڭىندا افريكانىڭ جاعالاۋلارىنان تۇراقتى جەلدەر ىلعي باتىسقا قاراي سوعادى. وسى جەلدەر گولفستريم اعىسىن تۋدىرادى. ءمۇعالىم وقۋشىلارعا سۋىق اعىستاردىڭ تەمپەراتۋراسى نەلىكتەن تومەن بولىپ كەلەدى دەگەن سۇراق قويادى.

4. تاقىرىپتى بەكىتۋ ءۇشىن تاپسىرمالار بەرەدى: كەسكىن كارتاعا جىلى جانە سۋىق اعىستاردى قىزىل جانە كوك سىزىقتارمەن ءتۇسىرۋ. ولاردىڭ اتتارىن جازۋ.
كەيىن ءمۇعالىم وقۋشىلارعا نەلىكتەن ەۋروپانىڭ سولتۇستىگى مەن باتىسىندا قىسى جىلى بولىپ كەلەدى؟ دەگەن سۇراق قويادى. وسىعان جىلى اعىستىڭ قاتىسى بار ما؟ ەگەردە بولسا ونى قانداي فاكتىلەرمەن دالەلدەۋگە بولادى؟

5. ساباقتى وقۋشىلارمەن بىرىگە وتىرىپ قورىتىندىلايدى. ول ءۇشىن وقۋشىلارعا بىرنەشە سۇراق قويادى: بۇگىنگى ساباقتا نە بىلدىڭدەر؟ ساباق نەسىمەن قىزىقتى بولدى؟

6. وقۋشىلاردى ساباقتا كورسەتكەن بەلسەندىلىگىنە قاراي، جاۋاپتارىنىڭ دۇرىستىعىنا قاراي جانە كارتامەن جۇمىس ىستەۋ ساپاسىنا قاراي باعالايدى. باعالارىن كۇندەلىكتەرىنە قويىپ بەرەدى.
7. ءۇي تاپسىرماسى: §42. تاقىرىپتى قايتالاۋ، ءماتىن سوڭىنداعى سۇراقتارمەن جۇمىس ىستەۋ. نومەنكلاتۋرانى جاتتاۋ.



تولىق نۇسقاسىن قاراۋ