tengrinews.kz
گەرمانيادان ميلليون دوللارلىق الاياق ەكستراديسيالاندى: 10 جىلدان سوڭ ءادىل سوت الدىنا كەلدى
قازاقستانعا گەرمانيادان اسا ءىرى كولەمدە الاياقتىق جاسادى دەگەن كۇدىكپەن شەتەل ازاماتى ەكستراديسيالاندى. بۇل تۋرالى باس پروكۋراتۋرا مالىمدەدى. اتالعان ازامات 10 جىلدان استام ۋاقىت بويى حالىقارالىق ىزدەۋدە بولعان.
بۇل تۋرالى Infohub.kz اقپارات اگەنتتىگى حابارلايدى.
قىلمىستىق ءىس بويىنشا تەرگەۋ
تەرگەۋ بارىسىندا انىقتالعانداي، 2014 جىلى كۇدىكتى ءبىر توپ اداممەن الدىن الا ءسوز بايلاسقان. ولار كومپيۋتەر تەحنيكاسىن جەتكىزۋگە كومەكتەسەمىز دەگەن جەلەۋمەن قازاقستاندىق كاسىپكەردىڭ 1 ميلليون دوللارىن الداپ يەمدەنگەن.
الاياقتار ءىزىن جاسىرىپ، كەيىننەن گەرمانيادا ۇستالعان. ول 2025 جىلدىڭ قىركۇيەك ايىندا ۇستالىپ، قازاقستانعا ەكستراديسيالاندى.
كۇدىكتىگە قانداي جازا كۇتىپ تۇر؟
قازىرگى ۋاقىتتا كۇدىكتى تەرگەۋ يزولياتورىنا توعىتىلدى. وعان مۇلكىن تاركىلەۋمەن قوسا، 10 جىلعا دەيىن باس بوستاندىعىنان ايىرۋ جازاسى قاراستىرىلعان.
بۇعان دەيىن دە گەرمانيا قازاقستانعا اسا ءىرى كولەمدە الاياقتىق جاسادى دەگەن كۇدىكتىنى ەكستراديسيالاعان بولاتىن. 2023 جىلدىڭ قاڭتار ايىندا ازامات ەكى سىبايلاسىمەن بىرگە جالعان فيرمالار قۇرىپ، قازاقستاندىق بيدايدىڭ ءىرى پارتياسىن جەتكىزەمىز دەپ الداپ، 100 ميلليون تەڭگەدەن استام قاراجاتتى يەمدەنگەن.
-
سينوپتيكتەر 18، 19 جانە 20 ساۋىرگە ارنالعان اۋا رايى بولجامىن ۇسىندى. ەلدىڭ باتىسى مەن وڭتۇستىگىندە جاڭبىر مەن نايزاعاي كۇتىلەدى.
-
الەۋمەتتىك جەلىدە ينتيمدىك ۆيدەوسى تاراپ كەتكەن اسابا مەن ونىڭ جۇبايى جاعدايدىڭ وزدەرىنە اۋىر ءتيىپ جاتقانىن ايتىپ، حالىقتان كومەك سۇرادى.
