InfoHub Logo

تانىمال پروديۋسەر گۇلزيرا ايداربەكوۆا ءسىڭلىسى ساۋلە بازارحاننىڭ ومىردەن وزعانىنا قاتتى قايعىرعانىن جەتكىزدى. ول بۇل تۋرالى الەۋمەتتىك جەلىدەگى پاراقشاسىندا جازبا جاريالادى.

بۇل تۋرالى Infohub.kz اقپارات اگەنتتىگى حابارلايدى.

ايداربەكوۆانىڭ ايتۋىنشا، ءسىڭلىسىنىڭ كەنەتتەن قايتىس بولۋى ونىڭ جانىنا قاتتى باتقان. ول ءومىردىڭ قىسقالىعىن جانە جاقىنداردى باعالاۋدىڭ ماڭىزدىلىعىن ەسكە سالدى.

«ساۋلەشىم، از ءومىردى باعالاۋ كەرەك ەكەنىن مەڭزەپ كەتكەندەي بولدى ماعان»

گۇلزيرا ايداربەكوۆا ءسىڭلىسىنىڭ ەشكىم تۋرالى جامان ءسوز ايتپايتىن، ەشكىمدى داتتامايتىن تاماشا جان بولعانىن اتاپ ءوتتى. «ءبارىمىزدىڭ مەكەنىمىز ءبىر، ەرتەلى-كەش كەتەمىز دەپ ءوزىمىزدى جۇباتقانمەن، وكىنىش ورتەي بەرەدى ەكەن. ءبىر جاقسى ادامىڭنان ايىرىلعانىڭ ءىشىڭدى ورتەي بەرەدى…»، — دەپ جازدى ول.

پروديۋسەر سونداي-اق، سىڭلىسىمەن بىرگە الەمنىڭ تۇكپىر-تۇكپىرىنە ساياحاتتاپ بارعان ەستەلىكتەرى تۋرالى دا ايتىپ ءوتتى. «نە دەگەن تولاسسىز حاتتار، پابليكتىڭ قايسىسىن اشساڭ دا — “ساۋلەشىم…”»، — دەپ جازباسىن قورىتىندىلادى.