InfoHub Logo

قازاقستاندىق بلوگەر ءارى كوپشىلىككە تانىمال ارۋ داريا قۋاتجان شەتەلگە دەمالۋعا بارىپ، كۇتپەگەن جاعدايعا تاپ بولعانىن الەۋمەتتىك جەلىدەگى پاراقشاسىندا ءبولىستى.

بۇل تۋرالى Infohub.kz اقپارات اگەنتتىگى حابارلايدى.

ونىڭ ايتۋىنشا، ءدال ءقازىر ول كاتاردا ءجۇر. الايدا دەمالىس ساپارى شيەلەنىسكەن جاعدايمەن تۇسپا-تۇس كەلگەن.

داريا جازباسىندا قازىرگى احۋالدىڭ بەلگىسىز ەكەنىن ايتىپ، گۇرسىلدەگەن دىبىستار جيىلەپ كەتكەنىن جەتكىزگەن.

«كاتارداعى قازىرگى جاعداي: گۇرسىلدەگەن، دۇرسىلدەگەن داۋىستار ءجيى. ءجاي جەلدەن شىعار دەپ قويىپ وتىرمىز قىزدارمەن. ءبىز وتە تىنىش قالا شەتىندەگى رايوندامىز، قالاداعى جاعداي ازىرگە بەلگىسىز»، – دەپ جازدى ول.

سونداي-اق بلوگەر بۇل ساپارعا ۇزاق ۋاقىت جۇمىس ىستەپ، ارەڭ شىققانىن ايتىپ، جاعدايدىڭ ءدال وسىلاي ءوربيتىنىن كۇتپەگەنىن جاسىرمادى.

«ءبىر جىل بويى توقتاماي جۇمىس جاساپ، قايدا كەتسەم دە كەتتىم دەپ، كاتارعا ساياحاتتاپ كەتىپ ەدىم، قايدان بىلەيىن سوعىس جاعدايىن… نە بولسا دا اللا قالاۋى، امان بولايىق»، – دەدى داريا قۋاتجان.

بۇعان دەيىن ول: «ءما، دوستار، ءدال ءقازىر مەن دە كاتاردامىن. ءبىر شەت ەلگە شىعا قويايىن دەسەم، سوعىس باستالىپ كەتتى»، – دەپ جازبا جاريالاعان بولاتىن.

جەلى قولدانۋشىلارى بلوگەرگە قولداۋ ءبىلدىرىپ، اماندىق تىلەپ جاتىر.