Philip Kendall
حانتاۆيرۋس: ءۇش ادامنىڭ ءومىرىن قيعان قاتەرلى ىندەت تەڭىز ساياحاتىندا جۇقتىرىلعان
اتلانت مۇحيتىنداعى كرۋيزدىك كەمەدە ءۇش ادامنىڭ ءومىرىن قيعان حانتاۆيرۋس ينفەكسياسىنىڭ ءورشۋى تىركەلدى. بۇل تۋرالى الەمدىك اقپارات قۇرالدارى حابارلادى.
MV Hondius كەمەسى ارگەنتينادان كابو-ۆەردەگە بارا جاتقان جولاۋشىلاردى تاسىمالداعان. الايدا، ساياحاتتىڭ سوڭى قايعىلى جاعدايمەن اياقتالدى.
العاشقى بولىپ 70 جاستاعى نيدەرلاندىلىق ەر ادامنىڭ بويىندا اۋرۋ بەلگىلەرى بايقالدى. ول كەمە بورتىندا كوز جۇمدى. كەيىننەن ونىڭ 69 جاستاعى ايەلى دە اۋىر حالدە يوحاننەسبۋرگتەگى اۋرۋحاناعا جەتكىزىلگەنىمەن، ءومىرىن ساقتاپ قالۋ مۇمكىن بولمادى. كەمەدەگى تاعى ءبىر جولاۋشى دا وسى ۆيرۋستان قايتىس بولدى. ال 69 جاستاعى ۇلىبريتانيا ازاماتىنىڭ جاعدايى اۋىر، ول وڭتۇستىك افريكاداعى جانساقتاۋ بولىمىندە جاتىر. ونىڭ بويىنان حانتاۆيرۋس انىقتالعان.
دارىگەرلەر كەمەدە ۆيرۋس جۇقتىرعاندار سانىنىڭ كوبەيۋى مۇمكىن ەكەنىن ايتۋدا. دۇنيەجۇزىلىك دەنساۋلىق ساقتاۋ ۇيىمى (ددسۇ) مالىمەتىنشە، حانتاۆيرۋس تىنىس الۋ جولدارىنىڭ اۋىر اۋرۋلارىنا اكەلۋى ىقتيمال. اقش اۋرۋلاردى باقىلاۋ جانە الدىن الۋ ورتالىعىنىڭ دەرەكتەرى بويىنشا، بۇل ۆيرۋس وكپە قابىنۋىنا، ياعني حانتاۆيرۋستىق وكپە سيندرومىنا سوقتىرۋى مۇمكىن. سيرەك بولسا دا، ۆيرۋس ادامنان-ادامعا جۇعۋى ىقتيمال ەكەنى ايتىلادى.
-
اقش پرەزيدەنتى دونالد ترامپ ورمۋز بۇعازىنداعى كەمەلەردى بوساتۋ وپەراسياسىنىڭ باستالاتىنىن حابارلادى. بۇل وپەراسيا يرانمەن قارىم-قاتىناس شيەلەنىسكەن كەزدە ءوتتى.
-
A Hantavirus outbreak on a cruise ship traveling the Atlantic Ocean has resulted in three fatalities، raising concerns about potential further spread.
