InfoHub Logo

ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ پودكاستىندا ىشكى ىستەر ءمينيسترى ەرجان سادەنوۆ قوعامدا قىزۋ تالقىلانعان ماسەلەلەرگە، سونىڭ ىشىندە «شترافستان» تۇسىنىگىنە قاتىستى پىكىر ءبىلدىردى.

مينيستر بۇل تەرميندى ەرەجەنى بۇزاتىندار عانا قولداناتىنىن اتاپ ءوتتى. «ەرەجەنى بۇزباساڭىز، ايىپپۇل دا سالىنبايدى. قاراپايىم ءتارتىپتى ساقتاۋ – مادەنيەتتىڭ ءبىر بولىگى»، – دەدى ول.

سونداي-اق، سادەنوۆ پوليسيانىڭ باستى ماقساتى – ايىپپۇل جيناۋ ەمەس، قۇقىق بۇزۋشىلىقتاردىڭ الدىن الۋ ەكەنىن ايتتى. ونىڭ پىكىرىنشە، قوعام زاڭ تالاپتارىن سانالى تۇردە قابىلداۋى كەرەك.

مينيستر «زاڭ مەن ءتارتىپ» قاعيداتى قازاق قوعامىنا گەنەتيكالىق دەڭگەيدە ءتان ەكەنىن اتاپ ءوتىپ، «جەتى جارعى» مەن دالا زاڭدارىنىڭ دا وسى تارتىپكە نەگىزدەلگەنىن ەسكە سالدى.