InfoHub Logo

الەمگە ايگىلى كاسىپكەر يلون ماسك جاڭا "Terafab" جوباسىن ىسكە قوساتىنىن مالىمدەدى. بۇل جوبانىڭ باستى ماقساتى – جىلىنا تريلليون ۆاتت ەسەپتەۋ قۋاتىنا يە ميكروسحەمدەر ءوندىرۋ.

بۇل تۋرالى Infohub.kz اقپارات اگەنتتىگى حابارلايدى.

ماسكتىڭ ايتۋىنشا، بۇل اۋقىمدى جوباعا Tesla، xAI جانە SpaceX كومپانيالارى بىرىگىپ اتسالىسادى. ول بۇل تۋرالى ءوزىنىڭ X الەۋمەتتىك جەلىسىندەگى پاراقشاسىندا جازدى.

جوبانىڭ ەرەكشەلىكتەرى

Tesla كومپانياسىنىڭ حابارلاۋىنشا، "Terafab" جوباسى اياسىندا الەمدەگى ەڭ ءىرى ميكروچيپ ءوندىرىسى سالىنادى. بۇل زاۋىت جىلىنا 1 تۆت-قا دەيىن (شامامەن ءبىر تريلليون ۆاتت) ەسەپتەۋ قۋاتىن بەرە الاتىن بولادى. مۇندا لوگيكالىق چيپتەر، جاد ميكروسحەمالارى جانە وزىق بۋىنداۋ تەحنولوگيالارى ءبىر شاڭىراق استىنا توپتاستىرىلادى.

كومپانيا ماماندارىنىڭ ايتۋىنشا، كۇن ەنەرگياسىن ءتيىمدى پايدالانۋ ءۇشىن جىلىنا 100 ميلليون تونناعا دەيىن كۇن ەنەرگياسىن جيناۋ جۇيەلەرىن كوسموسقا شىعارۋ قاجەت. بۇل ءۇشىن ميلليونداعان توننا جۇكتەردى وربيتاعا شىعارۋ، كۇن ەنەرگياسىمەن جۇمىس ىستەيتىن جاساندى ينتەللەكتى بار سپۋتنيكتەر، سونداي-اق ينفراقۇرىلىمدى قۇرۋعا كومەكتەسەتىن Tesla Optimus روبوتتارى قاجەت بولادى. وسىنىڭ بارىنە ميكروچيپتەر كەرەك. تەك Optimus روبوتتارىنا 100-200 گۆت ەسەپتەۋ قۋاتى قاجەت بولسا، جاساندى ينتەللەكتى بار سپۋتنيكتەر ءۇشىن بۇل كورسەتكىش تەرا-ۆاتتقا جەتەدى.

الەمدىك وندىرىستەن اسىپ تۇسەدى

Tesla كومپانياسىنىڭ مالىمەتىنشە، "Terafab" جوباسىنىڭ وندىرىستىك قۋاتى 2030 جىلعا دەيىنگى الەمدەگى بارلىق ميكروسحەم وندىرۋشىلەرىنىڭ جالپى قۋاتىنان اسىپ تۇسپەك. "ءبىز "TERAFAB"-تى قۇرىپ جاتىرمىز. بۇل – قازىرگى چيپ ءوندىرىسى مەن بولاشاقتاعى سۇرانىس اراسىنداعى الشاقتىقتى جويۋعا باعىتتالعان قادام. بولاشاق جۇلدىزدار اراسىندا"، - دەلىنگەن كومپانيا حابارلاماسىندا.

Forbes باسىلىمىنىڭ بۇرىنعى مالىمەتتەرىنە سۇيەنسەك، جوبانىڭ قۇنى 25 ميلليارد دوللارعا باعالانعان. جىلىنا 100-200 ميلليارد دانا جاساندى ينتەللەكت پەن جادقا ارنالعان ارنايى چيپتەر شىعارۋ جوسپارلانعان.