ءىنى
- اكەڭنىڭ كىشى ءىنىسى ول بالا ساۋاتتى ءبۇعالدىر بولدى، - دەيدى اپاسى.
- ءقايبىر جىلى جامبىل جاققا دا بارىپ قىزمەت ىستەپ قايتتى. سوندا جامبىلدىڭ جىگىتتەرى جاقسى سىيلاعان دەپ وتىراتىن بىلەتىن جۇرت. ءوزى جاقسى بولسا، قاي جەردىڭ جىگىتتەرى دە سىيلايدى عوي. ءبارى ءبىر قازاقتىڭ بالاسى ەمەس پە؟ انا ۇلكەن ۇلىنا بايقادام دەپ ات قويسا، سول جامبىلدىقتاردىڭ قۇرمەتىنە قويىلعان ەسىم. جامبىلدىڭ بايقادام دەگەن جەرى بار ەكەن.وسى كۇنى گارمون ويناپ وتىراسىڭ عوي. انا بولمەدە گارمون ويناپ وتىراسىڭ. سونى مىنا بولمەدە جاتىپ تىڭداپ جاتامىن ويناپ وتىرعانىڭدى. سول بالا ويناۋشى ەدى گارموندى. ول بالانىڭ ءوزى مىنەزى تەنتەك بولدى. ءبىراق اعاسىنا قارسى ءبىر اۋىز سويلەمەيتىن. اكەڭ قىزمەتىنەن كەلىپ، تۇستە دەمالىپ جاتادى عوي. ول گارموننىڭ داۋسىن جاقتىرتپايدى. "ءاي، قۇرتشى انا بالەنى!" سوندا انا بالا گارمونىن قۇشاقتاعان كۇيى لىپ ەتىپ ۇشىپ تۇرادى. دالاعا شىعىپ، كوگال ءشوپتىڭ ۇستىندە وتىرىپ ويناپ وتىراتىن. سونداي قۇمار ەدى گارمونعا.
بىردە، ونداي-ونداي بولادى عوي بويداق بالادا، جولداستارىمەن بولعان عوي، ۇرتتاپ كەلىپتى. اكەڭ سوعان شارتتا-شۇرت اشۋلاندى. ول قامشى ۇستايدى عوي. سوعىستان كەيىن دە قىزمەت ىستەگەن جىگىتتەر قىزمەتتى اتقا ءمىنىپ ءجۇرىپ ىستەگەن. شار ەتىپ بىلەگىنە جابىساسىڭ عوي. ول ايەلدى تىڭداي ما؟ سوندا دەيمىن-اۋ، وي قۇداي-اي دەسەيشى، ءوزىنىڭ قىستا كيەتىن قالىڭ قارا تونى بار ەدى. سول توندى جۇلىپ الدى دا، انا بالا جەڭى شولاق كويلەكپەن جۇرگەن بالا عوي، ارقاسىنا جاۋىپ جىبەرىپ، توننىڭ سىرتىنان شارت-شارت ەتكىزىپ اشۋىن شىعارىپ الدى دا، قامشىسىن لاقتىرىپ جىبەردى. قانشا اشۋ قىسىپ تۇرسا دا، ءىنىمنىڭ ارقاسىن قامشى وسىپ كەتپەسىن دەپ جاتىر عوي. باۋىر عوي، ءقايتسىن ەندى، بىرگە تۋعان.
- اكەم دۇنيە سالعان كۇنى ول كىسى كوپ جىلادى عوي.
- ويبوي، جىلاماي ءقايتسىن؟ باۋىر ەمەس پە، ءبىر اكە، ءبىر انادان تۋىپ وتىرعان.
- ۇلكەندەر قويعىزا المادى. سوسىن ۇرىستى. "اۋ، سەن دەگەن بالالى-شاعالى بولىپ وتىرعان جىگىت ەمەسسىڭ بە؟ بالالاردى جىلاتا بەرەسىڭ عوي ەندى. سەن كىشكەنە وز-وزىڭە توقتاۋ سالسايشى، - دەدى. سوندا دا اۋىزعى بولمەدەگى ەسكى كەرەۋەتتىڭ ۇستىندە وتىرىپ الىپ، كوپكە دەيىن سولقىلداپ جىلاپ وتىردى.
- بۇلاردىڭ كورگەن قيىندىقتارى ەستەرىندە تۇرادى عوي. ۇشەۋى بىردەي سوعىستىڭ الدىندا جەتىم قالعان. ۇلكەنى سەنىڭ اكەڭدى سوعىسقا الىپ كەتكەن. بۇلاردى جەتىم ءوسىپ جەتىلگەن دەپ ايتاتىنى سودان جۇرتتىڭ. ۇشەۋى دە بىردەي قىزمەتكە اياق ىلىكتىرىپ كەتتى دەيدى. ۇشەۋى دە بىردەي دۇنيە جينادى، ۇشەۋى دە بىردەي كىتاپ جينادى. انا ەكى بالانىڭ ءۇيى دە كىتاپتان كورىنبەيدى عوي وسى، بارساڭ. انا اكەڭنىڭ ۇلكەن ءىنىسى - ءمۇعالىم بالا ءقايبىر جىلى الماتىدا اۋرۋحانادا جاتتى. سوندا اعاسىنا حات جازا بەرەتىن. "ءۇش ءۇيدىڭ بالدارىن ءبىر بولمەگە قاما، - دەيدى. - قاماپ ءوسىر". اعايىندى ءۇش جىگىتتىڭ بالدارى بىر-بىرىنە جات بولىپ كەتپەسىن دەيدى عوي. سونى ويلاپ جاتادى سوندا جاتىپ. - سەن اكەڭنىڭ ولگەن كۇنىن بىلەتىن بە ەدىڭ؟ وندا دەگەن سەن كىشكەنتاي بالا ەمەس پە ەدىڭ؟! - بىلەمىن.
You Might Also Like
-
اقتوبە وبلىسى، ىرعىز اۋدانى، جانىس بي اۋىلى، تەمىراستاۋ ورتا مەكتەبىنىڭ
