InfoHub Logo

اقتاۋلىق اسابا حان الەۋمەتتىك جەلىدە تاراعان ءينتيمدى ۆيدەوعا بايلانىستى تۋىنداعان جاعدايدان كەيىن العاش رەت جۇرتشىلىق الدىنا شىعىپ، وتباسىنا، اسىرەسە جۇبايىنا جاسالىپ جاتقان قىسىمعا قاتىستى ءۇن قاتتى.

بۇل تۋرالى Infohub.kz اقپارات اگەنتتىگى حابارلايدى.

اسابا ەڭ الدىمەن كوپشىلىكتەن ايەلىنە باعىتتالعان جاعىمسىز پىكىرلەر مەن قىسىمدى توقتاتۋدى ءوتىندى. ونىڭ ايتۋىنشا، بۇل جاعداي جۇبايىنا اۋىر تيگەن.

"ءقازىر ايەلىمە وتە قيىن. ەگەر سىن ايتقىلارىڭىز كەلسە، ماعان ايتىڭىزدار. مەن كوتەرەمىن. وتىنەمىن، وعان تيىسپەڭىزدەر. ول ەشتەڭەگە كىنالى ەمەس"، – دەدى ول.

وتباسىنداعى جاعداي جانە جالعان اقپاراتتار

اسابا اناسىنىڭ كەلىنىنە دەگەن كوزقاراسى وزگەرمەگەنىن جانە وتباسىندا تۇسىنىستىك بارىن جەتكىزدى. جەلىدە اسابانىڭ 16 جاستاعى موبيلوگرافتىڭ وتباسىنان 8 ميلليون تەڭگە تالاپ ەتتى دەگەن اقپارات تاراعان بولاتىن. الايدا، ول بۇل مالىمەتتى جوققا شىعاردى.

"مەن ەشقانداي اقشا سۇراعان جوقپىن. بارلىعى سوت ارقىلى شەشىلەدى. ايەلىمنىڭ ابىرويى بارىنەن قىمبات. مۇنداي ماسەلەدە اقشا ەشتەڭەنى شەشپەيدى"، – دەدى اسابا.

ول سونداي-اق الەۋمەتتىك جەلىدە تاراعان جالعان اقپاراتتارعا سەنبەۋگە شاقىردى.

ەڭبەك جولى جانە بولاشاق جوسپارلارى

اسابا وزىنە باعىتتالعان سىندارعا دا جاۋاپ بەرىپ، جەتىستىككە ءوز ەڭبەگىمەن جەتكەنىن ايتتى. ونىڭ سوزىنشە، ول بالا كەزىنەن ەڭبەككە ارالاسقان.

"مەن بارىنە ءوزىم جەتتىم. اۋىلدا ءتۇرلى جۇمىس ىستەدىم. بۇگىندە Instagram ارقىلى تابىس تاۋىپ، وتباسىمدى اسىراپ وتىرمىن"، – دەدى ول.

جەلى قولدانۋشىلارى ونىڭ قالا اۋىستىرۋ جوسپارىنا دا قىزىعۋشىلىق تانىتقان. اسابا بۇل سۇراققا ناقتى جاۋاپ بەرمەي، الدىمەن قازىرگى جاعدايدىڭ شەشىلۋى ماڭىزدى ەكەنىن جەتكىزدى.

"ءبارى مۇمكىن. ءبىراق الدىمەن وسى ماسەلەنى سوڭىنا دەيىن جەتكىزۋ كەرەك"، – دەدى ول.