InfoHub Logo

جاڭا iPhone 20-نىڭ العاشقى بەينەسى جەلىدە پايدا بولدى. YouTube-تەگى fpt. ارناسىنىڭ ينسايدەرى دجون پروسسەر جاڭا قۇرىلعىنىڭ مۇمكىندىكتەرى مەن ديزاينىن كورسەتتى. ۆيدەودا سمارتفوننىڭ بارلىق جاعىنان كورىنىسى بەرىلىپ، اسىرەسە ءيىلىپ تۇراتىن ەكرانى نازار اۋدارادى. بۇل تۋرالى Tengri Life سايتى Lifehacker-گە سىلتەمە جاساپ حابارلايدى.

سىرتقى كەلبەتىندەگى وزگەرىستەرمەن قاتار، ىشكى جاڭارتۋلار دا كۇتىلۋدە. Apple كومپانياسى ءداستۇرلى ليتيي-يوندى اككۋمۋلياتورلاردان باس تارتىپ، كرەمنيي انودى بار جاڭا شەشىمدەرگە كوشۋى مۇمكىن. بۇل كورپۋس ولشەمىن وزگەرتپەي، باتارەيا سىيىمدىلىعىن ارتتىرۋعا مۇمكىندىك بەرەدى.

سونداي-اق، جاڭا A21 ءچيپىنىڭ شىعارىلۋى كۇتىلۋدە. ول تەك TSMC ەمەس، Intel زاۋىتتارىندا دا ءوندىرىلۋى ىقتيمال. كامەرادا دا وزگەرىستەر بولجانۋدا: پروسسەردىڭ ايتۋىنشا، سمارتفون جاڭا HDR-سەنسورىمەن جابدىقتالادى، بۇل ءتۇسىرۋ مۇمكىندىكتەرىن كەڭەيتەدى.

قىزىقتىسى، ۆيدەودا تەك ەكى كامەرا جۇيەسى كورسەتىلگەن. ال سوڭعى فلاگماندىق مودەلدەردە ءۇش سەنسور قولدانىلعان ەدى. بۇل ءيىلىپ تۇراتىن ديسپلەيدىڭ جاڭا ديزاينى قۇرىلعىنىڭ بارلىق نۇسقالارىنا ەنگىزىلۋى مۇمكىن دەگەندى بىلدىرەدى.

سونىمەن قاتار، جوعارى جىلدامدىقتى HBM جادىنا كوشۋ ماسەلەسى دە تالقىلانۋدا. Apple كىرىكتىرىلگەن جاساندى ينتەللەكتتى جەدەلدەتۋ ءۇشىن وسىنداي نۇسقانى زەرتتەپ جاتىر. Samsung كومپانياسى بۇل تەحنولوگيانى شاعىن قۇرىلعىلارعا بەيىمدەپ ۇلگەرگەن كورىنەدى. iPhone 20 ءۇشىن OLED-ديسپلەيلەر مەن جادىنىڭ نەگىزگى جەتكىزۋشىسى وسى كومپانيا بولۋى مۇمكىن.

جاڭا ۇلگىدەگى سمارتفوننىڭ 2027 جىلى شىعارىلۋى جوسپارلانۋدا.

بۇعان دەيىن ينسايدەرلەر مەن ساراپشىلار Apple كومپانياسىنىڭ 2026 جىلدىڭ كۇزىندە شىعاراتىنى ايتىلعان iPhone 18 Pro-نىڭ مۇمكىندىكتەرى تۋرالى تولىق مالىمەتتەردى جاريالاعان بولاتىن.