InfoHub Logo

يران سىرتقى ىستەر مينيسترلىگىنىڭ وكىلى الي لاريدجاني اقش-پەن ەشقانداي كەلىسسوز جۇرگىزۋدەن باس تارتتى. بۇل تۋرالى يراننىڭ ۇلتتىق قاۋىپسىزدىك كەڭەسىنىڭ حاتشىسى مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

«ءبىز ەشبىر جاعدايدا اقش-پەن كەلىسسوز جۇرگىزبەيمىز»، - دەلىنگەن رەسمي مالىمدەمەدە.

بۇعان دەيىن اقش پرەزيدەنتى دونالد ترامپ يرانمەن كەلىسسوز جۇرگىزۋگە دايىن ەكەنىن ايتقان بولاتىن. ول سونداي-اق، ەگەر تەگەران اقش-تى «قاناعاتتاندىرسا»، سوققىلاردى توقتاتۋعا بولاتىنىن جەتكىزگەن ەدى.

امەريكا اسكەريلەرى قاجەت بولعان جاعدايدا يرانعا شابۋىلدى تورت-بەس اپتا بويى جالعاستىرۋدى جوسپارلاپ وتىر.

ەستەرىڭىزگە سالا كەتەيىك، 28 اقپاندا اقش پەن يزرايل يرانعا قارسى اۋقىمدى اسكەري وپەراسيا باستادى. تەل-اۆيۆتىڭ ايتۋىنشا، سوققىلاردىڭ ماقساتى – يراننىڭ يادرولىق قارۋ الۋىنا جول بەرمەۋ. اقش پرەزيدەنتى دونالد ترامپ يراندىق فلوت پەن قورعانىس ونەركاسىبىن جويۋ نيەتىن ءبىلدىرىپ، ەل ازاماتتارىن رەجيمدى قۇلاتۋعا شاقىردى.

1 ناۋرىزعا قاراعان ءتۇنى يران جوعارعى كوشباسشىسى الي حامەنەيدىڭ قازا تاپقانى تۋرالى حابارلاندى. اقش پەن يزرايل شابۋىلىنان اياتوللانىڭ قىزى، كۇيەۋ بالاسى، نەمەرەسى جانە كەلىنى دە قازا تاپتى.

ب ا ق مالىمەتتەرى بويىنشا، زىمىراندار اسكەري نىساندارعا عانا ەمەس، يران مەن ايماقتاعى باسقا دا ەلدەردىڭ ازاماتتىق ينفراقۇرىلىمىنا دا تيگەن. تەگەران بۇعان جاۋاپ رەتىندە يزرايل اۋماعىنا، سونداي-اق تاياۋ شىعىستاعى امەريكاندىق بازالارعا شابۋىل جاساپ وتىر.