InfoHub Logo

يران بيلىگى تاياۋ شىعىستاعى سوعىستىڭ اقش تاراپىنان وتەماقى تولەنسە جانە امەريكا اسكەرى پارسى شىعاناعى ەلدەرىنەن شىعارىلسا عانا اياقتالۋى مۇمكىن ەكەنىن مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

تەگەراننىڭ تالاپتارى

يران تاياۋ شىعىستاعى سوعىستى توقتاتۋ ءۇشىن ەكى نەگىزگى شارتتى اتادى. بۇل تۋرالى ەلدىڭ ساياسي ماقساتقا ساي شەشىمدەر قابىلداۋ جونىندەگى كەڭەسىنىڭ مۇشەسى، گەنەرال-مايور موحسەن رەزاي مالىمدەدى.

ونىڭ ايتۋىنشا، تەگەران اقش ارەكەتتەرى سالدارىنان كەلتىرىلگەن شىعىنداردى وتەۋدى تالاپ ەتەدى. «سوعىستىڭ اياقتالۋى ءبىزدىڭ قولىمىزدا. ءبىز ونىڭ اياقتالۋىن، بىرىنشىدەن، امەريكانىڭ ارەكەتتەرىنەن كەلتىرىلگەن بارلىق شىعىندار وتەلگەن كەزدە كۇتەمىز»، - دەدى رەزاي.

اقش اسكەرىن شىعارۋ – ەكىنشى شارت

يراننىڭ ەكىنشى تالابى – اقش اسكەرىن پارسى شىعاناعى ەلدەرىنەن تولىق شىعارۋ. رەزايدىڭ سوزىنە قاراعاندا، بۇعان دەيىن ايماقتا ۇزاق مەرزىمدى قاۋىپسىزدىكتى قامتاماسىز ەتۋ مۇمكىن ەمەس.

ول سوڭعى ونجىلدىقتا اقش-تىڭ پارسى شىعاناعىندا بولۋى ايماقتاعى تۇراقسىزدىقتىڭ باستى سەبەپتەرىنىڭ ءبىرى بولعانىن اتاپ ءوتتى. سونىمەن قاتار، يراندىق گەنەرال ايماق قاۋىپسىزدىگى ورمۋز بۇعازىنىڭ باقىلاۋى پارسى شىعاناعى ەلدەرىندە بولعان جاعدايدا عانا قامتاماسىز ەتىلەدى دەپ ەسەپتەيدى.

يران پرەزيدەنتىنىڭ ۇستانىمى

بۇعان دەيىن يران پرەزيدەنتى ماسۋد پەزەشكيان دا ءبىرقاتار شارتتار ورىندالسا، سوعىس اياقتالۋى مۇمكىن ەكەنىن ايتقان بولاتىن. ونىڭ ايتۋىنشا، اقش پەن يزرايل:

ب ا ق مالىمەتتەرىنە سۇيەنسەك، تەگەران سونداي-اق يراننىڭ اتوم ەنەرگەتيكاسى نىساندارىندا تولىق يادرولىق وتىن سيكلىن جۇرگىزۋ قۇقىعىن مويىنداۋدى تالاپ ەتەدى.

قاقتىعىستىڭ شيەلەنىسۋى

يران مەن اقش جانە يزرايل كواليسياسى اراسىنداعى اسكەري ءىس-قيمىلدار 28 اقپاننان بەرى جالعاسۋدا. اقش پەن يزرايل يران اۋماعىنا اۋە شابۋىلدارىن جاساپ جاتسا، تەگەران بۇعان جاۋاپ رەتىندە يزرايلگە، امەريكا نىساندارىنا جانە پارسى شىعاناعى ەلدەرىنە شابۋىلدايدى.

اقش پرەزيدەنتى دونالد ترامپ بۇعان دەيىن سوعىستىڭ «ول قالاعان كەزدە اياقتالاتىنىن» ايتقان بولاتىن. يزرايل قورعانىس ءمينيسترى يسراەل كاس تا قاجەت بولعانشا اسكەري ءىس-قيمىلدار جالعاساتىنىن مالىمدەدى.