InfoHub Logo

اقش اسكەرى يراننىڭ گورۋك پەن كەشم ارالىنداعى راديولوكاسيالىق ستانسيالارىنا سوققى جاسادى. بۇل يراننىڭ دروندارىنا جاۋاپ رەتىندە جاسالعانى حابارلاندى. ورتالىق قولباسشىلىقتىڭ مالىمەتىنشە، بۇل شابۋىلدار يراننىڭ ءارى قارايعى شابۋىلدارىن بولدىرماۋ ماقساتىندا جۇزەگە اسىرىلعان.

بۇل تۋرالى Infohub.kz اقپارات اگەنتتىگى حابارلايدى.

امەريكا اسكەرىنىڭ ارەكەتى

اقش ورتالىق قولباسشىلىعى (CENTCOM) مالىمدەمەسىندە يراننىڭ ورمۋز بۇعازىنا قاراي ۇشىرىلعان ءتورت درونىن جويعانىن راستادى. بۇل شابۋىل ايماقتاعى تەڭىز قاتىناسىنا ءقاۋىپ توندىرگەن.

بۇعان دەيىن CNN تەلەارناسى رەسمي تۇلعاعا سىلتەمە جاساپ، يراننىڭ ورمۋز بۇعازىنا قاراي بىرنەشە دروندار ۇشىرعانىن، ونىڭ ۇشەۋىن امەريكاندىق اسكەريلەر اتىپ تۇسىرگەنىن حابارلاعان.

يراننىڭ جاۋابى

CENTCOM مالىمەتىنشە، يران كۋۆەيت پەن باحرەينگە قاراي جەتى بالليستيكالىق زىمىران ۇشىرعان. ونىڭ التاۋى اتىپ ءتۇسىرىلىپ، جەتەۋى نىساناعا جەتپەگەن. اقش اسكەرى 5 ماۋسىمدا ورمۋز بۇعازى مەن پارسى شىعاناعى ەلدەرىنە قاراي ۇشىرىلعان يراندىق بالليستيكالىق زىمىراندار مەن درونداردى اتىپ العانى ايتىلدى.

اقش-تىڭ سوققىلارىنا جاۋاپ رەتىندە يراندىق اسكەريلەر تاياۋ شىعىستاعى امەريكاندىق اسكەري بازالارعا زىمىرانمەن شابۋىل جاساپ، ورمۋز بۇعازىنان رۇقساتسىز وتپەك بولعان ءتورت تانكەرگە وق جاۋدىردى. بۇل تۋرالى يسلام ريەۆوليۋسياسى ساقشىلار كورپۋسىنىڭ (كسير) مالىمدەمەسىنە سىلتەمە جاساپ Reuters حابارلادى.

بۇل يران مەن اقش اراسىنداعى سوڭعى اپتاداعى العاشقى سوققى الماسۋ ەمەس. سارسەنبى كۇنى تەگەران ومان شىعاناعىنداعى كەمەلەرگە جاسالعان شابۋىلعا جاۋاپ رەتىندە امەريكاندىق ەسمينەسكە شابۋىل جاسالعانىن مالىمدەگەن.