tengrinews.kz
يران اسكەريلەرى ورمۋز بۇعازىندا ەكى كەمەنى باسىپ الدى
يراننىڭ كورپۋسى يسلام ريەۆوليۋسياسى ساقشىلارى (كسير) ورمۋز بۇعازى ماڭىندا رۇقساتسىز وتپەك بولعان MSC-Francesca جانە Epaminondas كونتەينەر تاسىمالداۋشى كەمەلەرىن باسىپ الدى. بۇل تۋرالى Press TV تەلەارناسى حابارلادى.
كسير-دىڭ مالىمەتىنشە، Epaminondas كەمەسى اقش اسكەريلەرىمەن ىنتىماقتاستىق جاساعان، ال MSC-Francesca كەمەسى يزرايلمەن بايلانىستى.
تەلەارنانىڭ حابارلاۋىنشا، ۇستالعان كەمەلەر جۇكتەر مەن ءتيىستى قۇجاتتاردى تەكسەرۋ ءۇشىن يراننىڭ اۋماقتىق سۋلارىنا جىبەرىلەدى.
ەسەپتە Epaminodes كەمەسىنىڭ ليبەريا تۋىمەن ءجۇزىپ، ءۇندىستاننىڭ مۋندرا كونتەينەر پورتىنا باعىت العانى ايتىلادى. تەلەارنا كسير-گە سىلتەمە جاساپ، 2024-2026 جىلدارى كەمە اقش-تىڭ 11 ءتۇرلى پورتىنا 36 رەت توقتاپ، شامامەن 299 مىڭ توننا جۇك تۇسىرگەنىن قوسادى.
كسير كەمەنىڭ ەكى كۇن بۇرىن ورمۋز بۇعازىنداعى لارەك ارالىنىڭ ماڭىندا بولعانىن اتاپ ءوتتى.
13 ساۋىردە اقش تەڭىز كۇشتەرى ورمۋز بۇعازىنىڭ ەكى جاعىنداعى يراندىق پورتتارعا كىرىپ-شىعاتىن بارلىق تەڭىز ترافيگىن بلوكاداعا الدى. بۇل بۇعاز الەمدىك مۇناي، مۇناي ونىمدەرى جانە سپگ جەتكىزىلىمىنىڭ شامامەن 20 پايىزىن قۇرايدى.
-
75-لەتنيي بيزنەسمەن ەرنە دوزيو ستال جەرتۆوي ناپادەنيا سلونوۆ ۆ تروپيچەسكوم لەسۋ گابونا، پىتاياس دوبىت رەدكۋيۋ انتيلوپۋ.
-
Iranian forces have intercepted two commercial vessels in the Strait of Hormuz، citing alleged ties to the U.S. and Israel.
