Photo: Pixabay (https://www.pexels.com/@pixabay) / Pexels
يران ەلشىسى: قازاقستانعا تىكەلەي ءقاۋىپ جوق، ءبىراق بولاشاقتا جاعداي وزگەرۋى مۇمكىن
يراننىڭ قازاقستانداعى ەلشىسى ءالي اكبار دجوۋكار باسپا ءسوز ءماسليحاتىندا تاياۋ شىعىستاعى اسكەري جاعدايلارعا بايلانىستى قازاقستان مەن ورتالىق ازياعا تىكەلەي ءقاۋىپ جوق ەكەنىن مالىمدەدى. دەگەنمەن، ەلشى بولاشاقتا يرانداعى تۇراقسىزدىق ايماققا قاتەر ءتوندىرۋى ىقتيمال ەكەنىن ەسكەرتتى.
بۇل تۋرالى Infohub.kz اقپارات اگەنتتىگى حابارلايدى.
بولاشاقتاعى ءقاۋىپ
جۋرناليستەردىڭ «سوعىس سالدارى قازاقستان شەكاراسىنا دەيىن جەتۋى مۇمكىن بە؟» دەگەن سۇراعىنا ەلشى بىلاي دەپ جاۋاپ بەردى: «قازاقستان ءۇشىن ەشقانداي ءقاۋىپ جوق. تەك بولاشاقتا يراندا تۇراقسىزدىق نەمەسە جاپپاي تارتىپسىزدىك ورناسا، ورتالىق ازيا ايماعى ءۇشىن بەلگىلى ءبىر ءقاۋىپ تۋىنداۋى مۇمكىن. ونداي جاعدايدا تاياۋ شىعىستان ەكسترەميستەر مەن تەرروريستەردىڭ ەنۋ ءقاۋپى پايدا بولۋى ىقتيمال»، - دەدى ءالي اكبار دجوۋكار.
كاسپيي تەڭىزىندەگى قاۋىپسىزدىك
سونداي-اق، ب ا ق وكىلدەرى كاسپيي تەڭىزىندەگى كەمە قاتىناسىنىڭ قاۋىپسىزدىگى تۋرالى دا سۇراق قويعان. ەلشىنىڭ ايتۋىنشا، كاسپييدەگى قاۋىپسىزدىككە ەڭ الدىمەن جاعالاۋداعى مەملەكەتتەردىڭ وزدەرى جاۋاپتى.
ەسكە سالا كەتەيىك، 28 اقپاندا اقش پەن يزرايل يرانعا قارسى اسكەري وپەراسيا باستاعان بولاتىن. سوڭعى مالىمەتتەرگە سايكەس، شابۋىلدار سالدارىنان يراندا كەمىندە 1300 ادام قازا تاپتى.
-
ءماجىلىس دەپۋتاتى اسحات ايماعامبەتوۆ ازاماتتاردىڭ سكرينينگتىك تەكسەرۋلەردەن وتۋگە قۇقىلى ەكەنىن جانە وعان ارنايى الەۋمەتتىك دەمالىس بەرىلەتىنىن ەسكە سالدى.
-
Iran's Ambassador to Kazakhstan addresses regional security concerns، stating no immediate danger but warning of potential future risks.
