InfoHub Logo

يران امەريكا قۇراما شتاتتارى، يزرايل جانە ولاردىڭ وداقتاستارىنىڭ كەمەلەرى ءۇشىن ورمۋز بۇعازىن جىلدار بويى جابىق ۇستاي الاتىنىن مالىمدەدى. بۇل تۋرالى يراندىق شەنەۋنىك Press TV ارناسىنا بەرگەن سۇحباتىندا ايتتى.

بۇل تۋرالى Infohub.kz اقپارات اگەنتتىگى حابارلايدى.

شەنەۋنىكتىڭ ايتۋىنشا، يران بۇل جاعدايدى ۇزاق ۋاقىتقا دەيىن ساقتاي الادى. سەبەبى، اقش اسكەري بازالارى مەن تاياۋ شىعىستاعى گارنيزونداردى جابدىقتاۋ ءۇشىن قولدانىلاتىن كوپتەگەن تەحنيكا وسى سۋ جولى ارقىلى تاسىمالدانادى.

Press TV دەرەككوزىنىڭ تۇسىندىرۋىنشە، ەگەر بۇعازداعى قوزعالىس بۇرىننان رەتتەلگەندە، قارسى تاراپتىڭ ايماقتاعى لوگيستيكالىق مۇمكىندىكتەرى ايتارلىقتاي تومەندەگەن بولار ەدى.

ورمۋز بۇعازىنداعى جاعداي

بۇعان دەيىن Al Jazeera تەلەارناسى يران ورمۋز بۇعازىنا كىرۋگە رۇقسات بەرەتىن ەلدەردى ءۇش ساناتقا ءبولۋى مۇمكىن ەكەنىن حابارلاعان بولاتىن. ولار: جاۋلاسۋشى، بەيتاراپ جانە دوستىق قارىم-قاتىناستاعى ەلدەر. جاۋلاسۋشى مەملەكەتتەرگە ورمۋز بۇعازىنان وتۋگە تىيىم سالىنادى. ال بەيتاراپ ەلدەر ءۇشىن ارنايى اقى تولەۋ قاجەت بولادى.

اقش پەن ءيزرايلدىڭ تاياۋ شىعىستاعى اسكەري وپەراسيالارىنان كەيىن ورمۋز بۇعازى ارقىلى مۇناي مەن سپگ جەتكىزۋ توقتاتىلدى. بۇل الەم ەلدەرىندە جانارماي باعاسىنىڭ وسۋىنە سەبەپ بولدى.

قازىرگى ۋاقىتتا بۇل تەڭىز جولىمەن تەك يرانعا دوستىق قارىم-قاتىناستاعى ەلدەر عانا وتە الادى. Tasnim اگەنتتىگىنىڭ مالىمەتىنشە، ولاردىڭ قاتارىندا رەسەي، جۇڭگو، ءۇندىستان، يراك جانە پاكىستان بار. اقش پرەزيدەنتى دونالد ترامپ كەيبىر ەۋروپالىق جانە ازيالىق مەملەكەتتەردى بۇل ايماققا كەمەلەر جىبەرىپ، جولدى اشۋعا شاقىرعان، ءبىراق كوپشىلىگى باس تارتتى.

كەشە تەگەران اراب جانە ازيالىق ەلدەردىڭ بۇل بۇعازدى پايدالانۋ ەرەجەلەرىن بەلگىلەيتىن «ورمۋز پاكتىسىن» ازىرلەۋدى ۇسىندى.