InfoHub Logo

يران "Iran International" تاۋەلسىز سپۋتنيكتىك تەلەارناسىمەن ىنتىماقتاستىقتى جالعاستىراتىن "بەلگىلى ءبىر مەكەمەلەر مەن ەلدەرگە" ەسكەرتۋ جاسادى. ەگەر بۇل ىنتىماقتاستىق توقتاماسا، اتالعان تەلەارناعا قاتىستى نىساندار مەن ينفراقۇرىلىم يران اسكەريلەرىنىڭ نىسانالار تىزىمىنە ەنۋى مۇمكىن.

بۇل تۋرالى Infohub.kz اقپارات اگەنتتىگى حابارلايدى.

اقپاراتقا سۇيەنسەك، "Iran International" تەلەارناسى ۇلىبريتانيادان حابار تاراتادى جانە تۇركىمەنستانعا تيەسىلى "TürkmenÄlem 52E/MonacoSat" سپۋتنيگىن پايدالانادى. بۇدان بولەك، بۇل سپۋتنيكتى ونداعان باسقا تەلە- جانە راديوارنالار دا قولدانادى.

يراننىڭ "حاتام ءال-انبيا" وكىلىنىڭ مالىمدەمەسى

يران مەملەكەتتىك باق-تارىنىڭ حابارلاۋىنشا، يران قارۋلى كۇشتەرىنىڭ "حاتام ءال-انبيا" قولباسشىلىعىنىڭ ءاتى-جونى اتالماعان وكىلى "Iran International" تەلەارناسىن "سيونيستىك ب ا ق" دەپ اتاپ، ونىڭ يران حالقىنا قارسى "شيەتتىلىك تۋدىرۋ، جالعان اقپارات تاراتۋ، قاۋەسەت جانە پسيحولوگيالىق سوعىس" جۇرگىزۋ ماقساتىندا ارەكەت ەتەتىنىن ايتقان. ول سونداي-اق، ەگەر بۇل "سۇرقيا جانە شايتاني" ارناعا قولداۋ كورسەتۋ جالعاسا بەرسە، ونىمەن ىنتىماقتاسقاندار يران يسلام رەسپۋبليكاسىنىڭ نىسانالار تىزىمىنە ەنەتىنىن ەسكەرتكەن.

رۋمىنياعا دا ەسكەرتۋ جاسالدى

تەگەران رۋمىنياعا دا ەسكەرتۋ جاساپ، ەگەر بۋحارەست ۆاشينگتونعا ءوز اۋماعىن يرانعا قارسى وپەراسيالار ءۇشىن پايدالانۋعا رۇقسات بەرسە، رۋمىنيا جانجالدىڭ قاتىسۋشىسى بولاتىنىن جەتكىزگەن. بۇعان دەيىن رۋمىنيا پارلامەنتى ەل اۋماعىنا قوسىمشا امەريكاندىق اسكەري بولىمدەر مەن اۆياسيانى ورنالاستىرۋ تۋرالى ۇسىنىستى ماقۇلداعان بولاتىن.