InfoHub Logo

يران پرەزيدەنتى ماسۋد پەزەشكيان اقش پەن يزرايلمەن قاقتىعىستى توقتاتۋدىڭ نەگىزگى شارتتارىن اتاپ ءوتتى. بۇل شارتتارعا يراننىڭ قۇقىقتارىن مويىنداۋ، كەلتىرىلگەن شىعىنداردى وتەۋ جانە بولاشاق اگرەسسيادان قورعاۋعا كەپىلدىك بەرۋ كىرەدى.

بۇل تۋرالى Infohub.kz اقپارات اگەنتتىگى حابارلايدى.

پەزەشكيان ءوزىنىڭ X الەۋمەتتىك جەلىسىندەگى پاراقشاسىندا رەسەي جانە پاكىستان باسشىلارىمەن اڭگىمەلەسكەنىن، ايماقتاعى بەيبىتشىلىككە يراننىڭ بەيىلدىلىگىن راستاعانىن جازدى. ونىڭ ايتۋىنشا، «سيونيستىك رەجيم مەن اقش باستاعان بۇل سوعىستىڭ اياقتالۋىنىڭ جالعىز جولى – يراننىڭ زاڭدى قۇقىقتارىن مويىنداپ، رەپاراسيا تولەۋ جانە بولاشاق اگرەسسياعا قارسى سەنىمدى حالىقارالىق كەپىلدىكتەر الۋ».

بۇعان دەيىن اقش پرەزيدەنتى دونالد ترامپ يرانعا قارسى اسكەري وپەراسيانىڭ جاقىن ارادا اياقتالۋى مۇمكىن ەكەنىن، سەبەبى «سوققى بەرۋگە نىساندار قالماعانىن» ايتقان بولاتىن. اق ءۇي باسشىسى Axios باسىلىمىنا بەرگەن سۇحباتىندا سوعىس «جاقسى ءجۇرىپ جاتقانىن» جانە اقش جوسپاردان الدەقايدا الدا ەكەنىن مالىمدەگەن.